ULANGAN 11:7 - Alkitab Singog In Mongondow Masa In Tanaa

⁷ Moikodon tontaní inta ain nokoontong kon bayongan inta mokoherang inta pinomia i Tuhan.”

ULANGAN 11:7 ပူးပေါင်းရင်းမြစ်များ

MAZMUR 106:2

Ki ine in motaau mopohaba-habar mako in kototorindog i Tuhan, bo mobogoi in dodayow inta patus kon i-Nia?

MAZMUR 145:12

sinbá bayongan in intau monotaau kon aid-Mu inta moḷoben, takin dodatuan-Mu inta momulia bo motaingkat.

MAZMUR 150:2

Dayowdon in Sia popisí in aid-Nea inta motorindog. Dayowdon in Sia popisí in koḷoḷantud-Nea inta moḷoben.

ULANGAN 11:6

Kinotoropan doman monimu onu in pinomia i Tuhan kon i Datan bo kon i Abiram, adí mita i Eliab nongkon suku Ruben. Kon tayowon monimu komintan, butá nobotak bo noḻiom kon i monia takin tombonu in baḷoi, ḷoḷaigan, bayongan in bobantung bo bobiagon monia.

ULANGAN 11:8

“Duduiaidon in bayongan hukum inta pinotaauku kon inimu singgai in naa, dá moiko in motaaudon ḷumoḷan kon ongkag bo tumuot kon butá inta diádon moonggot pogutunan monimu.

ULANGAN 27:10

Tuamai duduiaidon in ki Tuhan Allahmu bo aidaidon in bayongan parenta-Nea inta pinotaauku kon inimu singgai naa.”

ULANGAN 29:2

Ki Musa nogoiní kon bayongan intau in Israel noyosipun, bodongka noguman kon i monia, “Moiko ain nokoontong tontaní kon onu in inaidan i Tuhan kon i datu in Mesir, intau mita moḷobennea bo bayongan in butánea.

ULANGAN 4:3

Moiko ain nokoontong tontaní kon onu inta ain inaidan i Tuhan Allahmu kon Buḷud in Peor. Bayongan intau inta nosumba kon Baal kon tampat tatua iyopú-Nea,

ULANGAN 5:3

deemanbí tongá kon mogoguyang naton, táe takinbí in bayongan naton kon naa.

ULANGAN 7:19

Toropdon in bodito mita inta motoyang inta inontong monimu tontaní, soaḷ mita inta mokoherang, bo ropot inta moḷoben inta pinaké i Tuhan Allahmu sin mopoḷuat kon i monimu. Ná doman in popoaid i Tuhan Allahmu kon bayongan bangusa inta kinoondok monimu.

YOSUA 24:31

Kon dodai in ki Yosua nobiagpa, umat in Israel umuranbí nogundoi kon i Tuhan. Bo naonda in sia minatoi mosia in umuranbí doman nogundoi kon i Tuhan kon dodai in kon sigad monia tua oyúonpa in itoi mita inta ain nokoontong tontaní kon bayongan in yagi-yagi inta ain pinomia i Tuhan kon umat in Israel.