ULANGAN 16:3 - Alkitab Singog In Mongondow Masa In Tanaa

³ Sosumba Paska tatua musti kaanon takin roti inta diá iragian. Pitu nosinggai in koonggotnea moiko in musti mokaan kon roti inta diá iragian, ná kon dodai in moiko nonaḷámai kon Mesir takin iḻimika-ḻikat. Kaandon in roti tatua, roti inta sinangoian roti in roriga, sinbá kinoouput in kinobiaganmu moiko mokotorop kon singgai moiko nonaḷámai kon Mesir, tampat kinoyoyigaan monimu.

ULANGAN 16:3 ပူးပေါင်းရင်းမြစ်များ

DATU MITA IMITÁNEA 22:27

Poki pobonudon kon i monia in sia kon ponjara, bo tongádon ogoian in kaanon bo inumon tumongo piḻik modapot in akuoi mobui mangoi takin mosaḷamat.”

MAZMUR 102:9

Kinoouput in singgai musung moningkuḻe kon inakó; tangoiku in binaḻí kutuk i intau mita inta tumorú kon inakó.

MAZMUR 111:4

Ki Tuhan tua in motabi bo mopia in gina, Sia in nogaid kon inta mokotongaw mita, sinbá umuran kotoropan naton intua.

MAZMUR 127:2

Diábí in mangaḻenea in simiḷopí totok in mogaid motayak kon kobiagan, mobangon doḷo-doḷom bo mosiug moonggot kon doḷom; sin ki Tuhan in moposadiabí kon i monia inta kinotabi-Nea, kon tungkuḷ in mosia mosiugpa mako.

IḶUAIAN 12:11

Kon oras in moiko mongaan musti koyongandon nopaḷut nonoḻisí sin mayá, mogi aip in sioḷ bo kokada-kadai in tungkud. Pokoḷamemet in moiko mongaan. Tuata in porayaan Paska sin mohoromat kon i-Nakó, ki Tuhan.

IḶUAIAN 12:17

Kon singgai tatua bayongan in bangusamu diaan-Ku ḷumuai nongkon Mesir. Tuamai modapot kon i adí bo ompumu, muḷoi in taong, singgai tatua musti baḻíon monimu singgai moḷoben.

IḶUAIAN 12:39

Mosia in notubá kon roti inta diá iragian nongkon touḷut mita inta sinokodia monia nongkon Mesir. Mosia bayá-bayádon pinoguntun nongkon tua, dapot in diádon nokoposadia kon tongkaaḷ.

IḶUAIAN 12:8

Doḷom doman tuata tapúnea musti angagon bo kaanon takin kuyat pait bo roti diá iragian.

IḶUAIAN 34:18

Porameaidon in Singgai Moḷoben Roti Diá in Ragi. Ná inta ain pinarenta-Ku kon inimu, moiko in musti mokaan kon roti diá iragian kon bonu in pitu nosinggai kon buḷan Abib, sin kon bonu in buḷan tatuata moiko in nonaḷámai kon Mesir.

YESAYA 52:12

Moiko in diábí ḻimika-ḻikat in mayá, bo diábí ná intau inta moḷagui. Sin ki Tuhan in modiabí kon i monimu: ki Allah in Israel in mogoḻiungbí kon i monimu nongkon bayongan tampat.

IMAMAT 23:6

Mobangon monik, kon singgai mopuḷú bo ḻima, momangkoidon in Singgai Moḷoben Roti diá in Ragi, bo kon bonu in pitu nosinggai moiko in diábí motaau mokaan kon roti inta iragian.

ZAKHARIA 12:10

Onda intua buí i Daud takin intau mita inta nogutun kon Yerusalem ogoian-Kudon in gina inta kototabi bo moibog mosambayang. Mosia in imindoibí kon inia inta ain sinumbuk monia bo ombaḷan monia naonda bo intau mongombaḷ kon kinopatoian i adínea tuḷong. Mosia in mongombaḷbí imibo-ibog, naonda bo intau inta ain kinobuḻian i adínea guya-guyang.

PINOGIAPAN 28:17

Singgai noiduduimai, singgai impuḷú boḻima, pangkoidon in Porayaan Roti diá in Ragi, bo kon bonu in pitu nosinggai tua moiko in diábí motaau in mokaan kon roti inta iragian.

PINOGIAPAN 9:11

Táe porayaan tatua musti pomiaan tobuḷan moiduduimai, inta kon doḷom singgai impuḷú bo opat kon buḷan nogindua. Porayaaidon in singgai tatua takin mokaan kon domba Paska takin roti inta diá iragian bo kuyat pait.

LUKAS 22:19

Onda intua ki Yesus in nogamá kon roti. Bo naonda in sinambayangan-Nea mako, binonsi-bonsig-Nea in roti tatua bo inogoi kon i monia poḷat noguman, “Naadon in awak-Ku [inta pinosarakan kon i monimu. Aidai doman in naa, saḷaku tanda kon moiko in umuran monorop kon i-Nakó.”

KORINTUS 1 5:8

Manangka intua, koḻigai in kita morame takin momaké in roti inta diá koragi, tuata in roti inta pinodoyon kon gina motuḻid bo inta kinopopia in gina i Allah. Dika in kita momaké in ragi inta nokoyongandon, ragi inta diádon nopia bo ain noromú.

ULANGAN 16:2

Bayádon kon tampat inta piniḻí i Tuhan kon porataan kon tobatú bembé domba ande sapi mobaḻí sosumba Paska sin mohoromat kon i Tuhan Allahmu.

ULANGAN 4:9

Taridi bo toropdon kopiaan, sinbá kinoouput in kinobiaganmu diá koḻiongan monimu onu inta ain inontong monimu tontaní. Oumandon kon adí bo ompumu

TESALONIKA 1 1:6

Moiko in dinumuduidon kon onu inta inontong monimu inaidan nami bo inta inaidan i Tuhan. Umpaka moiko nobiag nororiga sin pinogutú totok in intau ibanea, táe Habar Mopia inta pinoyaput nami kon i monimu in sinarimabí monimu takin sanang in gina. Sanang in gina tatua in Rohobí i Allah in nobogoi.

YOSUA 4:7

dá moiko in musti moguman kon i monia kon tubig in Ongkag in Yordan nobontow kon dodai in Poti Dodandian i Tuhan dinia iḷumoḷan kon ongkag tatua. Batu mita tatua umuran moponorop kon bangusa Israel kon onu inta nobaḻí kon naa.”