ULANGAN 11:4 - Alkitab Singog In Mongondow Masa In Tanaa

⁴ Moiko nokoontong kon naonda in ki Tuhan noyompat kon tontara in Mesir takin bayongan in kabaḷo bo kereta in parang monia. Mosia iḷomot komintan kon Dagat in Gelagah naonda in yogot mogaḷow kon i monimu.

ULANGAN 11:4 ပူးပေါင်းရင်းမြစ်များ

MAZMUR 106:11

Táe tubig in noḷomot kon musung monia; diá tobatúmai in kinotaḻiban.

IḶUAIAN 15:19

Kon tungkuḷ in intau Israel iḷumoḷan kon dagat, mosia in minayá-mayá kon apad in dagat inta noingkag. Táe naonda in kereta mita intau in Mesir takin kabaḷonea bo intau mita inta nodia sinumuot kon dagat, pinoyobuidon i Tuhan in tubignea nodapot in mosia nongoḷomot.

IḶUAIAN 15:4

Tontara in Mesir bo bayongan keretanea pinogambat-Nea kon bonu in dagat. Itoi mita in tontara inta mongoroton noḷomot kon Dagat in Gelagah.

ULANGAN 1:40

Táe moiko, pobuidon kon padang gurun mongin daḷan inta mopobayá ná Teluk in Akaba.’

ULANGAN 11:5

Kinotaauanbí monimu onu in pinomia i Tuhan kon inimu kon padang gurun kon dodai in moiko diápa nodapot kon naa.

ULANGAN 2:1

Pangabisannea kita in nobui kon padang gurun nongin daḷan inta nopobayá ná Teluk in Akaba, ná inta pinarenta i Tuhan. Noonggot in kita nodondaḷoi kon buḷud in Edom.

IBRANI 11:29

Popisí in nopirisaya, dá intau mita in Israel nokoḷoḷan kon Dagat Teberau, naonda bo minaya-mayá kon tudu in butá noingkag in mosia, táe intau mita in Mesir nongoḷomot kon dagat tatua naonda in nonungkuḷ in mosia iḷumoḷan.