ULANGAN 13:9 - Alkitab Singog In Mongondow Masa In Tanaa

^9-10 Sia in musti ara bo in batu modapot in matoi. Ikobí in musti momangkoi mogandur in batu kon inia, bo duduian in bayongan intau. Intau inta kotaḷá tatua musti ḻimodon, sin sia in moibog mopoyayú kon i monimu nongkon i Tuhan Allahmu inta nopoḷuat kon inaton nongkon pinononggataan kon Mesir.

ULANGAN 13:9 ပူးပေါင်းရင်းမြစ်များ

IMAMAT 24:14

“Diadon in intau tatua kon ḷuai in ḷoḷaigan. Bayongan intau inta nokodongog kon inia nogodi-godimai, musti mopoukat in ḻima monia kon uḷu in intau tatua sin mobogoi in katarangan kon sia in kotaḷá. Bo bayongan umat musti mogarab in batu kon inia dapot in matoi.

MATIUS 10:37

Ki ine in motabi kon i amánea andeka kon i inánea moiḻiu kon tabinea kon i-Nakó sia tua in diá patus mobaḻí dumodudui-Ku. Natua doman ki ine in motabi kon i adínea ḷoḷaki andeka bobay bo moiḻiu kon tabinea kon i-Nakó, sia doman tua in diá patus mobaḻí dumodudui-Ku.

LUKAS 14:26

“Aka intau mamangoi kon i-Nakó, táe sia in motabi-tabi kon i iná bo kon i amánea andeka kon i adíneabí bo kon i buḷoinea bo kon awaknea tontaní, yo sia tua in diá motaau mobaḻí dumodudui-Ku.

YOHANES 8:7

Naonda in umurandon monia dodakan, dinumungá in Sia bo noguman kon i monia, “Ki ine in kon sigad monimu in diá kon dosa, yo munadon sia in mogarab in batu kon bobay tatua.”

OUMAN IN RASUL MITA 7:58

Pinoḷuai monia in sia kon kotá tatua bo inandur in batu. Intau mita inta nokoontong kon inta nobaḻí tatua noḷongkut kon ḷambung bo pinoki kadai monia kon tobatú tayowmobiag inta ki Saulus in tangoinea sin moduḷu doman mogandur.

ULANGAN 25:12

yo pongkódon in ḻima in bobay tatua bo dikabí motabi kon inia.

ULANGAN 7:16

Batúan in bangusa inta pinosarakan i Tuhan Allahmu kon bonu in kawasa mu musti yopúon monimu; dika mopoontong in tabi kon i monia. Dika mosumba kon ilah mita monia, sin aid mita natua mokopoangoi kon bodito kon inimu.

ULANGAN 7:2

Aka ki Tuhan Allahmu moposarakan in bangusa mita tatua kon bonu in kawasamu bo moiko monaḷowdon kon i monia, ḻimodon in mosia komintan. Dika motabi kon i monia ande momia kon dodandian takin i monia.