ULANGAN 5:32 - Alkitab Singog In Mongondow Masa In Tanaa

³² Utat mita, duduiai pokosatia in bayongan inta pinarenta i Tuhan Allahmu kon inimu. Dika ḻimimpat kon tobatúmai nongkon parenta mita tatua.

ULANGAN 5:32 ပူးပေါင်းရင်းမြစ်များ

DATU MITA 2 17:37

Umurandon duduiai in hukum mita bo parenta mita inta ain pinais-Ku kon inimu. Dika moibada kon ilah mita ibanea mako,

DATU MITA 2 21:8

Bo aka umat in Israel motoindudui kon bayongan in parenta-Ku bo dumudui kon hukum mita inta inogoi i Musa mogogundoi-Ku kon i monia, dá Akuoi in diábí mopomayá mako kon i monia poguntunon nongkon butá inta ain inogoi-Ku kon mogoguyang monia.”

DATU MITA 2 22:2

Ki Yosua in nomia kon onu inta kinosanang in gina i Tuhan. Dinumudui in sia kon aid i Datu Daud mogoguyangnea, bo dinumudui kon bayongan in hukum i Allah diá in sinaḻiban.

MAZMUR 125:5

Táe intau inta motombogá igumon mako in hukumon i Tuhan poyotakinon in intau moraat. Igumon mako umat-Mu mobiag motompia!

MAZMUR 19:12

Mogogundoi-Mu naa in bagupa inogoian in tompoingat in bayongan tatua; bungai in pinogaidan sinadia kon intau inta notoindudui kon tua.

MAZMUR 80:19

Dá diádon in kami ḻimimpat kon ini-Mu; ḷukadaidon in kobiagan nami, dá kami in modayowbí kon ini-Mu.

AMSAL 3:2

sinbá moumur bo motompia in kobobiagmu.

AMSAL 4:27

Popoyayú in inta moraat, bo kobiagdon mokopotuḻid in gina. Dika mokoimontanmai in tumabat nongkon daḷan inta moitutui.

YESAYA 30:21

Aka moiko bo tumabat nongkon daḷan, kon tumimu kodongogan in singog-Nea inta moguman, “Naa in daḷannea; pongin daḷan tanaa.”

YEHEZKIEL 20:19

Akuoibí in ki Tuhan Allahmu. Duduiaidon in hukum mita bo parenta-Ku mita.

YEHEZKIEL 37:24

Mosia in tobatúondon kon datu tobatú ná ki Daud inta momarenta modapot in mononoi. Takin toḷutui mosia in dumudui kon hukum-Ku mita. Bo modapot in mononoi mosia takin buí monia in mogutun kon butá tatua, butá inta inogoi-Ku kon i Yakub bo pinogutunan in mogoguyang monia.

ULANGAN 11:32

moiko musti dumudui kon bayongan in hukum inta pinotaauku kon inimu singgai naa.”

ULANGAN 12:32

Aidaidon in bayongan inta pinoki aidku kon inimu; dika dugangan ande gaatan.

ULANGAN 17:11

Tarimadon in kaputusan monia bo aidaidon in onu inta sinantú monia modapot in soaḷ mita inta mongointok.

ULANGAN 17:20

Aka umurannea intua bacaan, dá diábí in sia monganggap kon sia in mopia-pia kon intau mita tobangusanea, bo diábí ḻimimpat kon parenta i Tuhan naondaka in oaidnea. Bo sia takin buínea in momarenta kon bangusanea modapot kon adí bo ompu.”

ULANGAN 24:8

Aka oyúon takit in kuḻit inta mokobahaya, yo aidaidon kopira in onu inta pinarenta in imang mita Lewi kon inimu; duduiaidon in topotundú mita inta pinotaauku kon i monia.

ULANGAN 28:14

Tongá dika mokoimontanmai in monaḷámai kon parenta mita tatua naondaka in pogogaid. Dika doman mosumba bo mogundoi kon ilah mita ibanea.”

ULANGAN 29:8

Butá monia inagow naton bo sinilai naton kon suku in Ruben, in Gad bo tongosilai in kon suku in Manasye.

ULANGAN 6:17

Duduiaidon in bayongan hukum inta inogoi i Tuhan Allahmu kon inimu.

ULANGAN 6:25

Aka mokoposatia in kita in dumudui kon bayongan inta pinarenta i Tuhan Allah naton kon i naton, dá umuran-Nea koibog in kita.’ ”

ULANGAN 6:3

Tuamai indongogaidon utat mita, pokosatiadon in mogaid kon tua, sinbá mopia in kobiagan monimu bo mobaḻí bangusa inta moḷoben kon butá inta nooyúon bo inta mopia, ná inta pinodandi i Tuhan Allah in mogoguyang naton.

ULANGAN 8:1

“Bayongan in hukum inta inogoiku kon inimu singgai naa musti aidan monimu pokosatia, sinbá moiko umuran mobiag, modugang mobarong bo mogutun kon butá inta pinodandi Tuhan kon mogoguyangmu.

YOSUA 1:7

Tongá, musti in iko totu-totuu moyakin bo mobarani. Musti totu-totuumu ḷukadan bo duduian in bayongan hukum inta inogoi i Musa mogogundoi-Ku tua kon inimu, dikabí taḷaanmu in topiḻikamai, dá onuka in aidanmu kodapotanbí.

YOSUA 23:6

Tuamai, ḷukadai sinbá moiko in umuran dumudui bo mopobayá in bayongan inta pinais kon bonu in Buk Hukum i Musa. Dika ḻimimpat kon tobatúmai in hukum mita tatua.

PETRUS 2 2:21

Maníka intau mita natua in diádon kon dodai in onda in nonotaau kon onu inta noitutui inta sinundú i Tuhan dika in nonotaaudon táe doíbí dinumudui kon parenta-Nea mita inta ain pinotaau kon i monia.