ULANGAN 5:1 - Alkitab Singog In Mongondow Masa In Tanaa

¹ Ki Musa in nosipun kon bayongan bangusa Israel, bo noguman kon i monia, “Utat mita, indongogai in hukum mita inta pinotaauku kon inimu singgai in naa. Balajardon in hukum mita tatua, bo duduiai koposatia.

ULANGAN 5:1 ပူးပေါင်းရင်းမြစ်များ

MAZMUR 78:7

Takin natua mosia doman in mongamang kon i Allah, bo diá mokoḻiong kon onu inta inaidan-Nea, táe umuran motoindudui kon parenta-Nea,

IḶUAIAN 15:26

Guman i Tuhan, “Totu-totuudon dudui kon i-Nakó, bo aidaidon in onu inta ontongon-Ku mopia; duduiaidon in bayongan parenta-Ku. Aka aidan monimu intua, yo moiko in diábí hukumon-Ku poumáan in takit ná inta pinouma-Ku kon intau mita in Mesir. Akuoibí in ki Tuhan inta nonompia kon i monimu.”

IḶUAIAN 18:20

Musti tundúonmu in parenta mita i Allah kon i monia bo insilangan naonda in kobobiag inta mopia bo onu in musti pomiaan monia.

MATIUS 23:3

Manangka intua yo aidaibí in bayongan inta sinundú monia kon inimu. Táe donaai dumudui kon oaid monia, sin mosia in motundú tongá diá aidan monia onu inta sinundú monia.

ULANGAN 1:1

Buk in tanaa tombonunea in tosingogon mita inta pinotaau i Musa kon bangusa Israel kon dodai in mosia kon padang gurun kon Ḷopá in Yordan. Ḷopá tatua in kon dotá in pomukaan kon Ongkag in Yordan, kon diug in kotá in Sup, kon sigad in kotá in Paran kon pihak tobatú, bo kon kotá mita in Topel, Laban, Hazerot bo Di-Zahab kon pihak ibanea. (

ULANGAN 11:1

“Kotabibí in ki Tuhan Allahmu, bo umurandon duduiai in bayongan parenta-Nea.

ULANGAN 12:1

“Naa in hukum mita inta musti duduian monimu kon dodai in mobiagpa kon butá inta ogoi kon inimu i Tuhan, Allah in mogoguyangmu.

ULANGAN 17:19

Buk tatua in mustibí umuran kon diugnea, bo kinoouput in kinobiagannea musti mobaca kon tua sinbá mobalajar mohoromat kon i Tuhan Allahnea bo mokoposatia in dumudui kon bayongan parenta inta pinais kon bonunea.

ULANGAN 28:15

“Táe aka moiko diá motoindudui kon i Tuhan Allahmu, bo diá doman mosatia in mopoaid kon bayongan parenta bo hukum-Nea inta pinotaauku kon inimu singgai naa, dá bayongan in kutuk tanaa in moiuma kon i monimu:

ULANGAN 29:10

Singgai naa moiko komintan in simindog kon tayowon i Tuhan Allahmu, bayongan tongguḷu in suku, guhanga mita in ḻipú, porwira, bayongan in ḷoḷaki,

ULANGAN 29:2

Ki Musa nogoiní kon bayongan intau in Israel noyosipun, bodongka noguman kon i monia, “Moiko ain nokoontong tontaní kon onu in inaidan i Tuhan kon i datu in Mesir, intau mita moḷobennea bo bayongan in butánea.

ULANGAN 4:1

Bo ki Musa noguman kon bangusa tatua, “Duduiaidon komintan in hukum inta tundúonku kon inimu, sinbá mobiag in moiko bo moiutun kon butá inta bain ogoi i Tuhan, Allah in mogoguyangmu, kon inimu.

ULANGAN 4:49

bo bayongan butá kon dotá in pomukaan kon Ongkag in Yordan minayá ná toḷatan nodapot kon Laut Mati kon sipangkoion in Buḷud Pisga.

ULANGAN 4:5

Bayongan in hukum tatua sinundúku kon inimu ná inta pinarenta i Tuhan Allahku. Duduiaidon intua komintan kon butá inta bain tuotan bo ḻitúan monimu tua.

ULANGAN 5:2

Kon Buḷud in Sinai ki Tuhan Allah naton in nomia kon dodandian tobatú,

ULANGAN 6:17

Duduiaidon in bayongan hukum inta inogoi i Tuhan Allahmu kon inimu.

YOSUA 1:8

Buk in hukum tatua in mustibí umuran bacaanmu kon tayowon in umat-Ku. Balajar in buk tatua singgai bo doḷom, sinbá oaidmu umuran moitombutung kon onu inta pinais kon buk tatua. Aka aidanmu in bayongan tua, kobobiagmu in motompia totok bo bayongan onu inta aidanmu in kodapotanbí.