ULANGAN 20:1 - Alkitab Singog In Mongondow Masa In Tanaa

¹ “Aka moiko mayá moparang moḷawang kon musungmu mita, dika moondok in mokoontong kon kereta in parang bo kabaḷo monia inta mobayong takin tontara monia inta noiḻiu in kobayongnea nongkon i monimu. Ki Tuhan Allahmu inta nopoḷuai kon i monimu nongkon Mesir, in motuḷungbí doman kon i monimu.

ULANGAN 20:1 ပူးပေါင်းရင်းမြစ်များ

KINOBAḺIAN 26:3

Akuoi in moḷukadbí bo momarakat kon inimu. Komintan butá tanaa in ogoi-Kubí kon inimu bo kon buímu. Intompodan-Kubí in dandi-Ku inta ain pinoguman-Ku kon i Abraham ki amámu.

TAWARIKH 2 14:10

Dá iḷumuaidon in ki Asa nonayow kon i Zerah, bo taya dua in tumpaḷadon nonompia kon pipidannea-pipidannea kon Ḷopá in Zepata kon diug in Maresa.

TAWARIKH 2 14:11

Bo ki Asa in nosambayang kon i Tuhan Allahnea, “Tuhan, tongábí Iko in mokobantung kon inta moyangkó monayow kon inta moropot. Tuḷungaipa in kami in tanaa, o Tuhan Allah nami! Tongábí iko in andoḷan nami bo podoyon kon tangoi-Mu kami in ḷumuai moparang monayow kon tontara inta mobarong totok naa. Tuhan, Ikobí in ki Allah nami. Dikabí pomayá mako Iko taḷowon in intau tobatú.”

TAWARIKH 2 20:12

Ikobí in ki Allah nami! Hukumdon in mosia, sin kami in diádon mokopongonu in monayow kon tontara inta mobayong tatua, inta monubu kon inami. Diábí kotaauan nami mongo onupa in pomiaan nami, tuamai in mamangoi in kami kon ini-Mu mokituḷung.”

TAWARIKH 2 20:15

bo noguman in sia, “Tuang inta momulia takin bayongan utat mita. Ki Tuhan in noguman kon moiko in dikabí kobuḻian in kamang andeka moondok in monayow kon tontara inta mobayong tatua. Sin deemanbí moiko in moparang táe ki Allahbí.

MAZMUR 118:6

Akuoi in diábí moondok sin ki Tuhan in kotaki-takinku, intau in diábí mokopongonu kon inakó.

MAZMUR 20:7

Tanaa in kinotaauanku kon ki Tuhan in mopountung kon i datu inta piniḻí-Nea. Ki Tuhan in notubag kon inia nongkon soroga inta motusi; pinodoyon kon kawasa i Tuhan pountungon totok.

MAZMUR 23:4

Umpakabí akuoi mongin ḷopá inta mosindip, diábí in akuoi moondok in anib, sin Iko in nogindua kon inakó. Iko in noḷukad kon inakó naonda bo gombala noḷukad kon dombanea nomaké in tungkud bo popangkuḷ.

MAZMUR 46:11

Kai-Nia, “Pogogaidon moparang; pokotaaudon, Akuoi naa in Allah, Akuoi in momulia kon sigad in bangusa mita, momulia kon sinangkub in butá.”

MAZMUR 46:7

Ki Allah in nonggotup, dá dunia in norimumudon totok; bangusa mita in modoḻiok, dodatuan mita noobat.

MAZMUR 46:8

Ki Tuhan Inta Totok in mokawasa moyotakin naton, ki Allah i Yakub noḷukad kon inaton.

IḶUAIAN 20:2

“Akuoi naa in ki Tuhan Allahmu inta nopoḷuai kon i monimu nongkon Mesir tampat inta pinononggataan kon i monimu.

YESAYA 31:1

Moboditodon in intau inta mayá in Mesir sin mokituḷung! Mosia in mopongatabí in ropot in tontara in Mesir inta tumakoi kon kabaḷo bo kabaḷonea inta mongoropot bo keretanea inta mobayong. Táe mosia in diábí mopirisaya kon i Tuhan, Allah mokudus in Israel bo diá mokituḷung kon i-Nia.

YESAYA 41:10

Dika moondok, sin takinan-Kubí in iko, dika moḻia-ḻiaw in gina, sin Akuoi in ki Allahmu. Iko in irigonan-Ku bo tuḷungan-Ku, Ḻima-Ku inta moroton in pokapit-Ku.

YESAYA 43:2

Aka iko ḷumoḷan kon tubig yo takinan-Ku in iko, iko in diábí moḷomot kon bonu in rorigamu mita. Aka mongin tuḷú, diábí in iko mopokak, totungkuḷ mita inta mobogat in diábí mokobodito kon inimu.

YESAYA 7:14

Tanaa, ki Tuhan tontaní in mobogoi in tomponuot kon inimu: Mongodeaga tobatú inta sidia in mopononggadíbí in ḷoḷaki tobatú inta sinangoiannea Imanuel.

YEREMIA 16:14

Ki Tuhan in noguman, “Moiangoibí in wakutunea intau in diá bidon mongibot podoyon kon i-Nakó, Allah inta nobiag, inta nodia kon umat in Israel iḻumuai nongkon Mesir,

ZAKHARIA 10:5

Intau mita in Yohuda in mountungbí naonda bo pojuang mita inta moruntai kon musung naonda bo yoná kon daḷan. Mosia in totokbí in moḷongasi popisí in Akuoi, ki Tuhan in moduḷu kon i monia, bo tontara in musung inta sinumakoi kon kabaḷo in taḷowonbí monia komintan.

PINOGIAPAN 10:9

Bo aka moiko moparang kon butá monimu sinbá diá kawasaan in musung inta monubu, irup in torompet mita tatua. Dá Akuoi, ki Tuhan Allahmu, in motuḷung bo moposaḷamat kon i monimu nongkon musungmu mita.

PINOGIAPAN 23:21

Kon i Yakub diábí kinoontongan in moraat; kon Israel diábí doman kinoontongan in mororiga. Ki Tuhan, Allah monia, kotaki-takin monia. Mosia norogiow: Siabí in Datu!

SURAT I PAULUS KON JAMAAT RUM 8:31

Onu in motaau naton singogon kon soaḷ mita tatua? Aka ki Allah bo noyotakin naton yo ki ine in mokoḷawang kon i naton?

ULANGAN 1:29

Táe akuoi noguman: Dika moondok kon intau mita tatua.

ULANGAN 2:7

Toropbí naonda in ki Tuhan Allahmu nomarakatdon kon i monimu kon bayongan in yagi-yagi inta inaidan monimu. Iḷukadan-Nea in moiko kon tungkuḷ in moiko kon padang gurun inta mobendar naa. Inoḻiungan-Nea in moiko opat nopuḷú notaong naa bo nobogoi domandon in bayongan onu inta pakéon monimu.

ULANGAN 20:2

Kon dodai in diápa momangkoi moparang, imang tobatú musti mayá in muna bo mosingog kon inimu nanaa,

ULANGAN 20:3

‘Utat mita, indongogai! Singgai in naa moiko mayá moparang. Dika moondok ande kimiot in gina ande motoboḻingo.

ULANGAN 31:6

Moiko in musti morigon in gina bo mobarani! Dika moondok kon i monia, sin ki Tuhan Allahmu tontaní inta motuḷung kon i monimu. Diábí pokuyangon-Nea in gina ande monaḷámai kon i monimu.”

ULANGAN 31:8

Ki Tuhan tontaní in mokapit bo motuḷung kon inimu. Diábí pokuyangon-Nea in ginamu bo diábí doman taḷaan-Nea in iko, tuamai dikadon moondok ande mogagawang.”

ULANGAN 7:1

“Ki Tuhan Allahmu in modiabí kon i monimu mayá in butá inta bain pogutunan monimu, bo mobayongbí in bangusa inta poguntunon-Nea nongkon tua. Koonto-ontongmubí in Sia moguntun kon pitu in bangusa inta moḷobe-ḷoben bo moropo-ropot nongkon i monimu, tuata in intau mita in Het, Girgasi, Amori, Kanaan, Peris, Hewi bo Yebus.

ULANGAN 7:18

Táe dika moondok kon i monia; toropdon onu in pinomia i Tuhan Allahmu kon i datu in Mesir bo bayongan in rayatnea.

ULANGAN 7:21

Dá dikabí moondok kon bangusa mita tatua. Ki Tuhan Allahmu in moḷukadbí kon i monimu. Sia in ki Allahbí inta moḷoben bo motoyang.

ULANGAN 9:3

Táe tanaa, ontongonbí monimu tontaní naonda in ki Tuhan Allahmu mayá kon muna monimu naonda bo tuḷú inta mokopokak. Sia in monaḷowbí kon i monia kon tayowonmu, dá kountunan bo koyopúanbí monimu in mosia motoyong ná inta pinodandi i Tuhan.

YOSUA 1:5

Tobatúmai in intau diábí in mokotaḷow kon inimu, Yosua, kinoouputbí in kinobiaganmu. Sin umuran-Kubí takinan in iko ná ki Musa koḻipod. Diábí in Akuoi monaḷámai kon inimu.

YOSUA 1:9

Pokotorop, Akuoi ain nomarenta kon inimu sinbá totu-totuudon in iko moyakin bo mobarani! Dika in iko moondok ande mogagawang, sin Akuoi ki Tuhan Allahmu in umuranbí kotaki-takinmu kon ondakabí in bayáanmu.”

YOSUA 11:9

Ki Yosua in nopoaid intua kon i monia pinodudui kon onu inta pinarenta i Tuhan: pinengkoḷannea in kabaḷo monia, bo nonurub kon kereta mita in parang monia.

HAKIM MITA 6:12

Malaekat i Tuhan tatua nokipogontong kon inia bo poḷat noguman, “Ei, tayowmobiag inta motorindog! Ki Tuhan kotaki-takinmu!”

HAKIM MITA 6:16

“Mokomampubí in iko!” guman i Tuhan, “sin Akuoibí in motuḷung kon inimu. Mogampangmubí in monaḷow kon intau mita in Midian, tongábí naonda bo nonayow in iko kon intau tobatú.”

SAMUEL 1 17:32

Guman i Daud kon i Saul, “Tuang Datu, diábí motaau in kita in moondok kon intau in Pilistin tatua! Ki atamu naa in mokobaḻíbí in mayá monayow kon inia.”