ULANGAN 2:8 - Alkitab Singog In Mongondow Masa In Tanaa

⁸ Onda intua kita nongingguputdon kon binayáan, nonaḷámai kon daḷan inta moitaḻib kon kotá mita in Elat bo Ezion-Geber nopobayá ná Laut Mati, bo nomurow nopobayá ná timur laut mopobayá in Gurun Moab.

ULANGAN 2:8 ပူးပေါင်းရင်းမြစ်များ

KINOBAḺIAN 25:23

Ki Tuhan noguman kon inia, “Doyowa nobangusa nion kon bonu in sianmu; iko mopononggadí in bangusa doyowa inta mososaturuan; ai-ai in moropo-ropot nongkon guya-guyang inta guya-guyang mobaḻí bobantung in ai-ai.”

DATU MITA IMITÁNEA 9:26

Kon totubuan in kapaḷnea, nomia doman in ki Datu Salomo kon kapaḷ mita kon Ezion-Geber, kon diug in Elot kon pintad Ḷuok in Akaba, butá in Edom.

DATU MITA 2 14:22

Naonda in minatoi mako in ki amánea, ki Uzia in nogagow bui kon kotá in Elat bo pinosindognea bui.

PINOGIAPAN 21:4

Onda intua intau in Israel nonaḷámai kon Buḷud in Hor, bo nomiḻí kon daḷan inta nopobayá in Teluk Akaba, sin moḻibu kon butá in Edom. Táe kon yuak in daḷan, bangusa tatua kinodaitandon in sabar monia,

ULANGAN 1:1

Buk in tanaa tombonunea in tosingogon mita inta pinotaau i Musa kon bangusa Israel kon dodai in mosia kon padang gurun kon Ḷopá in Yordan. Ḷopá tatua in kon dotá in pomukaan kon Ongkag in Yordan, kon diug in kotá in Sup, kon sigad in kotá in Paran kon pihak tobatú, bo kon kotá mita in Topel, Laban, Hazerot bo Di-Zahab kon pihak ibanea. (

HAKIM MITA 11:18

Onda intua mosia nongingguputdon kon bobayáan monia nongin padang gurun, tongá diábí sinumaḻib kon butá in Edom bo Moab, táe noḻibudon nodapot kon dotá in pomukaan kon Moab, kon ḷoḷan in Ongkag in Arnon. Mosia nononḷoḷaigan kon tua, táe diábí iḷumoḷan kon ongkag tatua, sin butá tatua in noituotdon kon butá in Moab.