ULANGAN 13:1 - Alkitab Singog In Mongondow Masa In Tanaa

¹ Aka nabi tobatú ande intau totumogoindop mopodandi in mujizat ande inta mokoherang

ULANGAN 13:1 ပူးပေါင်းရင်းမြစ်များ

DATU MITA IMITÁNEA 13:18

Dá nabi nogoguyang inta nongkon Betel tatua in nonguboḷ kon inia, takin noguman, “Akuoi in nabibí doman ná Iko. Podudui doman in parenta i Tuhan malaekat tobatú ain nopotabá kon inakó monontomu kon inimu poḷat mogoḷud in kaanon kon baḷoiku.”

DATU MITA IMITÁNEA 13:19

Dá nabi inta nongkon Yohuda tatua dinumuduidon minayá in baḷoi in nabi nogoguyang tatua bo nongaan takinnea.

AMSAL 30:6

Aka iko bo modugang kon onu inta pinoguman-Nea, dá toboḷowon-Nea in iko bo moponiata kon mouboḷ in iko.

YESAYA 9:15

Itoi mita in bangusa tatua ain nopoḷaḻe bo nopodoḻiok kon rayat.

YEREMIA 23:11

Ki Tuhan in noguman, “Nabi bo imang doí tumoḷutui kon i-Nakó. Nodapot in kon Baḷoi-Ku kinouḻían-Kudon in mosia nogaid kon inta moraat.

YEREMIA 23:32

Akuoi, ki Tuhan, in moḷawangbí kon nabi mita tatua inta nopotaau in togoindopnea mita inta nopuḻing in uboḷ. Mosia in nopoḷangkam in umat-Ku pinodoyon kon uboḷ bo ambungangaḷ monia. Akuoi in diábí nopotabá kon nabi mita tatua. Mosia in beresibí diá baraguna kon umat-Ku. Akuoi, Tuhan, ain nosingog.”

YEREMIA 27:9

Dikadon mokidongog kon nabi mita andeka ki ineka doman inta mongampag kon i monimu mokiompu kon i datu in Babel, umpaka in mosia ain nongaku kon notarimadon kon topotundú nongkon togoindop, dimukud mita, andeka nopomaké in totaau mita.

YEREMIA 29:24

Ki Tuhan Inta Totok in mokawasa, Allah in Israel nobogoi in koyow kon i Semaya, intau in Nehelam, sin ki Semaya ain nokidia in surat pinodoyon kon tangoinea tontaní kon bayongan in intau inta nogutun kon Yerusalem, kon i Imang Zepanya ki adí i Maaseya, bo kon bayongan imang inta ibanea. Kon bonu in surat tatua ki Semaya in nomais nanaa kon i Zepanya:

YEREMIA 29:26

“Ki Tuhan ain noduí kon inimu nobaḻí imang nomaḷui kon i Yoyada, bo tanaa ikodon in pojabat inta moḷantu-ḷantud kon Baḷoi i Tuhan. Oaidanmu in momarenta sinbá bayongan intau nobundai inta tumangoi nabi, sinokig in rante uatoi kon sigogownea.

YEREMIA 29:8

Akuoi ki Tuhan, Inta Totok in mokawasa, Allah in Israel, mopotoingat kon i monimu sinbá diá mopomayá mako in awakmu koakaḷan in nabi mita inta nogutun kon yuakmu andeka i inekadon inta noguman kon mosia in mokotoḷanow kon singgai moiduduimai. Dika moindoimai kon togoindop mita monia.

YEREMIA 6:13

Mosia komintan pinomayá mointok andeka moḷoben, motayakbí kon kauntungan podoyon kon aid diá motuḻid. Nodapot in nabi bo imang monguboḷ kon intau.

YEHEZKIEL 13:23

Tanaa in mopaḷutdon in oontongon mita diá totuu bo toḻindapmu mita uboḷ. Posaḷamaton-Ku in umat-Ku nongkon tongganut moraatmu. Dá kotaauandon monimu kon Akuoibí in ki Tuhan.”

ZAKHARIA 10:2

Intau mita mopoigum in topotundú kon berhala mita bo mononoḻindap mita, táe tubag mita inta nouḻí monia in uboḷ bo tongábí kon bibig. Oyúon in noginsilang kon togoindop, táe insilang monia in tongábí mokopoḷaḻe kon i monimu, bo ḷoḻipoi inta inogoinea diá in mangaḻenea. Tuamai in rayat noirangkapdon magí-mako naonda bo domba. Moajar monia sin diá in itoi.

ZAKHARIA 13:4

Kon singgai tatua, nabi mita in angoianbí in oyá in mogaid naonda bo nabi. Mosia in diá bidon mogiḷambung in nabi sin monguboḷ bo dumodia kon oontongon monia.

MATIUS 24:11

Moantó in intau inta deeman totuu nabi in mamangoi, bo motundú kon inta noitaḷá kon moantó intau.

MATIUS 24:24

Sin oyúon in mongaku ki Mesias bo mongaku nabi táe mosia tua intaubí mongongakaḷ, tongá mosia in mogaid doman kon tanda mita inta moḷoben bo soaḷ mita inta mokoherang sahingga in aka mobaḻí, yo mosia in mokoakaḷ doman kon intau mita inta ain piniḻí.

MATIUS 7:15

“Mokopoingatdon kon nabi mita inta diá totuu. Nabi inta mamangoi kon inimu naonda bo intau inta mongopia, táe sabanarnea mosia tua intau bí moromú.

MARKUS 13:22

Sin ki inta deeman totu-totuu mopoposaḷamat bo ki inta deeman doman totu-totuu nabi in mamangoibí. Mosia in mogaid doman kon soaḷ mita inta diá in poḻiuan, bo soaḷ mita inta mokoherang sin ponguboḷ, bo aka oyúon in kasampatan yo mopoyaying doman kon umat mita i Allah.

LUKAS 6:26

Koboditodon in moiko aka komintan intau bo moduí kon inimu; sin natua doman in mogoguyang monia noduí kon nabi mita inta deeman totu-totuu nabi tungkuḷ intua.”

ULANGAN 18:20

Táe aka nabi tobatú mobarani mopotaau in koyow podoyon kon tangoi-Ku bokaka Akuoi in diábí nopotabá kon inia mogaid kon tua, yo sia tua in mustibí matoi; natua doman in bayongan nabi inta mosingog podoyon kon tangoi in ilah mita ibanea mustibí matoi.’

ULANGAN 4:1

Bo ki Musa noguman kon bangusa tatua, “Duduiaidon komintan in hukum inta tundúonku kon inimu, sinbá mobiag in moiko bo moiutun kon butá inta bain ogoi i Tuhan, Allah in mogoguyangmu, kon inimu.

ULANGAN 4:2

Onu in pinogumanku, dika dugangan ande gaatan topiḻikmai. Duduiandon in parenta mita i Tuhan Allahmu inta pinotaauku kon inimu.

TESALONIKA 2 2:9

Intau moraat tatua in mamangoi takin kawasa moḷoben nongkon Ibilis. Intau tatua in mogaid doman kon bayongan oaidan inta mokoherang bo inta mongotoyang táe nopuḻing in uboḷ.

PETRUS 2 2:1

Koḻipod kon sigad in umat i Allah, oyúondon in intau mita inta mongaku nabi, táe deemanbí in mosia tua totuu nabi. Natuabí doman in mobaḻí kon sigad monimu, moiangoibí intau mita inta mongaku guru, táe onu inta tundúon monia tua in diábí totuu. Mosia in motundú kon uboḷ, sahingga intau inta mopirisaya kon i monia in mokouḻí kon hukuman. Bo mosia tua diá mopirisaya kon mongongawasa inta ain nopobebas kon i monia. Aid monia natua in mokobodito kon i monia tontaní, bo tua in diádon moonggot in moiantug kon i monia.

YOHANES 1 4:1

Utat mita inta kotabiku! Donaaibí mogampang kinopiri-pirisayanea kon intau mita inta mongaku kinawasa in Roho i Allah, táe ujipa muna in mosia tua sinbá kotaauandon monimu mongo roho kon i monia tua nongkon i Allah andeka deeman. Sin nobayongdon intau in maya-mayá mako bo mongaku nabi bokaka deemanbí totuu nabi.