ULANGAN 3:6 - Alkitab Singog In Mongondow Masa In Tanaa

⁶ Bayongan kotá tatua irimumud naton, bo bayongan intau ḷoḷaki, bobay bo adí mita monia iyopú naton, ná inta pinogogaid naton kon kotá mita i Datu Sihon nongkon Hesybon.

ULANGAN 3:6 ပူးပေါင်းရင်းမြစ်များ

PINOGIAPAN 21:2

Bo intau in Israel nodandi nanaa kon i Tuhan, “Aka totok in pountung-Mu in kami nongkon bangusa tatua, dá mosia takin kotá mita monia in daitonbí nami yompaton.”

ULANGAN 1:4

Tua in nobaḻí naonda in ki Musa nonaḷow kon Sihon, datu in intau Amori, inta nomarenta kon kotá in Hesybon, bo Og, datu in Basan, inta nomarenta kon kotá mita in Asytarot bo Edrei.

ULANGAN 2:24

“Naonda in kita nonaḻib kon butá in Moab, ki Tuhan noguman kon i naton, ‘Bayádon in tanaa mako ḷumoḷan kon Ongkag in Arnon. Ogoi-Kudon kon i monimu in Sihon, datu in Amori inta nomarenta kon Hesybon, takin butánea. Tubudon in sia, bo ḻitúaidon in butánea.

ULANGAN 2:34

Kon dodai doman intua inagow naton bo irimumud in bayongan kotá, bo noḻimod kon bayongan intau inta nogutun kon tua, ḷoḷaki bobay bo adí mita. Diádon tobatúmai in sinaḻiban.

ULANGAN 29:6

Moiko in diábí koroti kaanon, tubig in anggur ande oinumon mokoḷoḷangu, táe ki Tuhan nobogoi in bayongan inta paraḷuon monimu sinbá kotaauan monimu kon Siabí in ki Tuhan Allahmu.

ULANGAN 3:2

Táe ki Tuhan noguman kon inakó, ‘Dika moondok kon inia, Musa. Ogoi-Ku bidon in sia, tontaranea bo bayongan butánea kon inimu. Popoaidon kon inia ná inta pinopoaidmu kon i Sihon, datu in Amori inta nomarenta kon Hesybon,’

ULANGAN 3:5

Bayongan kotá tatua inirigonan in dinding mita inta moḷantud, ngara mita moḷoben bo bandai mita in ḷoḻingkop sin poḻingkop kon ngara mita tatua. Koḻikud intua nobayongpa doman in kotá ibanea inta diá dininding.

YOSUA 11:14

Bayongan in intau kon bonu in kotá tatua iḻimod; diá in tobatúmai in pinomayá mako nobiag. Táe bayongan in pakakat mita inta koboḻi bo bobiagon monia in ginamá in intau in Israel nobaḻí kapunyaan monia.