ULANGAN 12:3 - Alkitab Singog In Mongondow Masa In Tanaa

³ Umpagdon in mezbah mita monia bo rimumudon in batu mita inta inanggap monia mokaramat. Tubádon in lambang mita i Asyera, bo rimumudon in patong mita berhala monia, dá ilah mita tatua in diá bidon sumbáan kon tampat mita tatua.

ULANGAN 12:3 ပူးပေါင်းရင်းမြစ်များ

DATU MITA IMITÁNEA 14:15

ki Tuhan in mohukumbí kon Israel dá modandúdon ná tampiring kon bonu in tubig. Ki Tuhan in morabutbí kon rayat in Israel bo nongkon butá inta mopia tanaa inta inogoi-Nea kon mogoguyang monia. Sia in moporaritbí kon i monia kon ḷoḷan in Ongkag in Eprat, sin mosia in nopomukádon in torú-Nea sin nomia kon patong mita i dewi Asyera.

DATU MITA IMITÁNEA 15:13

Ki baainea, ki Maakha in pinogogainea nongkon ḷoḻitúannea nobaḻí iná in datu sin sia in nomiadon kon patong berhala inta moraat sin mosumba kon i Asyera, dewi inta mokoḷumbá. Inumpag i Asa in berhala tatua bo poḷat sinubá kon Ḷopá in Kidron.

DATU MITA 2 11:18

Nopaḷut mako kon tua rayat in nonubu bo nogumpag kon kuil Baal. Mezbah takin patongnea mita in irimumud, bo ki Matan, imang in Baal iḻimod kon tayowon in mezbah mita tatua. Ki Yoyada in nopotabá kon moḷoḷukad sin moḷukad kon Baḷoi Tuhan,

DATU MITA 2 18:4

Irimumudneadon in tampat mita pososumbaan kon dewa, bo inumpagnea domandon in tugunea mita poḷat nomoguyaat kon patong i Dewi Asyera. Bo irimumudnea doman in uḷag bitú inta pinomia i Musa inta sinangoian Nehustan. Sin, noidapot in kon dodai intua intau in Israel tantúpa doman motubá kon dupa sin mohoromat kon uḷag bitú tatua.

DATU MITA 2 23:14

Tugu mita in dewa bo patong i dewi Asyera in inumpag, bo butá inta pinoposindogan in tugu mita bo patong mita tatua, binumbunan i Yosia in tuḷan mita in intau.

TAWARIKH 2 14:2

Ki Asa in nokosanang kon gina i Tuhan Allahnea sin nogaid kon inta moadil bo mopia.

TAWARIKH 2 14:3

Sinoko ḷumbúnea in mezbah mita in bangusa ibanea bo tampat mita pososumbaan kon berhala. Tugu mita in dewa irimumudnea, bo oigi mita in patong i Dewi Asyera inumpagnea.

TAWARIKH 2 19:3

Umpaka natua táe oyúonpabí in mopia kon i Tuang. Ki Tuang in noḷumbúdon kon bayongan in patong i Dewi Asyera inta sinumba in rayat bo ki Tuang in noḷongasidon nobiag podudui in ibog i Allah.”

TAWARIKH 2 31:1

Naonda in nopaḷut in pinorayaan, bayongan in rayat minayá kon batúan in kotá kon Yohuda, bo norimumud kon tugu mita in berhala, nogumpag kon patong mita inta pinosindog kon i Dewi Asyera, bo norumbun kon mezbah mita takin tampat mita pososumbaan kon berhala. Mosia in nogaid doman kon natua kon tampat mita ibanea kon Yohuda, bo kon butá in Benyamin, Epraim bo Manasye. Nopaḷut mako kon tua mosia in nobuidon kon tampat monia tontaní.

TAWARIKH 2 34:3

Naonda in waḷudon notaong in nobaḻí datu, kon umur inta totokpa in noguod, ki Yosia in nomangkoidon noibada kon i Allah inta sinumba i Datu Daud mogoguyangnea. Opat notaong noiduduimai nomangkoidon in sia norimumud kon tampat mita pososumbaan kon berhala, patong mita i dewi Asyera, bo berhala mita ibanea.

MAZMUR 16:4

Biódon mako in intau inta mosumba kon dewa mita moduga-dungangdon in ajar in ginanea. Akuoi in doíbí mobogoi in kuruban kon dewa mita, nodapotbí in doí monangoi kon tangoi monia.

IḶUAIAN 23:13

Pononggina mako in bayongan inta ain pinoguman-Ku kon inimu. Dika mosumba kon ilah mita ibanea, modapot in tongá monangoi kon tangoinea diábí motaau.”

IḶUAIAN 23:24

Dika mosumba kon patong mita inta moḷoḷukad monia bo dika dumudui kon pososumba monia. Rimumudon in patong mita moḷoḷukad monia tua bo putoḷdon in oigi mita batu inta pinaké monia posumbaan.

IḶUAIAN 34:13

Dá, dikadon mogaid kon natua, táe tokoumpagdon in mezbah mita monia, rimumudon in tugu mita karamat monia bo toko pupuḷdon in oigi mita i Asyera, berhala monia.

YESAYA 27:9

Táe dosa mita in Israel in tongábí motaau ampungan aka mezbah in dewa mita giḻingon koyimokon naonda bo silon. Bayongan in pototubáan kon dupa bo lambang i Dewi Asyera in rimumudon doman.

YEREMIA 17:2

Intaumu mita in moibada kon mezbah mita bo kon oigi mita in berhala inta ain pinosindog kon i Dewi Asyera kon pomuḷoi in pangkoi in kayu inta mobambar, kon tudu mita in tombuḷudnea,

HOSEA 2:17

Diá bidon ogoi-Ku in sia in monangoi bui kon tangoi in Baal, dá koḻiongandon in intau in tangoi tatua.

MIKHA 5:14

Kon bonu in torú-Ku inta sinumagab tuḻían-Ku in aid moraat in bayongan in bangusa inta diá motoindudui kon i-Nakó.”

ZAKHARIA 13:2

Kon singgai tatua popatan-Kudon in tangoi in berhala mita nongkon butá tanaa, dá diádon tobatúmai in mokotoropa kon tua. Bayongan intau inta mongaku kon nabi in sia poguntunon-Ku takin i monia inta kinokawasaan in dimukud inta motombogá.

PINOGIAPAN 33:52

moiko musti mopoguntun in intau inta nogutun kon butá tatua. Yompatdon in bayongan berhala monia inta nongkon batu bo logam takin tampat mita pooibadaan monia.

ULANGAN 12:4

Kon dodai in moiko mosumba kon i Tuhan Allahmu, dikabí dumayan kon pososumba in intau mita tatua kon ilah mita monia.

ULANGAN 7:25

Tubádon in patong mita berhala inta sinumba monia. Dika mongibog kon saḷaka ande buḷawan inta kopake-paké monia bo dika mogamá sin pakéonmu tontaní. Aka moiko ḻimimpat kon parenta tatua matoi in moiko, sin ki Tuhan Allahmu in doíbí in mokoontong kon posumbaan kon patong berhala.

ULANGAN 7:5

Tuamai, umpagdon in mezbah mita in bangusa mita tatua, rimumudon in oigi mita batu inta inanggap monia mokaramat, pupuḷdon in lambang mita i Asyera, bo tubádon in patong mita berhala inta sinumba monia.

WAHYU 13:1

Onda intua akuoi in nokoontong kon tobatú mahaḷuk inta iḷumuai nongkon bonu in dagat, mopuḷú in tungoinea bo pitu in uḷunea. Pomuḷoi in tungoi oyúon in mahkota, bo pomuḷoi in uḷu pinaisan tangoi mita inta pohojat kon i Allah.

HAKIM MITA 2:2

Tuamai moiko in diá bidon motaau in mogaid kon dodandian ibanea takin intau mita inta nogutun kon butá tanaa. Mezbah mita monia in mustibí toko umpagon monimu.’ Táe diábí inaidan monimu in onu inta ain pinoki aid-Ku tatua. Tongábí inta diá pinoki aid-Ku in inaidan monimu!