ULANGAN 7:10 - Alkitab Singog In Mongondow Masa In Tanaa

¹⁰ Táe diábí in ondo-ondok-Nea mako in mohukum kon i monia inta mondoí kon i-Nia.

ULANGAN 7:10 ပူးပေါင်းရင်းမြစ်များ

IḶUAIAN 20:5

Dika mosumba kon patong ná tatua, sin Akuoibí naa in ki Tuhan Allahmu, bo Akuoi in doíbí potongkaion in onuka. Intau mita inta moyaat in gina kon i-Nakó, hukumon-Ku modapot kon buí inta nogintoḷu bo noginggopat.

IḶUAIAN 34:7

Umuranbí in Akuoi motabi kon ribuan buí bo mongampung kon taḷá bo dosa; táe intau inta kon dosa in diábí pomayá-Ku mako takin diá hukumon, bo hukumon-Ku doman in adí mita bain ompu modapot kon buí nogintoḷu bo noginggopat popisí in dosa in guyanga monia.”

AMSAL 11:31

Aka kon dunia naa bo intau mopia in mokouḻí kon tontuḻínea, yo notantú bidon kon intau moraat bo binaradosa in mokouḻíbí kon hukuman.

YESAYA 59:18

Sia in motuḻí kon musung-Nea mita podudui in aid monia. Nodapot in bangusa mita kon ḻibuton mita inta moyayú in diábí kotaḻiban in hukuman-Nea.

YEREMIA 32:18

Iko in nopoontong in tabi-Mu inta mononoi kon ribuan in intau, táe Iko in mohukum doman kon intau popisí in dosa in guranganea. Iko in Allah inta momulia bo motorindog; tangoi-Mu in Tuhan Inta Totok in mokawasa.

NAHUM 1:2

Ki Tuhan Allah in doíbí toḻinduaan, intau inta moḷawang kon i-Nia, notantúbí kon mokouḻí kon hukuman. Noidoyon kon torú inta moḷoben Sia in notuḻí kon aid monia.

PINOGIAPAN 10:35

Pomuḷoi in Poti Dodandian tatua diaan, ki Musa moguman, “Sindogdon, o Tuhan, poyayitdon in musung-Mu dapot in intau mita inta doí kon inimu moḷagui.”

PINOGIAPAN 14:18

‘Akuoi, ki Tuhan, diábí ḷagi tumorú. Poontong-Kubí in tabi bo satia-Ku inta diá in poḻiuan. Ampungan-Kubí in intau inta binaradosa bo inta noḷawang kon i-Nakó. Pomayádon mako nanaa, taḷá in guyanga in tuḻían-Kudon kon adí bo ompunea, modapot in buí nogintoḷu bo buí noginggopat.’

SURAT I PAULUS KON JAMAAT RUM 12:19

Utatku mita inta kinotabiku, donaai in moiko motagú kon sakí in gina bo monomayá monuḻí, pomayádon mako bain ki Allah in motuḻí. Sin kon bonu in Buk Motusi ain pinais nanaa: “Akuoibí in motuḻí. Hukumon-Kubí in sia, guman i Tuhan.”

ULANGAN 32:25

Parang in modia kon kopopatoi kon daḷan mita; mokoondok in moiuma kon intau mita kon baḷoi. Tayow mobiag bo mongodeaga mita batánea in tokoyopúon, bo adí doman mointok bo intau inta nogoguyangdon.

ULANGAN 32:35

Ki Tuhan in motuḻíbí bo mohukum kon i monia, diádon moonggot bo mosia moḷabú moyopú; wakutu in kogoguyaatan monia diádon moonggot.

ULANGAN 32:41

Akuoi in mogatábí kon kedang-Ku inta mopouḻi-uḻinag, bo mopobayá in hukuman. Tuḻían-Ku in bayongan musung-Ku bo hukumon-Ku in bayongan inta doí kon i-Nakó.

ULANGAN 5:9

Dika mosumba kon patong ná tatua sin Akuoi in ki Tuhan Allahmu bo Akuoi in doíbí potongkaion in onuka. Intau mita inta moyaat in gina kon i-Nakó hukumon-Ku modapot in buí monia mogintoḷu bo moginggopat.

ULANGAN 7:11

Dá duduiaidon in bayongan hukum inta pinotaauku kon inimu singgai in naa.”

ULANGAN 7:9

Pokotorop kon ki Tuhan Allahmu in tongábí Sia-Sia mita in ki Allah, bo Sia in Allah inta mosatia. Ki Tuhan nogintompod kon dandi-Nea bo noponiata in tabi-Nea inta diá modai-dait modapot in toribu nopobuían kon intau mita inta motabi kon i-Nia bo motoindudui kon parenta-nea mita.