ULANGAN 6:2 - Alkitab Singog In Mongondow Masa In Tanaa

² Moiko bo buímu musti umuran mohoromat kon i Tuhan Allahmu bo dumudui kon bayongan hukum-Nea inta pinotaauku kon inimu, sinbá moumur in kobiagan monimu kon butá tatua.

ULANGAN 6:2 ပူးပေါင်းရင်းမြစ်များ

KINOBAḺIAN 18:19

Sia ain piniḻí-Ku sinbá motundú kon i adínea mita bo kon buínea sinbá motoindudui kon i-Nakó bo mogaid kon onu inta mopia bo moadil. Aka soaḷ tatua aidan monia, yo bayongan in dandi-Ku kon i Abraham in intompodan-Ku.”

KINOBAḺIAN 22:12

“Donaai yoyigaanmu in adí tanion ande donaaidon yagi-yagionmai in sia,” guman tuhan pinongin malaekat tatua. “Tanaa in kinotaauan-Kudon kon iko in totokbí in mohoromat bo motoindudui kon i-Nakó, popisí in iko diábí nonolak in nobogoi kon i adímu tuḷong tua kon i-Nakó.”

DATU MITA IMITÁNEA 8:40

sinbá umat-Mu in umuran motoindudui kon ini-Mu kon bonu in mosia mogutun kon butá inta inogoi-Mu kon mogoguyang nami.

AYUB 28:28

Ki Allah in noguman kon intau, “Sinbá mokouḻí kon hikmat, ki Allah in musti horomaton monimu. Sinbá momangaḻe, inta moraat musti poyayúon monimu.”

MAZMUR 111:10

Ki ine in moibog mobijaksana musti mohoromat kon i Tuhan, Sia in nobogoi in pomomangaḻe kon bayongan in intau inta motoḷutui. Dinayo-dayowdon in ki Tuhan dapot in mononoi!

MAZMUR 128:1

Dondong mayá in Baḷoi Tuhan. Pia in kamang in intau inta motoguondok bo nobiag noidudui kon parenta i Allah.

MAZMUR 91:16

Sia in pooropon-Kubí in umur moḷanggó, bo posaḷamaton-Ku.”

IḶUAIAN 20:12

Horomatbí in ki amá bo ki inámu, sinbá moiko mobiag motompia bo moumur in kobiagan kon butá inta ogoi-Ku kon inimu.

IḶUAIAN 20:20

Tubag i Musa, “Dika moondok. Ki Allah in mamangoi tongábí monungkuḷ kon i monimu sinbá moiko in umuran motoindudui kon i-Nia, bo diá mogaid kon dosa.”

AMSAL 16:6

Intau inta tumoḷutui kon i Allah in ampunganbí; intau inta mopirisaya in moisimparutbí kon bayongan inta moraat.

AMSAL 3:16

Hikmat mobogoi kon inimu in umur moḷanggó, kaoyúonan bo kahoromatan.

AMSAL 9:11

Hikmat in mobogoi in umur moḷanggó kon inimu.

MOHOHUTUBA 12:13

Naonda intua komintan irai-raikumai, naa in imbuit in tosingogon inta nouḻíku. Kotoguondok kon i Allah bo duduiai in bayongan parenta-Nea, sin tuabí in mangaḻe pinomaḻían-Nea kon intau.

YEREMIA 32:39

Akuoi in mobogoibí kon i monia in tongábí tobatú in tujuan kobiagan: tuata in mohoromat kon i-Nakó modapot in mononoi; tua in modiabí kon kopiaan kon i monia tontaní, bo kon i buí monia.

YEHEZKIEL 20:19

Akuoibí in ki Tuhan Allahmu. Duduiaidon in hukum mita bo parenta-Ku mita.

LUKAS 12:5

Naa in poguman-Kudon kon i monimu mongo ki ine in musti koondok monimu. Kotoguondokbí kon i Allah! Sin aka Sia yo mopaḷut mako moḻimod, yo oyúon doman in kawasa-Nea mopogarab kon bonu in naraka! Popirisayadon, Siabí tua in musti koondok monimu.

ULANGAN 10:20

Horomatbí in ki Tuhan Allahmu bo poibadadon tongá kon i-Nia. Moiko in musti umuran mokoposatia kon i-Nia bo mongibot tongá podoyon kon tangoi-Nea.

ULANGAN 11:9

Bo moonggot in kobiagan monimu kon butá inta nooyúon bo mopia, inta pinodandi i Tuhan kon mogoguyangmu bo kon buí monia.

ULANGAN 13:4

Intau ná tatua in musti hukumon matoi, sin moibog mopoḷaḻe in daḷan inta pinarenta i Tuhan Allahmu kon inimu. Sia tua in intaubí moraat sin mopotabá kon i monimu moḷawang kon i Tuhan Allahmu inta nopoḷuai kon i monimu nongkon Mesir, tampat pinononggataan kon i monimu. Dá sia tua in mustibí ḻimodon, sinbá onu inta moraat tatua daiton inggamáan. Táe moiko in mustibí umuran dumudui kon i Tuhan Allahmu bo mohoromat kon i-Nia; duduiai in Sia bo aidai in bayongan parenta-Nea. Umuran pokosatia bo pogundoi kon i-Nia.

ULANGAN 15:5

asaḷ bo moiko motoindudui kon i Tuhan Allahmu, bo takin motaridi momia kon bayongan inta pinotaauku kon inimu singgai in naa.

ULANGAN 22:7

Moiko in motaaubí mogamá kon i adínea mita, táe pomayádon mako in ki inánea ḷumayug, sinbá moumur in kobiaganmu bo mobiag motompia.

ULANGAN 30:19

Tanaa in motaau bidon moiko momiḻí mongo mobiag ande matoi, barakat i Tuhan ande kutuk-Nea. Ḷangit bo butá oiníonku mobaḻí sakusi kon simpod in tosingogonmu. Piḻídon in mobiag.

ULANGAN 30:20

Kotabibí in ki Tuhan Allahmu, duduiaidon in Sia, bo pokosatiadon kon i-Nia. Dá moiko bo buímu in mobiag moumur kon butá inta pinodandi i Tuhan kon mogoguyangmu, ki Abraham, ki Ishak bo ki Yakub.”

ULANGAN 4:10

soaḷ singgai tatua, kon tungkuḷ in moiko sinimindog kon tayowon i Tuhan Allahmu kon Buḷud in Sinai. Kon dodai intua Sia in noguman kon inakó, ‘Sipundon in bangusa tatua. Ibogon-Ku in mosia mokidongog kon onu in poguman-Ku, sinbá mosia in mobalajar motoindudui kon i-Nakó kinoouput in kinobiagan monia, bo bá mosia motundú kon i adí mita monia sinbá motoindudui kon i-Nakó.’

ULANGAN 4:40

Duduiaidon in bayongan hukum inta inogoiku kon inimu singgai naa, dá moiko bo buímu in mobiag motompia bo umuran oyúon kon butá inta inogoi i Tuhan Allahmu nobaḻí kapunyaanmu mononoi.”

ULANGAN 4:9

Taridi bo toropdon kopiaan, sinbá kinoouput in kinobiaganmu diá koḻiongan monimu onu inta ain inontong monimu tontaní. Oumandon kon adí bo ompumu

ULANGAN 5:16

Horomat bo ḷukadai in ki amá bo ki inámu; tuata in parenta-Ku, ki Tuhan Allahmu, sinbá moiko mobiag motompia bo moḷanggó in kobiagan kon butá inta bain ogoi-Ku kon inimu.

ULANGAN 5:33

Aidaidon in bayongan inta pinarenta i Tuhan Allahmu kon inimu sinbá moiko mobiag motompia bo umuran mogutun kon butá inta pogutunan monimu.”

ULANGAN 6:1

“Ki Tuhan Allahmu in nopotabá kon inakó motundú kon bayongan hukum tanaa kon inimu sinbá aidan monimu kon butá inta diádon moonggot bo bayáan monimu pogutunan.

ULANGAN 6:24

Ki Tuhan Allah naton in nopotabá kon i naton mogaid kon bayongan parenta tatua bo mohoromat kon i-Nia. Aka kita momia natua, umuran-Nea ḷukadan in bangusa naton sinbá umuran mobiag motompia.

ULANGAN 6:7

Tundúdon kon i adímu mita. Ouman intua kon bonu in baḷoi bo kon ḷuai in baḷoi, kon dodai in mogogai bo kon dodai in mogaid.

YOSUA 4:24

sinbá bayongan in intau kon dunia monotaaudon kon nádomai tua in koḷoḷoben in kawasa i Tuhan. Bo bá moiko in umuran mohoromat kon i Tuhan Allahmu dapot in kopaḷutannea.”

PETRUS 1 1:17

Ki Allah tangoion monimu ki Amá wakutu in moiko mosambayang. Bá kotaauan monimu kon ki Allahbí tatua in mohakim kon intau podudui in oaid monia tontaní bo diábí poyoposion-Nea in intau. Tuamai wakutu in moiko kon duniapa naa koondokbí kon i Allah aka mobiag.