ULANGAN 20:3 - Alkitab Singog In Mongondow Masa In Tanaa

³ ‘Utat mita, indongogai! Singgai in naa moiko mayá moparang. Dika moondok ande kimiot in gina ande motoboḻingo.

ULANGAN 20:3 ပူးပေါင်းရင်းမြစ်များ

TAWARIKH 2 32:8

Kon inia in ropot in intau, táe kon inaton in ropot i Tuhan Allah naton inta motuḷung bo moparang kon kopontingan naton.” Nokodongogmai kon tosingogon mita in datu monia tatua, rayat inangoian in barani.

AYUB 23:16

Inta Totok in mokawasa nonginggamá kon bayongan in baraniku. Akuoi in moondok sin ki Allah, deemanbí popisí in sindip, umpaka sindip tua in moḻipung kon inakó, bo mogoḻingoi kon pogotku.

MAZMUR 3:6

Akuoi in inumuḻid bo nosiug takin pia-pia, bo nobangon bui, sin ki Tuhan in notuḷung kon inakó.

IḶUAIAN 14:13

Ki Musa in noguman, “Dika moondok! Korigonon in gina! Ontongonbí monimu onu in aidan i Tuhan sin moposaḷamat kon i monimu. Intau in Mesir inta inontong monimu tanaa, diá bidon ontongon bui monimu.

YESAYA 28:16

Tuamai, ki Tuhan Inta Totok in moḷantud noguman nanaa, “Akuoi in mogukat kon dodoyonan inta moropot bo motorindog kon Sion; batu orotan tobatú inta moḷoben in mangaḻenea inta pinaisan: ‘Ki ine in morigon in pirisayanea, diábí umundok popisí in taḷowon.’

YESAYA 7:4

Pogumandon kon i datu kon sia in musti tantú mosadia bo umuran mokopoonow. Dikabí in sia moondok andeka motoboḻingo. Torú i Datu Pekah bo i Datu Rezin takin tontaranea intau mita in Siria tatua in diábí noiḻiu kon doyowa in oḷuton inta nonompoyok.

PINOGIAPAN 14:9

Dikabí moḷawang kon i Tuhan, bo dika moondok kon intau inta nogutun kon butá tatua, sin diábí moyoyiga naton in monaḷow kon i monia. Inta noḷukad kon i monia tua aindon nonaḷámai kon i monia, bo ki Tuhan in kotaki-takin naton. Dá, dikabí moondok.”

MATIUS 10:16

“Tagú totok kon gina in singog-Ku: Akuoi in mopotabá kon i monimu, naonda bo domba dinia kon yua-yuak in serigala. Manangka intua mokopoingat totok naonda bo uḷag bo mokopotuḻid kon gina naonda bo ḷagapan paḷoma.

MATIUS 10:28

Bo donaaibí moondok kon i monia inta moḻimod kon awak, táe diá inogoian in kawasa morabut kon nyawa. Kotoguondokbí kon i Allah inta kokawasa moḻimod kon awak bo morabut kon nyawa kon bonu in naraka.

MATIUS 10:31

Manangka intua donaaibí in moiko moondok. Sin moikobí in momaha-mahaḷ in ḷagapan dui-duit mita tatua!”

MATIUS 8:26

Sia in noguman kon i monia, “Nongonu sin moondokbí in moiko intau inta diá totok mopirisaya?” Onda intua nobangon in ki Yesus bo sinumorú kon tompot bo danow tatua, indoianmai yo diádon nogirup in tompot tatua bo danow in noḷonong totok.

MARKUS 16:18

Aka mosia mokadai kon uḷag andeka monginum kon rasum, diábí mobodito in mosia. Bo aka kadaian monia in intau mita motakit yo mongopia.”

MARKUS 16:6

Táe tayowmobiag tatua in noguman kon i monia, “Dika moondok! Kinotaauankubí kon moiko in motayak kon i Yesus intau Nazaret inta ain pinopopakú kon kayu pinoyotaḻempang. Diábí in Sia in kon naa. Sia ain nobiag! Indoiaidon naa in tampat pinoguḻidan monia kon i Yesus.

OUMAN IN RASUL MITA 27:24

Bo noguman, ‘Dika moondok, Paulus! Sin moyotayowbí i Kaisar in iko. Bo totuubí kon popisí in totabi i Allah kon inimu dá bayongan in intau kon kapaḷ tanaa inta noyotakinmu mosaḷamatbí komintan.’

ULANGAN 20:1

“Aka moiko mayá moparang moḷawang kon musungmu mita, dika moondok in mokoontong kon kereta in parang bo kabaḷo monia inta mobayong takin tontara monia inta noiḻiu in kobayongnea nongkon i monimu. Ki Tuhan Allahmu inta nopoḷuai kon i monimu nongkon Mesir, in motuḷungbí doman kon i monimu.

ULANGAN 20:2

Kon dodai in diápa momangkoi moparang, imang tobatú musti mayá in muna bo mosingog kon inimu nanaa,

TESALONIKA 1 5:15

Ḷukadai sinbá diá in mosituḻían intau kon soaḷ mita inta moraat. Umuran poramuji in mogaid kon inta mopia kon intau mita.

TIMOTIUS 1 6:12

Poramujidon totu-totuu mobiag saḷaku intau inta mopirisaya kon i Kristus. Mobiag mobanar bá mouḻímu in kobiagan mononoi. Sin tuabí in mangaḻe in pinogoinían i Allah kon inimu bo tua doman komintan inta umuran inakumu kon tayowon in intau moantó.

IBRANI 13:6

Tuamai mobaranibí in kita moguman, “Ki Tuhan in mototuḷungku, tuamai akuoi in diá moondok. Onubí in motaau aidan in intau kon inakó?”

YOSUA 23:10

Intau tobatú nongkon sigad monimu mokotaḷowbí kon ribuan in intau, sin ki Tuhan Allahmubí in moparang kon kopiaan monimu, ná inta ain pinodandi-Nea.

WAHYU 2:10

Dikabí moondok kon yoyiga inta diádon moonggot in musti korasaan monimu. Pokotorop, oyúon in tongonumai intau kon sigad monimu in potuoton Ibilis kon bonu in ponjara sin mosoba kon i monimu. Moiko in mokorasa kon yoyiga kon bonu in mopuḷú nosinggai. Táe kotoinduduibí tantú in moiko kon i-Nakó modapot in matoi, dá moiko ogoian-Ku in kobiagan mononoi saḷaku tombuinag sin nountungdon.

SAMUEL 1 17:32

Guman i Daud kon i Saul, “Tuang Datu, diábí motaau in kita in moondok kon intau in Pilistin tatua! Ki atamu naa in mokobaḻíbí in mayá monayow kon inia.”