ULANGAN 7:8 - Alkitab Singog In Mongondow Masa In Tanaa

⁸ Táe ki Tuhan nomiḻí kon i monimu sin motabi in Sia kon i monimu bo mogintompod kon dandi inta pinomia-Nea takin mogoguyangmu. Tuamai in noposaḷamat in Sia kon i monimu takin kawasa inta moḷoben bo nopoḷuat kon i monimu nongkon kawasa i datu in Mesir.

ULANGAN 7:8 ပူးပေါင်းရင်းမြစ်များ

KINOBAḺIAN 19:16

Mogagawang totok in ki Lot. Táe ki Tuhan in motabi kon inia; tuamai intau mokokiangoi doyowa tatua in nokapit kon i Lot takin ki buḷoinea bo ki adínea bobay doyowa tatua iḻumuai in kotá.

KINOBAḺIAN 19:29

Natuata, tungkuḷ in ki Allah nomokak kon kotá mita tatua bo ḷopá inta pinogutunan i Lot, kinotoropan i Allah in ki Abraham bo sinuḷungan-Nea in ki Lot noḷagui.

SAMUEL 2 22:20

Sia in nopoḷuat kon inakó nongkon roriga bo pinosaḷamat-Nea in akuoi sin kinoibog-Nea in akuoi.

DATU MITA IMITÁNEA 10:9

Dinayo-dayowdon in ki Tuhan, Allah i Tuang! Inta ain noduí kon i Tuang nobaḻí datu in Israel, pinoniata i Tuhan kon totuu mopia in gina-Nea kon i Tuang. Diá modai-dait in tabi-Nea kon bangusa in Israel; tuamai in Sia noduí kon i Tuang nobaḻí datu monia sinbá ki Tuang motaau moposindog in hukum bo koadilan.”

TAWARIKH 1 16:16

Dodandian tatua in pinomia-nea takin i Abraham, bo noiduduimai takin i Ishak,

TAWARIKH 2 9:8

Dinayo-dayowdon in ki Tuhan, Allah i Tuang! Inta ain noduí kon i Tuang nobaḻí datu sin momarenta pinodoyon kon tangoi-Nea, pinoontong-Nea kon totuu mosanang in gina-Nea kon i Tuang. Popisí in motabi in Sia kon umat in Israel bo ibogon-Nea sinbá mosia in umuran oyúon, dá dinuí-Nea in ki Tuang nobaḻí datu monia, sinbá ki Tuang in motaau mopobayá in hukum bo koadilan.”

MAZMUR 105:42

Sin ki Tuhan in nokotorop kon dandi-Nea kon i Abraham, mogogundoi-Nea.

MAZMUR 44:3

Iko tontaní in noguntun kon bangusa mita sinbá umat-Mu in mogutun motantú kon butá monia. Bangusa mita ibanea pinobodito-Mu, táe umat-Mu in pinomayá-Mu mako in kodugangannea.

MAZMUR 44:4

Butá tatua in diábí inagow monia nopomaké in kedang; diábí doman ropot monia tontaní in nokopountung kon i monia, táe pinodoyonbí kon kawasa bo sindar in kinoangoian-Mu, sin noibog in Iko notuḷung kon umat-Mu.

IḶUAIAN 13:14

Aka kon singgai moiduduimai ki adímu moḻibó onu in mangaḻe in tua komintan, yo nanaa in pototubag monimu, ‘Takin kawasa inta moḷoben, ki Tuhan nodia kon i naton iḻumuai nongkon butá in Mesir, tampat pinononggataan kon i naton.

IḶUAIAN 13:3

Ki Musa noguman kon bangusa Israel, “Kon singgai naa ki Tuhan nopoḷuatdon kon i monimu takin kawasa-Nea inta moḷoben, nodapot in moiko nokoḷuaidon nongkon Mesir, tampat pinononggataan kon i monimu. Tuamai, tanobdon in singgai tanaa. Donaaidon mokaan kon roti inta iragian.

IḶUAIAN 20:2

“Akuoi naa in ki Tuhan Allahmu inta nopoḷuai kon i monimu nongkon Mesir tampat inta pinononggataan kon i monimu.

IḶUAIAN 32:13

Toropdon in ata-Mu mita inta ki Abraham, ki Ishak bo ki Yakub. Toropdon bui kon Iko ain nodandi takin nongibot kon mobogoi kon i monia in buí inta mobarong totok naonda bo tundi kon ḷangit, ná doman tua bayongan butá inta pinodandi-Mu tua in mobaḻí kapunyaan in buí monia mononoi.”

IḶUAIAN 6:6

Moiko in baḻíon-Ku umat-Ku, bo Akuoi in mobaḻí ki Allahmu. Dá kotaauandon monimu kon Akuoi naa in ki Tuhan, Allahmu, inta nopoḷuat kon i monimu nongkon pinononggataan kon Mesir.

YESAYA 43:4

Moḷoben in mangaḻemu kon tayowon-Ku, Akuoi in mohoromat bo motabi kon inimu; dá ogoi-Ku in intau nobaḻí toḻiumu, bangusa mita in nobaḻí toḻiu in nyawamu.

YESAYA 63:9

Sia tontaní in kinoantugan in roriga monia. Ki Tuhan in diábí nopotabá in totabá andeka duta; Siabí tontaní inta nopoḷuat kon i monia popisí in tabi bo totabi-Nea. Sia in umuranbí momiag kon i monia nongkon tungkuḷpabímai.

YEREMIA 31:3

nongkon noyayú Akuoi nokipogontong kon i monia. Ei umat Israel, nongkon koḻipodpabímai Akuoi umuran monotabi kon i monimu, bo umuranbí doman in Akuoi moponiata kon Akuoi in umuranbí motabi kon i monimu.

YEHEZKIEL 36:22

Manangka intua, potaaudon in onu inta poguman-Ku, ki Tuhan Inta Totok in moḷantud kon bangusa in Israel, ‘Onu in pomiaan-Ku kon singgai moiduduimai deemanbí popisí in moiko, ei intau mita in Israel, táe popisíbí in tangoi-Ku inta motusi, inta ain kinotor monimu kon ondaka in bayáan monimu.

MIKHA 6:4

Moiko in dinia-Kudon iḻumuai nongkon Mesir, bo pinoḷuat-Kudon nongkon pinononggataan; Akuoi in nopotabádon kon i Musa, kon i Harun, bo kon i Miryam sin modia kon i monimu.

MIKHA 7:20

Kon umat-Mu, buí i Abraham bo i Yakub, poontong-Mubí in kososatia-Mu bo tabi-Mu inta diá in obotnea tua ná inta pinodandi-Mu kon mogoguyang nami dungkuḷmai.

ZEPANYA 3:17

Moiko in iḷukadan i Tuhan Allahmu inta motorindog. Moiko in mountung popisí in kawasa-Nea. Mopia bo moḷunganga in gina i Tuhan sin moiko, kon bonu in tabi-Nea moiko in mobiag mobagu.

MALEAKHI 1:2

Ki Tuhan in noguman kon umat-Nea, “Akuoi in motabi kon i monimu.” Táe mosia in notubag, “Naonda in pononotabi i Tuhan kon inami?” Ki Tuhan in notubag, “Kinotaauanbí monimu kon ki Esau tua in ki guya-guyangbí i Yakub? Táe ki Yakub in kinotabiku,

MATIUS 11:26

O, Amá, tuata in kinosanang-Mu.”

LUKAS 1:55

Ki Tuhan diá mokoḻiong kon dandi-Nea, bo umuran mosanang in gina-Nea kon i Abraham bo buínea mita dapot in kopaḷutan in dunia naa.”

SURAT I PAULUS KON JAMAAT RUM 11:28

Popisí intau Yahudi doí notarima kon Habar Mopia nongkon i Allah, dá mosia nobaḻí saturu i Allah; bo tua in nobaḻí bidon kauntungan i monimu inta deeman intau Yahudi. Táe lantaran mosia bo ain piniḻí i Allah, dá mosia in umuran kinotabi i Allah sin popisí in mogoguyang monia.

ULANGAN 1:8

Akuoi, ki Tuhan, aindon nopodandi in bayongan butá tatua kon mogoguyang monimu ki Abraham, ki Ishak bo ki Yakub takin bayongan buí monia. Dá bayádon ḻitúai in butá tatua.’ ”

ULANGAN 10:15

Táe tabi i Tuhan kon mogoguyang monimu ná domai tua in koḷoben, nodapot in nongkon sigad in bayongan bangusa moikodon nion in piniḻí-Nea, bo nodapotpabí in masai in tanaa moiko in umat-Nea inta kinopiḻían.

ULANGAN 23:6

Kon bonu in kobiagan monimu bo modapot in toonuka, dikabí motuḷung kon bangusa mita tatua ande baḻíon monimu mobiag motompia in mosia.

ULANGAN 33:3

Totuu, ki Tuhan in motabi kon bangusa-Nea Sia in mogoḻiungbí kon bayongan in intau inta nobaḻí kapunyaan-Nea. Koḻigai in kita dumokó kon tayowon in sioḷ-Nea bo dumudui kon parenta-Nea mita.

ULANGAN 4:20

Táe moiko in bangusa inta pinosaḷamat-Nea nongkon Mesir, tampat inta kinororigaan totok monimu. Moiko in dinia-Nea iḻumuai nongkon butá tatua, sinbá mobaḻí bangusa-Nea tontaní ná kaadaanmu tanaa mako.

ULANGAN 4:34

Dodai in onda in oyúon in ilah tobatú inta nobarani nogamá kon bangusa tobatú nongkon bangusa mita inta oyúon bodongka binaḻí umatnea tontaní, ná inta inaidan i Tuhan Allahmu kon inimu kon Mesir? Inontongdon monimu tontaní naonda in ki Allah takin ropot inta moḷoben nopoangoi in bodito bo parang, nomia kon inta mokoherang mita bo nomia kon soaḷ mita inta motoyang totok.

ULANGAN 4:37

Popisí in motabi in Sia kon mogoguyangmu, dá moiko aindon piniḻí-Nea; takin kawasa-Nea inta moḷoben moiko dinia-Neadon iḻumuai nongkon Mesir.

ULANGAN 5:6

‘Akuoi in ki Tuhan Allahmu inta nodia kon i monimu iḻumuai nongkon Mesir, tampat inta pinononggataan kon i monimu.

YOHANES 1 4:19

Kita motabi, sin ki Allah ain muna notabi kon i naton.

SAMUEL 1 12:22

Ki Tuhan ain nongibot, kon Sia in diábí monaḷámai kon i monimu sin Sia ain nonantú kon umat-Nea tontaní.