ULANGAN 3:2 - Alkitab Singog In Mongondow Masa In Tanaa

² Táe ki Tuhan noguman kon inakó, ‘Dika moondok kon inia, Musa. Ogoi-Ku bidon in sia, tontaranea bo bayongan butánea kon inimu. Popoaidon kon inia ná inta pinopoaidmu kon i Sihon, datu in Amori inta nomarenta kon Hesybon,’

ULANGAN 3:2 ပူးပေါင်းရင်းမြစ်များ

TAWARIKH 2 20:17

Moiko in diá bidon paraḷu moropatoi kon bonu in parang tanaa. Bayádon kon tampat inta ain sinantú kon inimu bo oḷatdon kon tua. Moiko in mokoontongbí kon ki Tuhan in mobogoi in kauntungan kon i monimu. Ei intau in Yohuda bo Yerusalem, dikadon moḻia-ḻiaw in gina andeka moondok. Bayádon kon parang tatua, ki Tuhan in motuḷungbí kon i monimu!”

YESAYA 41:10

Dika moondok, sin takinan-Kubí in iko, dika moḻia-ḻiaw in gina, sin Akuoi in ki Allahmu. Iko in irigonan-Ku bo tuḷungan-Ku, Ḻima-Ku inta moroton in pokapit-Ku.

YESAYA 43:5

Dika moondok, sin Akuoi in moḷukad kon inimu. Nongkon toyopan bo nongkon dotá in pomukaan pinotabá-Ku in ki adí bo ki ompumu mamangoi moyosipun.

PINOGIAPAN 14:9

Dikabí moḷawang kon i Tuhan, bo dika moondok kon intau inta nogutun kon butá tatua, sin diábí moyoyiga naton in monaḷow kon i monia. Inta noḷukad kon i monia tua aindon nonaḷámai kon i monia, bo ki Tuhan in kotaki-takin naton. Dá, dikabí moondok.”

PINOGIAPAN 21:34

Ki Tuhan noguman kon i Musa, “Dika moondok kon inia. Pountung-Ku in iko. Taḷowonmubí in sia bo takin intau inta nogutun kon butánea. Pomiadon in sia ná pinomomiamu kon i Datu in Sihon inta nomarenta kon Hesybon.”

OUMAN IN RASUL MITA 18:9

Kon doḷom tobatú ki Paulus nokoontong kon tobatú oontongon, ki Tuhan in namangoi kon inia bo noguman nanaa, “Dikabí moondok! Umuran popotaau in Habar Mopia, dika tongá kibio-biómai.

OUMAN IN RASUL MITA 27:24

Bo noguman, ‘Dika moondok, Paulus! Sin moyotayowbí i Kaisar in iko. Bo totuubí kon popisí in totabi i Allah kon inimu dá bayongan in intau kon kapaḷ tanaa inta noyotakinmu mosaḷamatbí komintan.’

ULANGAN 20:3

‘Utat mita, indongogai! Singgai in naa moiko mayá moparang. Dika moondok ande kimiot in gina ande motoboḻingo.

ULANGAN 3:1

“Onda intua kita nopobayá ná utuan kon butá in Basan. Ki Og, datu in Basan namangoi sin monubu kon i naton kon diug in kotá in Edrei.

ULANGAN 3:11

Ki Datu Og naa in intau in Repaim inta pangabisan. Poti mayatnea pinomia nongkon batu, kobanatnea in opat nometer bo kooḷadnea in gogió bo doyowa nometer podudui in ukuran inta ain sinantú. Umaai in tanaa motaaupabí indoian kon Raba, kotá in intau in Amon.)

ULANGAN 3:3

Dá ki Tuhan Allah naton noposarakandon kon i Datu in Og bo rayatnea kon i naton, bo mosia komintan sinaḷow naton.

YOSUA 10:8

Ki Tuhan noguman kon i Yosua, “Dika moondok kon i monia. Kauntungan inogoi-Kudon kon inimu, tuamai in diábí tobatúmai in intau mokotahang in monayow kon inimu.”

WAHYU 2:10

Dikabí moondok kon yoyiga inta diádon moonggot in musti korasaan monimu. Pokotorop, oyúon in tongonumai intau kon sigad monimu in potuoton Ibilis kon bonu in ponjara sin mosoba kon i monimu. Moiko in mokorasa kon yoyiga kon bonu in mopuḷú nosinggai. Táe kotoinduduibí tantú in moiko kon i-Nakó modapot in matoi, dá moiko ogoian-Ku in kobiagan mononoi saḷaku tombuinag sin nountungdon.