ULANGAN 8:2 - Alkitab Singog In Mongondow Masa In Tanaa

² Toropdon! Opat nopuḷú notaong koonggotnea in ki Tuhan Allahmu nodia kon i monimu kon bonu in binayáan moyayú sinumaḻib kon padang gurun. Binayáan tatua imakusud i Tuhan monungkuḷ kon i monimu, sinbá koontongan-Neadon onu in kon bonu in ginamu bo indoian-Nea mongo moiko mokopotoindudui kon parenta-Nea mita.

ULANGAN 8:2 ပူးပေါင်းရင်းမြစ်များ

KINOBAḺIAN 22:1

Diá noonggot kon tua, kotoindudui Abraham sinungkuḷan i Allah. Ki Allah in nogoiní, “Abraham!” Bo ki Abraham sinumubag, “Ya Tuhan.”

TAWARIKH 2 32:31

Bo kon tungkuḷ in totabá mita inta nongkon Babel namangoi sin moḻibó kon inia kon kinopopia in takitnea inta mokoherang, ki Tuhan nopomayá kon i Hizkia nogaid tontaní, sinbá motaau monungkuḷ kon ginanea.

TAWARIKH 2 33:12

Kon bonu in roriganea tatua sinumonsiup in sia kon i Tuhan Allahnea, bo nosambayang nopoigum in totuḷung-Nea.

TAWARIKH 2 33:19

Kon bonu in buk Ouman in Nabi mita pinais domandon in sambayang i Manasye bo tubag i Allah kon sambayang tatua, bo ouman in dosanea mita kon dodai in sia diápa nogogai in nogaid kon dosa, tampat mita pososumbaan kon berhala bo patong mita i Dewi Asyera inta pinomianea, bo berhala mita inta sinumbanea.

NEHEMIA 9:19

Táe kon padang gurun tatua diábí sinaḷáan-Mu in mosia, sin Iko in nopuḻing in totabi. Oigi goḷom bo tuḷú in diábí irabut-Mu bui, mototundú kon daḷan kon i monia singgai bo doḷom.

AYUB 33:17

Makusud-Nea sinbá mosia in mogogai mogaid kon dosa bo monaḷámai kon kaḷakuang monia.

MAZMUR 103:2

Dayowdon in ki Tuhan, ei dimukudku, dika ḻiongon in bayongan in kopopia-Nea!

MAZMUR 106:7

Kon tungkuḷ in kon Mesir mogoguyang nami diá nomangaḻe; mia-Mu inta mokotongaw diábí kinomangaḻean monia. Kinoḻiongan monia in tabi-Mu inta moḷoben totok, bo kon diug in Dagat in Gelagah mosia in nomarontak kon i Inta Totok in Moḷantud.

MAZMUR 136:16

Dinia-Nea in umat-Nea nongin padang gurun; tabi-Nea in umuran mononoi.

MAZMUR 77:11

Bo akuoi in noguman, “Naabí in mokonakit kon ginaku, kon ki Inta Totok in moḷantud diádon nongawasa bui.”

MAZMUR 81:7

“Ininggamáan-Kudon in onu inta pinotaanmu, bo noḷuat doman kon karansi inta sinombuḻiganmu.

IḶUAIAN 15:25

Ki Musa nosambayangdon kon i Tuhan, bo ki Tuhan nopoontongdon in kayu toputoḷ kon inia. Kayu tatua pinogambat i Musa kon bonu in tubig tatua, bo tubig tatua in nobaḻídon nopira in nanamnea, dá motaaudon inumon. Kon tampat tatua ki Tuhan nobogoi in atorang mita kon i monia, bo kon tua doman Sia nonungkuḷ kon i monia.

IḶUAIAN 16:35

Manna tatua nobaḻí kaanon intau Israel kon bonu in opat nopuḷú notaong noiduduimai, nodapot in mosia noyaput kon Kanaan, tampat tobatú inta pinogutunan monia notantú. (

IḶUAIAN 16:4

Ki Tuhan noguman kon i Musa, “Tanaa in poponag-Kudon in kaanon inta mobarong totok ná uyan sin kaanon monimu komintan. Pomuḷoi in singgai moiko in musti mosipun kon kaanon tatua inta tugat kaanon tosinggai. Natuata in pononungkuḷ-Ku kon umat-Ku sinbá kotaauan-Ku mongo motoindudui in mosia kon parenta-Ku andeka diá.

IḶUAIAN 20:20

Tubag i Musa, “Dika moondok. Ki Allah in mamangoi tongábí monungkuḷ kon i monimu sinbá moiko in umuran motoindudui kon i-Nia, bo diá mogaid kon dosa.”

AMSAL 17:3

Buḷawan bo saḷaka in ujionbí kon tuḷú, táe gina in intau in ujionbí i Tuhan.

YESAYA 2:17

Intau moḷoḷatú in poompáan, bo intau mododia in potungkudon. Tongá ki Tuhan tontaní in poḷantudon.

YEREMIA 2:6

Akuoi in diádon pinandungmai; Akuoi, inta ain nokapit kon i monia kon daḷan, bo nodia kon i monia iḻumuai nongkon Mesir sinumaḻib kon rawang in bungaion, tampat inta diá in mobobiag inta nobayong in pobeukan, bo inta noingkag bo mokoanib doman – tampat inta diá inutunan bo diá bayáanmai!

YEHEZKIEL 20:19

Akuoibí in ki Tuhan Allahmu. Duduiaidon in hukum mita bo parenta-Ku mita.

AMOS 2:10

Moiko in dinia-Kudon iḻumuai nongkon Mesir, bo dinia-Ku nongin rawang in bungaion opat nopuḷú notaong in koonggotnea. Butá in intau in Amori ain inogoi-Ku kon inimu nobaḻí butámu tontaní.

PINOGIAPAN 14:33

Opat nopuḷú notaong koonggotnea ki adí monimu kon padang gurun. Popisí in moiko diá mosatia, ki adímu mita tatua in mokorasa kon yoyiga, modapot kon intau inta pangabisan kon sigad monimu matoidon.

LUKAS 18:14

“Bá poguman-Ku kon i monimu kon sambayangbí in mononagi kon pajak tanaa in sinarima i Allah, deemanbí sambayang intau in Parisi. Sin ki ine in mosiḷantud, yo sia in poompáanbí, táe ki ine moompá in dodia, yo sia in poḷantudonbí.”

YOHANES 2:25

Tuamai diá bidon paraḷu mokodongog kon tosingogon in intau ibanea, sin kinotaauan-Nea onu in kon bonu in gina intau.

ULANGAN 1:3

Kon singgai noginmitá kon buḷan mopuḷú bo mita kon taong noginggopat nopuḷú naonda in mosia nonaḷámai kon Mesir, ki Musa nopotaau kon bangusa tatua in bayongan inta pinoki potaau i Tuhan kon monia.

ULANGAN 1:33

inta minayá inumuna kon imonimu sin motayak kon pononḷoḷaiganmu. Sia in notundú kon daḷan kon inimu kon tungkuḷ in doḷom takin oigi tuḷú, bo kon tungkuḷ in singgai nomaké in oigi goḷom.”

ULANGAN 13:3

dikadon iko mokidongog kon tosingogonnea. Ki Tuhan Allahmu in nomaké kon intau tatua sin monungkuḷ kon i monimu, sin moindoi mongo totu-totuu in moiko motabi kon i Tuhan ande diá.

ULANGAN 2:7

Toropbí naonda in ki Tuhan Allahmu nomarakatdon kon i monimu kon bayongan in yagi-yagi inta inaidan monimu. Iḷukadan-Nea in moiko kon tungkuḷ in moiko kon padang gurun inta mobendar naa. Inoḻiungan-Nea in moiko opat nopuḷú notaong naa bo nobogoi domandon in bayongan onu inta pakéon monimu.

ULANGAN 29:5

Opat nopuḷú notaong in koonggotnea ki Tuhan nodia kon i monimu nongin padang gurun, tongá pakeang bo silopmu in diábí nokoyongan.

ULANGAN 32:7

Toropdon in singgai muna, taridiaidon in singgai mita tungkuḷ intua. Ḻibódon kon guyangamu, sinbá mosia in mopotaau kon inimu.

ULANGAN 7:18

Táe dika moondok kon i monia; toropdon onu in pinomia i Tuhan Allahmu kon i datu in Mesir bo bayongan in rayatnea.

ULANGAN 8:16

Kon padang gurun Sia nobogoi in manna kaanonmu, kokaanon inta diábí kinotaauan in mogoguyangmu. Inaidan i Tuhan intua sin monungkuḷ kon i monimu bo motundú sinbá mokopoompá kon gina, bá kon buitnea Sia mopoaid in mopia kon i monimu.

YAKOBUS 1:3

Sinbá kotaauandon monimu, kon aka moiko bo umuran mopirisaya kon i Tuhan kon dodai in koantugan in sobaan, yo tua in mokopobaḻí kon i monimu moropot.

YAKOBUS 4:10

Moiko in musti mokopoompá kon dodia kon tayowon i Tuhan, dá poḷantudon i Tuhan in moiko.

YAKOBUS 4:6

Umpaka natua, totabi Allah inta inogoi kon i naton moropo-ropot nongkon ibog in roho naton tatua. Tuamai kon bonu in Buk motusi in pinais doman, “Ḷawangonbí i Allah in intau inta mokaḷakuang, táe Sia in motabibí kon intau inta moompá in dodia.”

PETRUS 1 1:7

Tujuan intua komintan in mogujibí kon i monimu mongo totuudon mopirisaya kon i Tuhan andeka diá. Buḷawanpa inta mogogu-goguyaatbí, mustibí ujionpa muna in tuḷu. Pirisayabí monimu in momaha-mahaḷ nongkon buḷawan mita tatua, tuamai mustibí doman ujion sinbá moiko in mobaḻídon totok in moroton. Aka natua yo moiko in dayowonbí bo horomaton poḷat diaan mayá in soroga aka ki Yesus Kristus buidon mamangoi.

WAHYU 2:23

Dumoduduinea mita in ḻimodon-Kubí doman sinbá kotaauandon in bayongan jamaat kon Akuoibí naa in Sia inta nonotaau kon raian bo gina intau. Bo moiko in tuḻían-Kubí podudui in aid monimu tontaní.

HAKIM MITA 2:22

Pakéon-Kudon in bangusa mita tatua sin monungkuḷ kon bangusa Israel, sinbá kotaauan-Ku mongo umat in Israel moibog dumudui kon parenta-Ku mita ná mogoguyang monia, andeka doí.”

HAKIM MITA 3:4

Mosia in kon tuapa sin mobaḻí totungkuḷ kon bangusa in Israel. Takin natua dá kotaauandon mongo bangusa in Israel dinumuduipa kon parenta mita inta ain inogoi i Tuhan kon mogoguyang monia pinongin i Musa.