ULANGAN 5:5 - Alkitab Singog In Mongondow Masa In Tanaa

⁵ Táe popisí in moiko moondok kon tuḷú bo diá mokobaḻí in motakod kon buḷud, dá akuoi in dodai in tua in sinimindog kon sigad monimu bo i Tuhan sin mopotaau in tosingogon i Tuhan kon inimu. Ki Tuhan nopotaau,

ULANGAN 5:5 ပူးပေါင်းရင်းမြစ်များ

KINOBAḺIAN 18:22

Bo taya dua inta kon sigad in intau mita tatua minayá ná Sodom, táe ki Tuhan in umuranpa kotaki-takin i Abraham.

DATU MITA 2 18:4

Irimumudneadon in tampat mita pososumbaan kon dewa, bo inumpagnea domandon in tugunea mita poḷat nomoguyaat kon patong i Dewi Asyera. Bo irimumudnea doman in uḷag bitú inta pinomia i Musa inta sinangoian Nehustan. Sin, noidapot in kon dodai intua intau in Israel tantúpa doman motubá kon dupa sin mohoromat kon uḷag bitú tatua.

MAZMUR 106:23

Dá niaton i Allah yopúon in umat-Nea, táe inimaḷowan i Musa, intau inta piniḻí-Nea. Ki Musa in nobaḻí tonsigad kon i monia, dá noonow in torú i Allah.

IḶUAIAN 19:16

Kon singgai inta nogintoḷu, dodai in doḷo-doḷomneapa nonggotup bo nongilat. Goḷom inta mobunod noitukatdon kon tudu in buḷud bo kinodongogandon singog in torompet inta totok in moḷangon. Bayongan in intau kon ḷoḷaigan urot mako sin moondok.

IḶUAIAN 19:21

bo ki Tuhan noguman kon inia, “Posiḻigdon bo potoropdon kon intau mita tatua kon mosia in diábí motaau ḻimimpat kon tomboinig sin mamangoi moindoi kon i-Nakó. Aka mosia ḻimimpat doman, yo mobarong in kon sigad monia tua in matoi.

IḶUAIAN 19:25

Bo nosiḻigdon in ki Musa poḷat nokipodungkuḷ kon bangusa tatua bo pinotaauneadon in koyow i Tuhan kon i monia.

YEREMIA 30:21

Datu inta nomarenta kon i monimu in nongkon bangusamu takin diá in ḷamboinea dimiug in sia kon i-Nakó aka oiníon-Ku in sia mamangoi in tayowon-Ku. Sin ki ine in mokobaḻí tumayow kon i-Nakó podudui in ibognea tontaní? Moiko in mobaḻíbí umat-Ku bo Akuoi in mobaḻí Allahmu. Akuoi, Tuhan inta noguman kon tua.”

PINOGIAPAN 16:48

Yampoi tatua nogogai, bo ki Harun kon yua-yuak in intau mita inta nobiagpa bo inta ain minatoi.

GALATIA 3:19

Dá aka natua yo onu in mangaḻe pinobogoian kon hukum i Musa? Nanaabí, hukum tatua pinodugang sinbá kotaauan oaid inta noitaḷá, nodapot kon buí inta pinodandi moiangoidon. Hukum i Musa tatua pinogumanbí in malaekat mita kon intau mita.

ULANGAN 5:27

Tuamai, bayádon Musa, bo indongogai in bayongan inta pinoguman i Tuhan Allah naton, bo potaaudon kon i nami onu in pinoguman-Nea kon inimu. Indongoganbí bo duduian nami.’

IBRANI 9:24

Sin ki Kristus in diábí sinumuot kon Yuang Motusi inta pinomia in intau, inta nobaḻí lambang in yuang Motusi inta totokea. Ki Kristusbí tontaní in sinumuot kon soroga; tanaa Sia in minayá kon tayowon i Allah sin lantaran kopontingan naton.