ULANGAN 5:9 - Alkitab Singog In Mongondow Masa In Tanaa

⁹ Dika mosumba kon patong ná tatua sin Akuoi in ki Tuhan Allahmu bo Akuoi in doíbí potongkaion in onuka. Intau mita inta moyaat in gina kon i-Nakó hukumon-Ku modapot in buí monia mogintoḷu bo moginggopat.

ULANGAN 5:9 ပူးပေါင်းရင်းမြစ်များ

DATU MITA 2 17:35

Ki Tuhan ain nomia kon dodandian noiduduimai takin umat in Israel, “Dika moibada kon ilah mita ibanea mako; dika tumungkud mosumba kon i monia andeka mogundoi kon i monia, andeka moposumba in kuruban kon i monia.

IḶUAIAN 34:14

Dika mosumba kon ilah ibanea, sin Akuoi ki Tuhan, in Allah inta doí potongkaion in onukabí.

IḶUAIAN 34:7

Umuranbí in Akuoi motabi kon ribuan buí bo mongampung kon taḷá bo dosa; táe intau inta kon dosa in diábí pomayá-Ku mako takin diá hukumon, bo hukumon-Ku doman in adí mita bain ompu modapot kon buí nogintoḷu bo noginggopat popisí in dosa in guyanga monia.”

YEREMIA 32:18

Iko in nopoontong in tabi-Mu inta mononoi kon ribuan in intau, táe Iko in mohukum doman kon intau popisí in dosa in guranganea. Iko in Allah inta momulia bo motorindog; tangoi-Mu in Tuhan Inta Totok in mokawasa.

PINOGIAPAN 14:18

‘Akuoi, ki Tuhan, diábí ḷagi tumorú. Poontong-Kubí in tabi bo satia-Ku inta diá in poḻiuan. Ampungan-Kubí in intau inta binaradosa bo inta noḷawang kon i-Nakó. Pomayádon mako nanaa, taḷá in guyanga in tuḻían-Kudon kon adí bo ompunea, modapot in buí nogintoḷu bo buí noginggopat.’

ULANGAN 4:16

Dá ḷukadaidon sinbá moiko diá modapot in baradosaan sin mogaid kon patong inta sumbáan monimu tontaní naondaka in batangannea, ḷoḷaki ande bobay,

ULANGAN 4:24

sin ki Tuhan Allahmu naonda bo tuḷú inta mokopokak. Sia in doíbí potongkaion in onukadon.

ULANGAN 6:15

Aka moiko mosumba kon ilah mita ibanea, dá moiko in umuranbí kotugatan in torú i Tuhan Allahmu bo yopúon-Nea komintan, sin ki Tuhan Allahmu inta kon sigad monimu nion in doíbí potongkaion in onuka.

ULANGAN 7:10

Táe diábí in ondo-ondok-Nea mako in mohukum kon i monia inta mondoí kon i-Nia.