ULANGAN 22:5 - Alkitab Singog In Mongondow Masa In Tanaa

⁵ Bobay in diábí motaau in mogipakeang ná pakeang in ḷoḷaki bo ḷoḷaki in diábí doman motaau momakeang ná bobay, sin intau inta momia kon natua in kinodoíbí i Tuhan Allahmu.

ULANGAN 22:5 ပူးပေါင်းရင်းမြစ်များ

ULANGAN 18:12

Intau inta nomia kon oaidan mita moraat natua kinodoí i Tuhan Allahmu, bo tuamai in bangusa mita tatua pinoguntun-Nea nongkon tayowonmu.

ULANGAN 22:4

Aka keledai tobatú ande sapi kapunyaan in intau tobangusamu noibanting kon daḷan, yo dikabí ki ubo-uboḷmai diá nonotaau, táe tuḷungaibí in bobiagon tatua poposindog bui.

ULANGAN 22:6

Aka moiko mokouḻí kon pugad tobatú kon pangkoi in kayu ande kon butá takin ki iná in ḷagapan nogoob mako kon natunea ande noyotakin i adínea mita, yo dikabí mogamá kon ki iná in ḷagapan tatua.