ULANGAN 5:2 - Alkitab Singog In Mongondow Masa In Tanaa

² Kon Buḷud in Sinai ki Tuhan Allah naton in nomia kon dodandian tobatú,

ULANGAN 5:2 ပူးပေါင်းရင်းမြစ်များ

DATU MITA 2 17:35

Ki Tuhan ain nomia kon dodandian noiduduimai takin umat in Israel, “Dika moibada kon ilah mita ibanea mako; dika tumungkud mosumba kon i monia andeka mogundoi kon i monia, andeka moposumba in kuruban kon i monia.

IḶUAIAN 19:1

Nopaḷut mako kon tua bangusa Israel nonaḷámai kon Rapidim, bo kon tanggal tobatú buḷan nogintoḷu naonda in mosia nonaḷámai kon Mesir, nodapotdon in mosia kon padang gurun Sinai. Mosia in nononḷoḷaigan kon sioḷmai in Buḷud Sinai,

IḶUAIAN 24:8

Bo ki Musa in nogamá kon dugú inta binonunea kon tano-tanó tatua bo pinonabangnea kon bangusa mita tatua, takin noguman, “Dugú tanaa in nopototuu kon dodandian inta sinogot i Tuhan takin i monimu inta pinodoyon kon parenta-Nea mita.”

IḶUAIAN 34:10

Ki Tuhan noguman kon i Musa, “Tanaa mako Akuoi momiadon kon dodandian takin bangusa Israel. Kon tayowon mata monia Akuoi mogaid kon inta mokoherang mita inta diápa dodai onda inaidan kon sigad in bangusa inta kon ondaka in kon dunia naa. Bayongan bangusa in mokoontong kon soaḷ mita mokoherang inta pomiaan-Ku, sin Akuoi, ki Tuhan in momiabí kon tobatú oaidan inta motoyang kon i monimu.

YEREMIA 11:4

Dodandian tatua in inaidan-Ku takin mogoguyang monia kon dodai in mosia dinia-Ku iḻumuai nongkon Mesir, ḻipú inta naonda bo naraka kon i monia. Akuoi in nopotabá kon i monia tumoindudui kon i-Nakó bo mogaid kon bayongan inta pinarenta-Ku. Tanaa in pinoguman-Kudon doman kon intau mita in Yohuda bo intau in Yerusalem kon aka mosia bo motoḷutui kon i-Nakó yo mosia in mobaḻí umat-Ku bo Akuoi in ki Allah monia.

YEREMIA 31:32

Táe dodandian tatua in deemanbí ná dodandian inta pinomia-Ku takin mogoguyang monia kon dodai in mosia kinapit-Ku iḻumuai nongkon Mesir. Umpaka in Akuoi naonda bo ki buḷoi monia ḷoḷaki, táe mosia in nonoḻikud kon dodandian-ku takin i monia.

MALEAKHI 4:4

Toropdon in topotundú mita i Musa mogogundoi-Ku, torop in hukum bo parenta mita inta inogoi-Ku kon inia kon Buḷud in Sinai sinbá duduian in bayongan in umat in Israel.

ULANGAN 1:6

“Kon dodai in kita kon Buḷud in Sinai, ki Tuhan Allah naton in noguman, ‘Noonggotdon in moiko nogutun kon buḷud tanaa.

ULANGAN 29:1

Naadon in tosingogon mita in dodandian inta pinodoyon kon parenta i Tuhan pinomia i Musa takin bangusa Israel kon dodai in mosia kon butá in Moab. Dodandian tatua in nobaḻí indugang in dodandian inta pinomia i Tuhan takin i monia kon Buḷud in Sinai.

ULANGAN 4:13

Kon tua in Sia nopotaau kon inimu onu inta musti aidan monimu sin mogintompod kon dandi inta pinomia-Nea takin i monimu. Parenta Mopuḷú inta ain pinais-Nea kon batu tulis doyowa tua musti aidan monimu.

ULANGAN 4:23

Toropdon kopira! Dika mokoḻiong kon dodandian inta pinomia i Tuhan Allahmu takin i monimu. Duduiaidon in parenta-Nea; dika mokoimontanmai in iko momia kon patong naondaka in batangannea sin sumbáan,

ULANGAN 5:1

Ki Musa in nosipun kon bayongan bangusa Israel, bo noguman kon i monia, “Utat mita, indongogai in hukum mita inta pinotaauku kon inimu singgai in naa. Balajardon in hukum mita tatua, bo duduiai koposatia.