ULANGAN 3:8 - Alkitab Singog In Mongondow Masa In Tanaa

⁸ Kon dodai intua ginamá naton nongkon datu in Amori doyowa tatua in butá kon dotá in pomukaan kon Ongkag in Yordan bo Ongkag in Arnon nodapot kon Buḷud in Hermon. (

ULANGAN 3:8 ပူးပေါင်းရင်းမြစ်များ

TAWARIKH 1 5:23

Tongosilai in suku Manasye in nogutun kon butá in Basan nodapot kon utuan kino ouput in Baal-Hermon, Senir bo Buḷud in Hermon. Koonggot-koonggot kobayong-kobayong in mosia.

MAZMUR 42:6

Nongonu sin ginaku in moajarbí bo moḻia-ḻiaw? Akuoi in mongamang mako kon i Allah. Dá akuoi in buibí mopoyaput in sukur kon i-Nia, kon i Allahku bo mopoposaḷamatku.

MAZMUR 42:7

Kon butá pinoḷumbúan tanaa mororiga totok in ginaku, tuamai in kinotoropanku in ki Tuhan. Dimukudku in dinia in robonoḷ in gina, akuoi in inuntag in ḷunud kotombaukan; naonda bo tubig kon popoḷabúan in Ongkag in Yordan nongkon Buḷud in Hermon bo Buḷud in Mizar.

MAZMUR 89:12

Ḷangit bo butá Iko in kitogi, dunia bo bayongan in tombonunea Iko in nomaḻí.

ULANGAN 4:47

Mosia nokoḻitú kon butá i Datu Sihon tua, bo butá doman i Datu Og nongkon Basan, Datu in Amori ibanea tobatú inta nogutun kon dotá in pomukaan kon Ongkag in Yordan.

ULANGAN 4:48

Butá tatua nobendar nongkon kotá in Aroër kon bingkí in Ongkag in Arnon, minayá turus ná utuan nodapot kon Buḷud in Siryon, tuata in Buḷud in Hermon,

YOSUA 12:1

Butá inta kon dotá in pomukaan kon Yordan, nongkon Ḷopá in Ongkag Arnon bo notakod monik kon Ḷopá in Yordan nodapot kon nouput in Buḷud in Hermon kon dotá in utuan, aindon inagow bo iḻitúan in intau Israel. Doyowa in datu in sinaḷow monia.

YOSUA 13:8

Suku in Ruben, i Gad bo tongobotak in suku Manasye ain notarima kon butá tonsilai monia nongkon i Musa, mogogundoi i Tuhan tua; tuata in butá inta kon dotá in pomukaan kon Ongkag in Yordan.