ULANGAN 8:4 - Alkitab Singog In Mongondow Masa In Tanaa

⁴ Kon bonu in opat nopuḷú notaong naa pakeangmu diábí nobaḻí nokoyongan bo sioḷmu in diábí doman nobobagá.

ULANGAN 8:4 ပူးပေါင်းရင်းမြစ်များ

NEHEMIA 9:21

Opat nopuḷú notaong in koonggotnea in kon padang gurun, Inogoian-Mu in bayongan inta pakéon monia. Pakeang monia diábí kon dodai in onda in nogoguyaat, sioḷ monia in diábí doman monakit andeka nobobagá,

IḶUAIAN 16:35

Manna tatua nobaḻí kaanon intau Israel kon bonu in opat nopuḷú notaong noiduduimai, nodapot in mosia noyaput kon Kanaan, tampat tobatú inta pinogutunan monia notantú. (

PINOGIAPAN 14:33

Opat nopuḷú notaong koonggotnea ki adí monimu kon padang gurun. Popisí in moiko diá mosatia, ki adímu mita tatua in mokorasa kon yoyiga, modapot kon intau inta pangabisan kon sigad monimu matoidon.

ULANGAN 2:7

Toropbí naonda in ki Tuhan Allahmu nomarakatdon kon i monimu kon bayongan in yagi-yagi inta inaidan monimu. Iḷukadan-Nea in moiko kon tungkuḷ in moiko kon padang gurun inta mobendar naa. Inoḻiungan-Nea in moiko opat nopuḷú notaong naa bo nobogoi domandon in bayongan onu inta pakéon monimu.

ULANGAN 29:5

Opat nopuḷú notaong in koonggotnea ki Tuhan nodia kon i monimu nongin padang gurun, tongá pakeang bo silopmu in diábí nokoyongan.