ULANGAN 4:1 - Alkitab Singog In Mongondow Masa In Tanaa

¹ Bo ki Musa noguman kon bangusa tatua, “Duduiaidon komintan in hukum inta tundúonku kon inimu, sinbá mobiag in moiko bo moiutun kon butá inta bain ogoi i Tuhan, Allah in mogoguyangmu, kon inimu.

ULANGAN 4:1 ပူးပေါင်းရင်းမြစ်များ

MAZMUR 105:45

sinbá umat-Nea tatua in motoindudui kon hukum-Nea mita bo dumudui kon parenta-Nea mita. Dayowdon in ki Tuhan!

MAZMUR 119:4

Iko in nobogoi kon inami in hukum-Mu, o Tuhan, sinbá aidan nami intua takin mokopotoḷutui.

IḶUAIAN 18:20

Musti tundúonmu in parenta mita i Allah kon i monia bo insilangan naonda in kobobiag inta mopia bo onu in musti pomiaan monia.

YEREMIA 11:6

Bo ki Tuhan in noguman kon inakó, “Bayádon kon kotá mita kon Yohuda, bo kon daḷan mita kon Yerusalem. Potaaudon in koyow-Ku tanaa kon intau mita kon tua. Potabá in mosia monaridi bo dumudui kon sarat mita in dodandian-Ku.

YEHEZKIEL 11:20

Dá mosia in dumuduidon kon atorang-Ku mita bo mosatia in dumudui kon bayongan in parenta-Ku. Mosia in mobaḻí umat-Ku bo Akuoi in mobaḻí ki Allah monia.

YEHEZKIEL 20:11

Kon tua inogoi-Ku kon i monia in parenta-Ku mita bo sinundú-Ku in hukum-Ku mita inta musti duduian monia, sin intau inta dumudui kon tua in umuranbí mobiag.

YEHEZKIEL 20:21

Táe tayowmobiag mita tatua in doí doman nokidongogmai kon i-Nakó. Iḻimimpat in mosia kon hukum-Ku mita bo nonaḷámai kon parenta-Ku mita, inta nopodandi kon intau inta dumudui kon tua in umuranbí mobiag. Mosia in noporaa-raatmaidon kon singgai in Sabat. Tuamai in nosadiadon in Akuoi mopoḷuai in torú-Ku kon i monia kon rawang in bungaion tatua bo moḻimod kon i monia komintan.

YEHEZKIEL 36:27

Roho-Ku in popogonú-Ku kon bonu in ginamu bo ḷukadan-Ku in moiko sinbá mobiag podudui in hukum-Ku mita poḷat motoindudui kon bayongan in parenta-Ku.

YEHEZKIEL 37:24

Mosia in tobatúondon kon datu tobatú ná ki Daud inta momarenta modapot in mononoi. Takin toḷutui mosia in dumudui kon hukum-Ku mita. Bo modapot in mononoi mosia takin buí monia in mogutun kon butá tatua, butá inta inogoi-Ku kon i Yakub bo pinogutunan in mogoguyang monia.

IMAMAT 18:5

Duduiaidon in atorang mita bo hukum mita inta ogoi-Ku kon i monimu. Aka aidan monimu in natua, mosaḷamat in kobobiagmu. Akuoi naa in ki Tuhan.”

IMAMAT 19:19

Duduiaidon in parenta-Ku mita. Dika mopoyobuḷoi in mahaḷuk inta noyoposi in batangannea. Dika mopomuḷa in doyowa norupa in bibit kon gobá tobatú. Dika moḷutud kon pakeang inta pinomia nongkon siningkoi doyowa inta noyoposi.

IMAMAT 19:37

Duduiaidon in bayongan hukum bo parenta-Ku. Akuoi in ki Tuhan.”

IMAMAT 20:8

Duduiaidon in hukum-Ku mita, sin Akuoi in ki Tuhan inta ain nopotondí kon i monimu sin mobaḻí mogogundoi-Ku.”

IMAMAT 22:31

Ki Tuhan noguman, “Duduiaidon in parenta-Ku mita; Akuoi in ki Tuhan.

MATIUS 28:20

Bo tundú in mosia mogaid kon onu inta aindon pinoguman-Ku kon i monimu. Bo bá kotaauan monimu, kon Akuoi in umuranbí kotaki-takin monimu modapot in singgai pangabisan.”

LUKAS 1:6

Kobobiag inayadua motonibuḷoi tua mokosanang kon gina i Allah, sin taya dua in umuranbí dinumudui kon parenta bo atorang i Tuhan, diábí in sinaḻiban monia.

YOHANES 15:14

Moiko nion in yobayat-Ku mita, aka pomiaan monimu in onu inta pinarenta-Ku kon inimu.

SURAT I PAULUS KON JAMAAT RUM 10:5

Ki Musa in nomais nanaa, Intau inta ain noyodame bui i Allah inta pinodoyon kon hukum in agama, in nobiag sin motoindudui kon hukum in agama tatua.

ULANGAN 1:3

Kon singgai noginmitá kon buḷan mopuḷú bo mita kon taong noginggopat nopuḷú naonda in mosia nonaḷámai kon Mesir, ki Musa nopotaau kon bangusa tatua in bayongan inta pinoki potaau i Tuhan kon monia.

ULANGAN 1:8

Akuoi, ki Tuhan, aindon nopodandi in bayongan butá tatua kon mogoguyang monimu ki Abraham, ki Ishak bo ki Yakub takin bayongan buí monia. Dá bayádon ḻitúai in butá tatua.’ ”

ULANGAN 11:1

“Kotabibí in ki Tuhan Allahmu, bo umurandon duduiai in bayongan parenta-Nea.

ULANGAN 11:32

moiko musti dumudui kon bayongan in hukum inta pinotaauku kon inimu singgai naa.”

ULANGAN 13:1

Aka nabi tobatú ande intau totumogoindop mopodandi in mujizat ande inta mokoherang

ULANGAN 16:20

Moiko in mustibí umuran mokopoadil, sinbá umuran motaau mogutun bo mobiag motompia kon butá inta inogoi i Tuhan Allahmu kon inimu.

ULANGAN 30:16

Singgai naa akuoi momarenta kon i monimu sinbá motabidon kon i Tuhan Allahmu bo motoindudui kon i-Nia poḷat mogaid kon bayongan in parenta-Nea sinbá moiko in mobiag motompia bo mobaḻí bangusa inta moḷoben. Ki Tuhan Allahmu in momarakatbí kon i monimu kon butá inta diádon moonggot in ḻitúan monimu.

ULANGAN 30:19

Tanaa in motaau bidon moiko momiḻí mongo mobiag ande matoi, barakat i Tuhan ande kutuk-Nea. Ḷangit bo butá oiníonku mobaḻí sakusi kon simpod in tosingogonmu. Piḻídon in mobiag.

ULANGAN 30:20

Kotabibí in ki Tuhan Allahmu, duduiaidon in Sia, bo pokosatiadon kon i-Nia. Dá moiko bo buímu in mobiag moumur kon butá inta pinodandi i Tuhan kon mogoguyangmu, ki Abraham, ki Ishak bo ki Yakub.”

ULANGAN 4:40

Duduiaidon in bayongan hukum inta inogoiku kon inimu singgai naa, dá moiko bo buímu in mobiag motompia bo umuran oyúon kon butá inta inogoi i Tuhan Allahmu nobaḻí kapunyaanmu mononoi.”

ULANGAN 4:45

Tua inaidannea naonda in mosia iḻumuai nongkon Mesir bo naonda in kon ḷopá kon dotá in pomukaan kon Ongkag in Yordan, noyogintayow in kotá in Bet-Peor. Butá tatua pernabí nobaḻí butá in Sihon, datu intau in Amori, inta tungkuḷ intua nomarenta kon kotá in Hesybon. Ki Musa bo bangusa Israel nonaḷow kon inia kon dodai in mosia iḻumuai nongkon Mesir.

ULANGAN 4:8

Bo bangusabí moḷoben táonda in oyúon hukum mita inta námai tua in kooadil ná hukum mita inta sinundúku kon i monimu singgai naa?

ULANGAN 5:1

Ki Musa in nosipun kon bayongan bangusa Israel, bo noguman kon i monia, “Utat mita, indongogai in hukum mita inta pinotaauku kon inimu singgai in naa. Balajardon in hukum mita tatua, bo duduiai koposatia.

ULANGAN 5:33

Aidaidon in bayongan inta pinarenta i Tuhan Allahmu kon inimu sinbá moiko mobiag motompia bo umuran mogutun kon butá inta pogutunan monimu.”

ULANGAN 6:1

“Ki Tuhan Allahmu in nopotabá kon inakó motundú kon bayongan hukum tanaa kon inimu sinbá aidan monimu kon butá inta diádon moonggot bo bayáan monimu pogutunan.

ULANGAN 6:24

Ki Tuhan Allah naton in nopotabá kon i naton mogaid kon bayongan parenta tatua bo mohoromat kon i-Nia. Aka kita momia natua, umuran-Nea ḷukadan in bangusa naton sinbá umuran mobiag motompia.

ULANGAN 7:11

Dá duduiaidon in bayongan hukum inta pinotaauku kon inimu singgai in naa.”

ULANGAN 8:1

“Bayongan in hukum inta inogoiku kon inimu singgai naa musti aidan monimu pokosatia, sinbá moiko umuran mobiag, modugang mobarong bo mogutun kon butá inta pinodandi Tuhan kon mogoguyangmu.

ULANGAN 8:11

“Ḷukadai kopia dika modapot in moiko mokoḻiong kon i Tuhan Allahmu; dika tobatúmai in taḻiban monimu in nongkon bayongan hukum-Nea inta inogoiku kon i monimu singgai in naa.

ULANGAN 9:1

“Indongogai Utat mita! Singgai naa moiko ḷumoḷandon kon Ongkag in Yordan sin mayá ḻimitú kon butá in bangusa mita inta moḷobe-ḷoben bo moropo-ropot nongkon i monimu. Kotá mita monia mongoḷoben bo dininding nodapot in ḷangit.

YOSUA 3:9

Bo ki Yosua nogoiní kon intau mita in Israel, bo noguman, “Koḻigai bo indongogai in onu inta pinarenta i Tuhan Allahmu kon inimu.