ULANGAN 11:2 - Alkitab Singog In Mongondow Masa In Tanaa

² Toropdon tanaa onu inta kinotaauan monimu soaḷ ki Tuhan nongkon onu inta ain kinoyitakanmu. Adímu mita in diábí nokotaau kon tua. Moikobí inta nokoontong tontaní kon naonda in koagungan i Tuhan Allahmu, ropot-Nea, kawasa-Nea

ULANGAN 11:2 ပူးပေါင်းရင်းမြစ်များ

MAZMUR 136:12

pinongin ḻima inta moropot bo motorindog; tabi-Nea in umuran mononoi.

IḶUAIAN 6:6

Moiko in baḻíon-Ku umat-Ku, bo Akuoi in mobaḻí ki Allahmu. Dá kotaauandon monimu kon Akuoi naa in ki Tuhan, Allahmu, inta nopoḷuat kon i monimu nongkon pinononggataan kon Mesir.

AMSAL 22:19

Tundúonku intua kon inimu in tanaa sin ibogonku iko in mopoandoḷ in pirisayamu kon i Tuhan.

YESAYA 53:5

Táe sia in pinaḻían popisí in dosa mita naton, bo binongkug popisí in aid naton inta moraat. Sia in ihukum sinbá kita in posaḷamaton, popisí in awaknea inta nobuog tua dá kita in inundaman.

OUMAN IN RASUL MITA 26:22

Táe tantúpabí sinotabi i Allah in akuoi dá notaaupabí sinimindog kon naa in tanaa mako bo mongonguman kon bayongan inta ain kinorasaanku kon bayongan intau – moḷoben andeka mointok. Onu in inoumanku naa in diábí noyoposi in onu inta ain muna pinoguman in nabi mita bo i Musa;

ULANGAN 29:10

Singgai naa moiko komintan in simindog kon tayowon i Tuhan Allahmu, bayongan tongguḷu in suku, guhanga mita in ḻipú, porwira, bayongan in ḷoḷaki,

ULANGAN 3:24

O Tuhan inta Totuu Moḷantud, kinotaauanku kon onu inta pinoontong-Mu kon inakó naa in tongápabí pomangkoian in bayongan oaidan-Mu mita inta moḷoben bo mokoherang. Diábí in toḻindua in Tuhan in kon ḷangit ande kon butá inta ná Iko inta mokoaid kon inta motoyang.

ULANGAN 4:34

Dodai in onda in oyúon in ilah tobatú inta nobarani nogamá kon bangusa tobatú nongkon bangusa mita inta oyúon bodongka binaḻí umatnea tontaní, ná inta inaidan i Tuhan Allahmu kon inimu kon Mesir? Inontongdon monimu tontaní naonda in ki Allah takin ropot inta moḷoben nopoangoi in bodito bo parang, nomia kon inta mokoherang mita bo nomia kon soaḷ mita inta motoyang totok.

ULANGAN 5:24

Mosia noguman, ‘Ki Tuhan, Allah naton, ain nopoontong kon i naton in kamuliaan bo kawasa-Nea, bo singog-Nea aindon dinongog naton nongkon yuak in tuḷú. Singgai naa aindon inontong nami, ki Tuhan ain nongonguman takin intau bo intau tatua in umuranpa nobiag.

ULANGAN 7:19

Toropdon in bodito mita inta motoyang inta inontong monimu tontaní, soaḷ mita inta mokoherang, bo ropot inta moḷoben inta pinaké i Tuhan Allahmu sin mopoḷuat kon i monimu. Ná doman in popoaid i Tuhan Allahmu kon bayongan bangusa inta kinoondok monimu.

ULANGAN 8:19

Dika mokoḻiong kon i Tuhan Allahmu bo dika mayá kon ilah mita ibanea sin mosumba bo mogundoi kon i monia. Singgai in naa akuoi moponorop kon i monimu kon aka aidanpa doman monimu intua, yo notantú bidon kon yopúon i Tuhan in moiko.

ULANGAN 9:26

bo nosambayang nanaa: O Tuhan Inta Totok in Moḷantud, dikadon yopúon in umat kapunyaan-Mu tanaa, bangusa inta pinoḷuat-Mudon bo dinia-Mu iḻumuai nongkon Mesir takin ropot bo kawasa-Mu inta moḷoben.

YOSUA 24:31

Kon dodai in ki Yosua nobiagpa, umat in Israel umuranbí nogundoi kon i Tuhan. Bo naonda in sia minatoi mosia in umuranbí doman nogundoi kon i Tuhan kon dodai in kon sigad monia tua oyúonpa in itoi mita inta ain nokoontong tontaní kon bayongan in yagi-yagi inta ain pinomia i Tuhan kon umat in Israel.