ULANGAN 7:2 - Alkitab Singog In Mongondow Masa In Tanaa

² Aka ki Tuhan Allahmu moposarakan in bangusa mita tatua kon bonu in kawasamu bo moiko monaḷowdon kon i monia, ḻimodon in mosia komintan. Dika motabi kon i monia ande momia kon dodandian takin i monia.

ULANGAN 7:2 ပူးပေါင်းရင်းမြစ်များ

KINOBAḺIAN 14:20

Dinayo-dayowdon in ki Allah Inta Totok in Moḷantud, inta ain nobogoi kon inimu in ropot dapot in nokountung nonayow kon musungmu.” Nopaḷut mako kon tua ki Abram nobogoi kon i Melkisedek in mopuḷú noporsen nongkon bayongan barang inta inagownea kon parang tatua inta ain dinianea mangoi.

SAMUEL 2 21:2

(Intau mita in Gibeon deemanbí intau in Israel; mosia in noituot paanan mointok in intau in Amori. Intau mita in Israel ain nongibot kon moḷukad kon i monia, táe ki Saul in noḷongasibí noyopú kon i monia sin sia in norai kon kopontingan in intau in Israel bo Yohuda.) Bo ki Daud in nogoiní kon intau mita in Gibeon tatua

DATU MITA IMITÁNEA 20:34

Bo ki Benhadad in noguman kon inia, “Pobuionkubí kon i Tuang in kotá mita inta ain inagow i amáku nongkon i Tuang. Ki Tuang in motaaubí doman moposindog in pasar kon kotá in Damsyik ná inta pinomia i amáku kon kotá in Samaria.” Tubag i Ahab, “Pinodoyon kon dandi i Tuang tatua, poḷuatonkudon in ki Tuang.” Nopaḷut mako kon tua ki Ahab in nogaid kon dodandian takin i Benhadad bodongka nopomayádon kon inia minayá.

EZRA 10:3

Koḻigai in kita mongibot kon i Allah, kon kita in mopoguntunbí kon bayongan in bobay tatua takin adí mita monia. Kami in dumuduibí kon bayongan in tongginamu bo tonggina in intau mita ibanea inta nohoromat kon parenta i Allah. Kami in dumuduibí kon hukum i Allah.

MAZMUR 106:34

Bangusa mita ibanea diábí iyopú monia, ná inta pinarenta i Tuhan.

IḶUAIAN 22:20

Ki ine in moposumba in kuruban kon inta ilah mita ibanea mako koḻikud in kon i-Nakó, inta Tuhan, yo musti hukumon matoi.

PINOGIAPAN 21:2

Bo intau in Israel nodandi nanaa kon i Tuhan, “Aka totok in pountung-Mu in kami nongkon bangusa tatua, dá mosia takin kotá mita monia in daitonbí nami yompaton.”

PINOGIAPAN 31:17

Dá, naa in ḻimodon in bayongan adí ḷoḷaki bo bobay mita inta ain pinobuḷoi.

PINOGIAPAN 33:52

moiko musti mopoguntun in intau inta nogutun kon butá tatua. Yompatdon in bayongan berhala monia inta nongkon batu bo logam takin tampat mita pooibadaan monia.

ULANGAN 13:8

yo dika indongoganmu in sia bo dika moibog dondouḷugannea in iko. Dika doman motabi ande mogoḻingoi kon intau tatua.

ULANGAN 13:9

Sia in musti ara bo in batu modapot in matoi. Ikobí in musti momangkoi mogandur in batu kon inia, bo duduian in bayongan intau. Intau inta kotaḷá tatua musti ḻimodon, sin sia in moibog mopoyayú kon i monimu nongkon i Tuhan Allahmu inta nopoḷuat kon inaton nongkon pinononggataan kon Mesir.

ULANGAN 19:13

Dika monotabi kon inia. Poḷuatdon in intau Israel nongkon moḷoḻimod tatua, sinbá moiko mobiag motompia.”

ULANGAN 2:33

Táe pinosarakan i Tuhan Allah in sia kon i naton, bo sinaḷow naton in sia takin ki adínea mita bo bayongan in tontaranea.

ULANGAN 2:34

Kon dodai doman intua inagow naton bo irimumud in bayongan kotá, bo noḻimod kon bayongan intau inta nogutun kon tua, ḷoḷaki bobay bo adí mita. Diádon tobatúmai in sinaḻiban.

ULANGAN 23:14

Ki Tuhan Allahmu kotaki-takin monimu kon bonu in pinonḷoḷaigan monimu sin mogoḻiung kon i monimu bo mobogoi kon i monimu in kauntungan kon bayongan musungmu. Dá ḷukadai sinbá pinononḷoḷaiganmu umuran modarit. Dika modapot in kouḻían kon inta diá mopia in kon sigad monimu, sinbá diá taḷaan i Tuhan in moiko.”

ULANGAN 25:12

yo pongkódon in ḻima in bobay tatua bo dikabí motabi kon inia.

ULANGAN 3:3

Dá ki Tuhan Allah naton noposarakandon kon i Datu in Og bo rayatnea kon i naton, bo mosia komintan sinaḷow naton.

ULANGAN 31:5

Ki Tuhan in mobogoibí kon i monimu in kauntungan kon sigad monia, bo mosia in mustibí pomiaan monimu ná inta ain pinogumanku kon inimu.

ULANGAN 33:27

Ki Allah in umuranbí mobaḻí mototuḷungmu, kokaḷ-Nea inta mononoi in motonoi kon i monimu. Sia in noguntun kon musung nongkon tayowon monimu, bo nopotabá kon i monimu noyopú kon i monia.

ULANGAN 7:16

Batúan in bangusa inta pinosarakan i Tuhan Allahmu kon bonu in kawasa mu musti yopúon monimu; dika mopoontong in tabi kon i monia. Dika mosumba kon ilah mita monia, sin aid mita natua mokopoangoi kon bodito kon inimu.

ULANGAN 9:3

Táe tanaa, ontongonbí monimu tontaní naonda in ki Tuhan Allahmu mayá kon muna monimu naonda bo tuḷú inta mokopokak. Sia in monaḷowbí kon i monia kon tayowonmu, dá kountunan bo koyopúanbí monimu in mosia motoyong ná inta pinodandi i Tuhan.

YOSUA 10:28

Singgai tatua ki Yosua nonubu kon Makeda, bo poḷat nonaḷow kon kotá tatua takin datu monia. Bayongan in intau kon kotá tatua iḻimodnea; diá tobatúmai in pinomayá mako nobiag. Inaidanmai i Yosua in datu in Makeda tatua ná doman pinogogaidnea kon i datu in Yerikho.

YOSUA 10:30

Ki Tuhan in nopountung domandon kon intau in Israel nongkon kotá tanaa bo datu monia. Diá tobatúmai in pinomayánea nobiag; bayongan in intau kon bonu in kotá tatua iḻimod. Inaidanmai i Yosua in datu in kotá tatua ná doman pinogogaidnea kon i datu in Yerikho.

YOSUA 10:32

Ki Tuhan nopountung kon intau in Israel nongkon i Lakhis kon pinoparangan kon singgai nogindua. Onu in inaidan monia kon Libna, inaidan doman monia kon Lakhis; diábí in tobatúmai intau in pinomayá mako nobiag, komintanbí iḻimod.

YOSUA 10:40

Bayongan in butá tatua pinotungkud i Yosua. Sia nonaḷow kon bayongan in datu mita inta kon buḷud, kon oyuk mita in buḷud kon dotá in pomukaan, kon sipangkoion mita in buḷud kon dotá in toyopan, bo kon ḷopá mita kon dotá in toḷatan. Diábí in tobatúmai in intau in pinomayánea mako nobiag; komintanbí iḻimod. Tua in pinoduduibí kon parenta i Tuhan, Allah in Israel.

YOSUA 10:42

Tongá komintan noparang, ki Yosua nokotaḷowdon kon bayongan in datu tatua bo nogagow kon bayongan butá inta kon bonu in kawasa monia, sin ki Tuhan, Allah Israel, noparang noyotakin in Israel.

YOSUA 11:8

Bo Israel in pinopountung i Tuhan nongkon i monia. Intau in Israel nonubu bo nondudur kon i monia nodapot in Misrepot-Maim bo Sidon kon dotá in utuan, bo nodapot in Ḷopá in Mizpa kon dotá in pomukaan. Pinoparangan diápa doman mooyong nodapot in diádon tobatúmai in musung in kinotaḻiban – nodaitdon minatoi.

YOSUA 2:14

Dá toimata doyowa tatua notubag, “Kami in modandidon kon aka ogoidon i Tuhan in butá tanaa kon i nami, kopiaanbí nami in pogogaid kon i monimu, asaḷ bo diá oumanonmu kon i ineka in kami naa. Kutukonbí i Tuhan in kami aka diá totuuon nami in dandi tatua.”

YOSUA 21:44

Dá podudui kon onu inta pinodandi i Tuhan kon mogoguyang monia, butá tatua nodame sin iḷukadan i Tuhan. Musung mita monia diá in tobatúmai in mokotaḷow kon i monia, sin ki Tuhan in nobogoi in kauntungan kon intau in Israel nongkon bayongan in musung monia.

YOSUA 8:24

Naonda in tontara mita in Israel nopaḷut noḻimod kon tontara in musung inta nondudur kon i monia kon padang gurun, nobuidon in mosia kon Ai, bo noḻimod kon bayongan in intau inta kon tua.

YOSUA 9:24

Mosia notubag, “Pinomia nami in natua sin dinongogdon nami kon ki Tuhan Allah inta sinumba i Tuang tua ain nopotabá kon i Musa, mogogundoi-Nea tua, nobogoidon kon i Tuang in bayongan butá tanaa bo moḻimod kon bayongan in intau inta nogutun kon butá tanaa kon dodai in tai Tuang mogamádon kon butá tatua. Kami in moondokdon totok aka ḻimodon in kami, tuamai pinomia nami in tanaa mita.

YOSUA 9:7

Táe intau mita in Israel noguman, “Onubí in mangaḻenea kami momia kon dodandian takin i monimu? Degá bo moiko nion in tongábí nogutun kon nodiugmai mita kon naa!”

HAKIM MITA 1:24

mosia noyodungkuḷ in ḷoḷaki tobatú inta namangoi nongkon kotá. Guman monia kon inia, “Aka iko motuḷung kon inami sinbá kami moituot in kotá tanaa, yo mopiabí in pogogaid nami kon inimu.”

HAKIM MITA 1:4

bo i Yohuda noparang noyotakin. Bo pinopountung i Tuhan in mosia nongkon intau mita in Kanaan bo intau in Peris. Mopuḷú noribu in tontara in musung in minatoi kon Bezek.

HAKIM MITA 2:2

Tuamai moiko in diá bidon motaau in mogaid kon dodandian ibanea takin intau mita inta nogutun kon butá tanaa. Mezbah mita monia in mustibí toko umpagon monimu.’ Táe diábí inaidan monimu in onu inta ain pinoki aid-Ku tatua. Tongábí inta diá pinoki aid-Ku in inaidan monimu!