ULANGAN 11:1 - Alkitab Singog In Mongondow Masa In Tanaa

¹ “Kotabibí in ki Tuhan Allahmu, bo umurandon duduiai in bayongan parenta-Nea.

ULANGAN 11:1 ပူးပေါင်းရင်းမြစ်များ

MAZMUR 105:45

sinbá umat-Nea tatua in motoindudui kon hukum-Nea mita bo dumudui kon parenta-Nea mita. Dayowdon in ki Tuhan!

MAZMUR 116:1

Akuoi in moibog kon i Tuhan, sin inindongogan-Nea in akuoi bo nonaridimai kon oigumku.

YEHEZKIEL 20:19

Akuoibí in ki Tuhan Allahmu. Duduiaidon in hukum mita bo parenta-Ku mita.

IMAMAT 18:30

Dá ki Tuhan noguman, “Duduiaidon in atorang mita inta inogoi-Ku bo dikadon dumayan kon dodia in intau mita inta nogutun kon butá in Kanaan wakutu in moiko diápa nogutun kon tua. Dika moponajis in awakmu tontaní takin momia kon oaid mita tatua. Akuoi ki Tuhan Allahmu.”

IMAMAT 22:9

Bayongan imang musti dumudui kon atorang mita inta inogoi-Ku. Aka diá dumudui, yo moitaḷádon in mosia bo matoi, popisí in noḷawangdon kon atorang mita inta motusi tatua. Akuoi in ki Tuhan, bo Akuoi naa inta ain nonantú kon i monia mobaḻí mogogundoi-Ku.

IMAMAT 8:35

Kon bonu in pitu nosinggai, singgai bo doḷom, moiko musti mogutun mako kon tayowon ngara in Ḷoḷaigan sin mogaid kon onu inta parentaan i Tuhan. Aka diá aidan monimu, yo matoi in moiko. Tuata in pinotaau i Tuhan kon inakó.”

ZAKHARIA 3:7

“Aka iko tumoḷutui kon hukum-Ku mita bo mopobayá in oaidan mita inta inogoi-Ku kon inimu, dá modapot in kon singgai moiduduimai iko umuran motaau mobaḻí itoi kon bonu in Baḷoi-Ku bo monompiamai kon palasnea. Akuoi in mokidongogbí kon sambayangmu mita, naonda bo Akuoi mokidongog kon sambayang in malaekat inta kon diug-Ku.

ULANGAN 10:12

“Tanaa, Utat mita, poḻimbonu kon gina onu in kinoibog i Tuhan Allahmu aidan monimu: Horomatbí in ki Tuhan Allahmu bo aidaidon in bayongan parenta-Nea. Kotabibí in Sia bo pooibada kon i-Nia takin kotompodon in gina bo ropotmu.

ULANGAN 11:13

Dá duduiaidon in parenta mita inta pinotaauku kon inimu singgai in naa; kotabibí in ki Tuhan Allahmu bo poibadadon kon i-Nia takin ḻimbatú in gina bo ropotmu.

ULANGAN 11:22

Pokosatiadon in dumudui kon bayongan hukum inta pinotaauku kon inimu: Kotabibí in ki Tuhan Allahmu, aidaidon in bayongan inta pinarenta-Nea kon inimu, bo tantúdon kosatia in moiko kon i-Nia.

ULANGAN 13:4

Intau ná tatua in musti hukumon matoi, sin moibog mopoḷaḻe in daḷan inta pinarenta i Tuhan Allahmu kon inimu. Sia tua in intaubí moraat sin mopotabá kon i monimu moḷawang kon i Tuhan Allahmu inta nopoḷuai kon i monimu nongkon Mesir, tampat pinononggataan kon i monimu. Dá sia tua in mustibí ḻimodon, sinbá onu inta moraat tatua daiton inggamáan. Táe moiko in mustibí umuran dumudui kon i Tuhan Allahmu bo mohoromat kon i-Nia; duduiai in Sia bo aidai in bayongan parenta-Nea. Umuran pokosatia bo pogundoi kon i-Nia.

ULANGAN 27:10

Tuamai duduiaidon in ki Tuhan Allahmu bo aidaidon in bayongan parenta-Nea inta pinotaauku kon inimu singgai naa.”

ULANGAN 30:6

Moiko bo buímu in ogoiandon in gina inta motoindudui, dá moiko in motabidon kon i Tuhan Allahmu takin ḻimbatú in ginamu sinbá umurandon mogutun kon butá tatua.

ULANGAN 4:1

Bo ki Musa noguman kon bangusa tatua, “Duduiaidon komintan in hukum inta tundúonku kon inimu, sinbá mobiag in moiko bo moiutun kon butá inta bain ogoi i Tuhan, Allah in mogoguyangmu, kon inimu.

ULANGAN 4:40

Duduiaidon in bayongan hukum inta inogoiku kon inimu singgai naa, dá moiko bo buímu in mobiag motompia bo umuran oyúon kon butá inta inogoi i Tuhan Allahmu nobaḻí kapunyaanmu mononoi.”

ULANGAN 4:5

Bayongan in hukum tatua sinundúku kon inimu ná inta pinarenta i Tuhan Allahku. Duduiaidon intua komintan kon butá inta bain tuotan bo ḻitúan monimu tua.

ULANGAN 5:1

Ki Musa in nosipun kon bayongan bangusa Israel, bo noguman kon i monia, “Utat mita, indongogai in hukum mita inta pinotaauku kon inimu singgai in naa. Balajardon in hukum mita tatua, bo duduiai koposatia.

ULANGAN 5:29

Tungkuḷaika aka mosia tua bo umuran natua in porasaan! Tungkuḷai aka mosia umuran mohoromat kon i-Nakó bo motoindudui kon bayongan in parenta-Ku, modapot in mosia bo buí monia umuran mobiag motompia!

ULANGAN 6:1

“Ki Tuhan Allahmu in nopotabá kon inakó motundú kon bayongan hukum tanaa kon inimu sinbá aidan monimu kon butá inta diádon moonggot bo bayáan monimu pogutunan.

ULANGAN 6:5

Kotabibí in ki Tuhan Allahmu takin bayongan ginamu: Poniata intua kon bonu in kobiaganmu bo oaidmu.