ULANGAN 24:5 - Alkitab Singog In Mongondow Masa In Tanaa

⁵ “Ḷoḷaki tobatú inta bagu nobuḷoi diábí motaau in pokituotan tontara bo mayá moparang ande mogaid kon oaidan ibanea. Sia in mustipabí ḷuatan kon oaidannea kon bonu in totaong sin monompia kon tonibuḷoinea bo moposanang in gina i buḷoinea.

ULANGAN 24:5 ပူးပေါင်းရင်းမြစ်များ

AMSAL 5:18

Tuamai, koḷungangabí in iko takin i buḷoimu tontaní; tayakbí in inta mokosanang kon mongodeaga inta ain pinobuḷoimu –

ULANGAN 20:7

Oyúon degá in kon sigad monimu in intau inta nongantangdon bo mobuḷoidon? Aka oyúon, motaaubí in sia mobui. Sin aka in sia bo koḻimodan kon parang, yo intaudon ibanea in motonibuḷoi takin i kantangnea.’

KINOBAḺIAN 2:24

Tuamain ḷoḷaki in musti monaḷámai kon i amá bo kon i inánea, bo motobatú takin i buḷoinea.

MOHOHUTUBA 9:9

Paké in kobiagan takin i buḷoimu inta kinotabimu kon bonu in kobiaganmu inta diá in baragunanea, inta inogoi i Allah kon inimu kon dunia. Pakébí muḷoi in singgai umpaka diá in baragunanea. Sin tongábí tua in tondan in irorigaanmu.

KORINTUS 1 7:29

Nanaa in makusudku uḻe utat mita: Nopoḷokdon in wakutu naton. Tuamai nongkon masa in tanaa, intau inta kobuḷoi, kobiagdon naonda bo intau inta diápa kobuḷoi;

LUKAS 14:20

Intau ibanea doman in noguman nanaa, ‘Akuoi in bagu nobuḷoi, tuamai in akuoi in diápa mokopoangoi.’

ULANGAN 24:6

Aka moiko mopoḷuan in onuka kon intau ibanea, dikabí mogamá kon batu poḷoḻintog in intau tatua kon gandum sin baḻíonmu jaminan. Sin aka gamáanmu in batu tatua, yo moiko in nogagowdon kon onu inta pakéon monia pomiag kon tombonu in baḷoinea.