ULANGAN 4:4 - Alkitab Singog In Mongondow Masa In Tanaa

⁴ tongá moiko inta umuran notoindudui kon i Tuhan Allahmu nobiagpa dapot in tanaa mako.

ULANGAN 4:4 ပူးပေါင်းရင်းမြစ်များ

MAZMUR 63:8

sin Ikobí inta ain notuḷung kon inakó; kon bonu in siungan koḻikip-Mu akuoi in modondong pia in gina.

YESAYA 26:20

Tuotdon kon bonu in baḷoimu, ei bangusaku, bo ḻingkopaidon in ngara. Pogadopdon motoyong modapot in torú i Tuhan mooyongdon.

YEHEZKIEL 9:4

“Bayádon kon bayongan in siku in kotá bo tomboréaidon in pogot in batúan in intau inta mokorasa kon moajar in gina bo mosusa popisí in bayongan in oaid mokorongó inta inaidan kon kotá tatua.”

OUMAN IN RASUL MITA 11:23

Naonda in noiyaput kon tua in ki Barnabas, bo nokoontong kon naonda in Allah nomarakat kon i monia, nopia totok in ginanea. Bo sia in nopoigum domandon kon bá mosia in totu-totuudon mopirisaya bo motoindudui kon i Tuhan.

SURAT I PAULUS KON JAMAAT RUM 12:9

Kotabibí takin gina motuḻid. Poyayú inta moraat bo kadai kon onu inta mopia.

ULANGAN 10:20

Horomatbí in ki Tuhan Allahmu bo poibadadon tongá kon i-Nia. Moiko in musti umuran mokoposatia kon i-Nia bo mongibot tongá podoyon kon tangoi-Nea.

ULANGAN 13:4

Intau ná tatua in musti hukumon matoi, sin moibog mopoḷaḻe in daḷan inta pinarenta i Tuhan Allahmu kon inimu. Sia tua in intaubí moraat sin mopotabá kon i monimu moḷawang kon i Tuhan Allahmu inta nopoḷuai kon i monimu nongkon Mesir, tampat pinononggataan kon i monimu. Dá sia tua in mustibí ḻimodon, sinbá onu inta moraat tatua daiton inggamáan. Táe moiko in mustibí umuran dumudui kon i Tuhan Allahmu bo mohoromat kon i-Nia; duduiai in Sia bo aidai in bayongan parenta-Nea. Umuran pokosatia bo pogundoi kon i-Nia.

ULANGAN 30:20

Kotabibí in ki Tuhan Allahmu, duduiaidon in Sia, bo pokosatiadon kon i-Nia. Dá moiko bo buímu in mobiag moumur kon butá inta pinodandi i Tuhan kon mogoguyangmu, ki Abraham, ki Ishak bo ki Yakub.”

ULANGAN 4:3

Moiko ain nokoontong tontaní kon onu inta ain inaidan i Tuhan Allahmu kon Buḷud in Peor. Bayongan intau inta nosumba kon Baal kon tampat tatua iyopú-Nea,

ULANGAN 4:5

Bayongan in hukum tatua sinundúku kon inimu ná inta pinarenta i Tuhan Allahku. Duduiaidon intua komintan kon butá inta bain tuotan bo ḻitúan monimu tua.

YOSUA 22:5

Bo ḷukadai sinbá moiko in umuran dumudui kon hukum inta pinarenta i Musa kon inimu, inta: Kotabi in ki Tuhan Allahmu, duduiaidon in koibog-Nea, duduiai in parenta-Nea mita, kosatia kon i-Nia bo posumbadon kon i-Nia takin ḻimbatú in ginamu bo takin bayongan in dimukudmu.”

YOSUA 23:8

Moiko in mustibí umuran mosatia kon i Tuhan, ná inta ain inaidan monimu dapot in tanaa.

WAHYU 14:4

Mosia tua intau inta umuran nodarit naonda bo porawan, sin mosia in diábí mosiug takin bobay. Mosia in umuran dumudui magí-mako kon i Adí in Domba kon ondakabí in bayáan-Nea. Mosia in sinobutdon nongkon sigad in intau mita. Mosia tuata inta ain pinobebas bo inogoi saḷaku sosumba inta muna kon i Allah bo kon i Adí in Domba tatua.

WAHYU 20:4

Bo akuoi in nokoontong kon ḷoḻitúan mita pomomarentaan tatua inogoian in kawasa monantú kon hukuman. Inontongku doman in dimukud in intau mita inta sinokoratá popisí in nopotaau in habar soaḷ ki Yesus, bo lantaran nopoyaput in koyow i Allah. Mosia tua in diábí nosumba kon mahaḷuk tatua andeka patongnea bo doí doman sinandaan kon pogot bo kon ḻima monia; dá mosia in nobiag bui bo nomarenta saḷaku datu moyotakin i Kristus toribu notaong in koonggotnea.