ULANGAN 3:1 - Alkitab Singog In Mongondow Masa In Tanaa

¹ “Onda intua kita nopobayá ná utuan kon butá in Basan. Ki Og, datu in Basan namangoi sin monubu kon i naton kon diug in kotá in Edrei.

ULANGAN 3:1 ပူးပေါင်းရင်းမြစ်များ

NEHEMIA 9:22

Pinopountung-Mu in mosia kon nobayong in dodatuan bo bangusa kon pinosigadan in butá monia. Hesybon butá i Datu Sihon, iḻitúan monia; Basan butá i Datu Og, inutunan monia.

MAZMUR 136:20

bo ki Og, datu in Basan; tabi-Nea in umuran mononoi.

ULANGAN 1:4

Tua in nobaḻí naonda in ki Musa nonaḷow kon Sihon, datu in intau Amori, inta nomarenta kon kotá in Hesybon, bo Og, datu in Basan, inta nomarenta kon kotá mita in Asytarot bo Edrei.

ULANGAN 2:32

Dá namangoidon in ki Sihon takin tontaranea mita sin monubu kon i naton kon diug in kotá in Yahas.

ULANGAN 29:7

Bo naonda in kita nodapot in tampat tanaa, ki datu Sihon nongkon Hesybon bo ki datu Og nongkon Basan namangoi nonubu kon i naton táe sinaḷow naton in mosia.

ULANGAN 3:2

Táe ki Tuhan noguman kon inakó, ‘Dika moondok kon inia, Musa. Ogoi-Ku bidon in sia, tontaranea bo bayongan butánea kon inimu. Popoaidon kon inia ná inta pinopoaidmu kon i Sihon, datu in Amori inta nomarenta kon Hesybon,’

ULANGAN 31:4

Ki Tuhan in moyopúbí kon bangusa mita tatua ná doman pinononaḷow-Nea kon i Sihon, bo kon i Og, datu in intau Amori, bo norimumud kon butá monia.

ULANGAN 4:47

Mosia nokoḻitú kon butá i Datu Sihon tua, bo butá doman i Datu Og nongkon Basan, Datu in Amori ibanea tobatú inta nogutun kon dotá in pomukaan kon Ongkag in Yordan.

YOSUA 12:1

Butá inta kon dotá in pomukaan kon Yordan, nongkon Ḷopá in Ongkag Arnon bo notakod monik kon Ḷopá in Yordan nodapot kon nouput in Buḷud in Hermon kon dotá in utuan, aindon inagow bo iḻitúan in intau Israel. Doyowa in datu in sinaḷow monia.

YOSUA 12:4

Datu ibanea inta sinaḷow in intau in Israel in ki Datu Og nongkon butá in Basan, inta noiḻitú kon Asytarot bo Edrei. Sia in intau tobatú inta ki agat in bangusa Repaim.

YOSUA 13:30

Sigad mita in butá monia nodapot kon Mahanaim, noituot doman in bayongan in Basan – tuata in bayongan butá inta kinawasa i Og, datu in Basan, bo ḻipú mita in Yair kon Basan inta onom nopuḷú.

YOSUA 9:10

bo onu inta pinomia-Nea kon i datu in intau in Amori doyowa kon dotá in pomukaan kon Yordan, inta ki Sihon datu in Hesybon bo ki Og datu in Basan inta nogutun kon Asytarot.