ULANGAN 13:4 - Alkitab Singog In Mongondow Masa In Tanaa

^4-5 Intau ná tatua in musti hukumon matoi, sin moibog mopoḷaḻe in daḷan inta pinarenta i Tuhan Allahmu kon inimu. Sia tua in intaubí moraat sin mopotabá kon i monimu moḷawang kon i Tuhan Allahmu inta nopoḷuai kon i monimu nongkon Mesir, tampat pinononggataan kon i monimu. Dá sia tua in mustibí ḻimodon, sinbá onu inta moraat tatua daiton inggamáan. Táe moiko in mustibí umuran dumudui kon i Tuhan Allahmu bo mohoromat kon i-Nia; duduiai in Sia bo aidai in bayongan parenta-Nea. Umuran pokosatia bo pogundoi kon i-Nia.

ULANGAN 13:4 ပူးပေါင်းရင်းမြစ်များ

YEREMIA 7:23

Akuoi in tongábí nomarenta kon i monia dumudui kon i-Nakó sinbá Akuoi in mobaḻí Allah monia, bo mosia in mobaḻí umat-Ku. Akuoi in nopotabá kon i monia mobiag podudui in parenta-Ku mita sinbá mosia in mobiag motompia.

MIKHA 6:8

Diá! Ki Tuhan in noponiatadon kon i naton onu inta mopia. Igum-Nea kon i naton in tongábí mopoaid in inta moadil, umuran moponiata in totabian, bo takin ompá in gina mobiag motobatú takin i Allah naton.

LUKAS 1:6

Kobobiag inayadua motonibuḷoi tua mokosanang kon gina i Allah, sin taya dua in umuranbí dinumudui kon parenta bo atorang i Tuhan, diábí in sinaḻiban monia.

SURAT I PAULUS KON JAMAAT RUM 6:13

Bo dika domandon posarakan in awakmu kon kawasa in dosa sin pakéonnea mogaid kon inta mongoraat. Táe posarakaidon in awakmu kon i Allah saḷaku intau inta ain pinamping nongkon kawasa in popatoi bo pinobayá in kawasa inta mokobiag. Posarakaidon in awakmu komintan kon i Allah sinbá pakéon mogaid kon onu in kinoibog-Nea.

KORINTUS 1 6:17

Táe intau inta moibog motobatú i Tuhan, tantú rohonea in notobatúbí doman in Roho i Tuhan.

ULANGAN 10:20

Horomatbí in ki Tuhan Allahmu bo poibadadon tongá kon i-Nia. Moiko in musti umuran mokoposatia kon i-Nia bo mongibot tongá podoyon kon tangoi-Nea.

ULANGAN 11:1

“Kotabibí in ki Tuhan Allahmu, bo umurandon duduiai in bayongan parenta-Nea.

ULANGAN 30:20

Kotabibí in ki Tuhan Allahmu, duduiaidon in Sia, bo pokosatiadon kon i-Nia. Dá moiko bo buímu in mobiag moumur kon butá inta pinodandi i Tuhan kon mogoguyangmu, ki Abraham, ki Ishak bo ki Yakub.”

ULANGAN 6:13

Horomat in ki Tuhan, Allahmu bo kosundudon kon i-Nia tontaní, bo aka moiko mongibot, yo aidai intua tongá podoyon kon tangoi-Nea.

ULANGAN 6:5

Kotabibí in ki Tuhan Allahmu takin bayongan ginamu: Poniata intua kon bonu in kobiaganmu bo oaidmu.

KOLOSE 1:10

Dá moiko in mobiagdon podudui in ibog i Allah bo umuran mokosanang kon gina-Nea, sahingga kon bayongan yagi-yagi moiko in umuran mobogoi in bungai inta mopia. Bo pongotahuan monimu soaḷ ki Allah in modugang domandon.

YOHANES 2 1:6

Aka kita motabi kon i Allah yo mustibí dumudui kon bayongan parenta-Nea. Naa in parenta tatua: Moiko in musti umuran mobiag mositabian tobatú bo tobatú.

SAMUEL 1 7:3

Bo nogumandon in ki Samuel kon umat in Israel, “Aka moiko moibogdon mobui mangoi kon i Tuhan bo mosumba kon i-Nia takin ḻimbatú in ginamu, yo mustibí ḷumbúon monimu in bayongan dewa ibanea bo patong i Dewi Asytoret. Totu-totuudon posarakai in awakmu kon i Tuhan bo tongádon pooibada kon i-Nia, dá moiko in poḷuaton-Neadon nongkon intau in Pilistin.”