ULANGAN 4:12 - Alkitab Singog In Mongondow Masa In Tanaa

¹² Onda intua ki Tuhan nosingog kon inimu nongkon bonu in tuḷú bo dinongog monimu in singog-Nea, táe diábí inontong monimu mongo naonda in batangan-Nea.

ULANGAN 4:12 ပူးပေါင်းရင်းမြစ်များ

IḶUAIAN 20:22

Ki Tuhan nomarenta kon i Musa moguman kon bangusa Israel, “Moiko ain nokoontong kon naonda in Akuoi, ki Tuhan, nosingog kon i monimu nongkon ḷangit.

YESAYA 30:21

Aka moiko bo tumabat nongkon daḷan, kon tumimu kodongogan in singog-Nea inta moguman, “Naa in daḷannea; pongin daḷan tanaa.”

YESAYA 40:18

Dá ki ine in popotongkaianmu kon i Allah? Ki ine in inanggapmu notombatangan-Nea?

YESAYA 40:3

Oyúon in singog in nopobaḷú, “Sadiadon in daḷan kon padang gurun kon i Tuhan. Tuḻidon in daḷan kon rawang kayuon kon i Allah naton!

YESAYA 40:6

Oyúon in singog in noguman, “Popotaaudon!” Akuoi in noḻibó, “Onu in musti potaauku?” “Potaaudon kon intau tua in naonda bo bonok, naonda bo bungang inta tongá motoyong in kogaganea.

PINOGIAPAN 12:8

Bo Akuoi in moyosingog takinnea moyogintayowan pogot, mositarangan bo deeman tongá mositangkían. Nodapot in pogot-Ku inontongneadon! Yo nongonu sin moiko in mokobaḻíbí in moḷawang kon i Musa, bobantung-Ku tua?”

MATIUS 17:5

Koyogotpa in ki Petrus nosingog kon tua, daḻi-daḻí noikoḷubung magí kon i monia in goḷom inta mobunod bo kinodongogan nongkon goḷom tatua in singog inta noguman, “Naadon in Adí-Ku inta kinotabi-Ku, Sia tanaa inta kinoibog-Ku, indongogaidon in Sia.”

MATIUS 3:17

Bo kinodongogandon in singog nongkon soroga noguman: “Naadon ki Adí-Ku inta kinotabi-Ku, Sia naa inta kinoibog-Ku.”

MATIUS 3:3

Ki Yohanesbí naa inta pinopomakusudan in singog i Nabi Yesaya nanaa: “Oyúon intau inta nobaḷú kon padang pasir: Sadiadon daḷan kon i Tuhan, tuḻidon in daḷan kon i-Nia.”

ULANGAN 10:4

Kon batu tatua ki Tuhan nomais kon Parenta Mopuḷú notongkai ná inta muna, tuata in parenta mita inta inogoi-Nea kon i monimu, kon dodai in Sia nosingog nongkon yua-yuak in tuḷú kon singgai in moiko noyosipun kon sipangkoion in buḷud. Nopaḷut mako kon tua ki Tuhan nobogoi in batu tulis tatua kon inakó

ULANGAN 4:11

Oumandon kon i adímu mita naonda in oangoi monimu bo sinimindog kon pangkoi in buḷud inta kinokoḷoban in poyok morondí bo goḷom mobunod bo tuḷúnea nodokot nodapot in ḷangit.

ULANGAN 4:13

Kon tua in Sia nopotaau kon inimu onu inta musti aidan monimu sin mogintompod kon dandi inta pinomia-Nea takin i monimu. Parenta Mopuḷú inta ain pinais-Nea kon batu tulis doyowa tua musti aidan monimu.

ULANGAN 4:15

“Toropdon kopia! Kon dodai in ki Tuhan nosingog kon inimu nongkon bonu in tuḷú kon Buḷud in Sinai, moiko in diábí nokoontong kon onu bo onu.

ULANGAN 4:33

Kon dodaidon in onda oyúon in bangusa tobatú inta umuran nobiag naonda in nokodongog kon ilah tobatú nosingog kon i monia nongkon tuḷú, ná inta kinoyitakan monimu?

ULANGAN 4:36

Nongkon ḷangit in Sia mopodongog in singog-Nea kon inimu sin motundú kon i monimu; kon dunia naa Sia nopoontongdon kon inimu in tuḷú-nea inta motoyang, bo nongkon tuḷú tatua nosingog in Sia kon inimu.

ULANGAN 5:22

Tuata in parenta mita inta inogoi i Tuhan kon i monimu kon tungkuḷ in moiko noyosipun kon buḷud. Kon dodai in sia nosingog noropot totok nongkon tuḷú bo goḷom inta mobunod, Sia nobogoi in parenta mita tatua, bo deemanbí ibanea mako. Bo pinais-Nea kon batu tulis doyowa bo inogoi kon inakó.”

ULANGAN 5:4

Nongkon tuḷú kon tudu in buḷud tatua ki Tuhan moibog mongonguman moyogintayowan monimu.

ULANGAN 9:10

Onda intua ki Tuhan nobogoi kon inakó in batu doyowa inta ain pinaisan i Allah tontaní. Kon batu tatua pinais in singog mita inta siningog-Nea kon i monimu nongkon yua-yuak in tuḷú, kon tungkuḷ in moiko noyosipun kon simpangkoion in buḷud.

KOLOSE 1:15

Ki Kristus tua in gambar inta noniata nongkon awak i Allah inta diá koontongan; Sia in ki Adí i Allah inta guya-guyang, bo inta totok in moponting nongkon bayongan inta pinomia.

IBRANI 12:19

Mosia in sinumayow kon singog in terompet, bo singog inta totok mokobongom-bongoḷ. Bo naonda in intau mita Israel nokodongog kon singog tatua, nopoigum totok in mosia sinbá singog tatua diádon mosingog kon i monia.