ULANGAN 10:9 - Alkitab Singog In Mongondow Masa In Tanaa

⁹ Tuamai suku in Lewi diá nokouḻí kon butá tonsilai ná suku mita ibanea, sin ki Tuhanbí tua in tonsilai warisan monia, ná inta pinoguman i Tuhan Allahmu kon i monia.)

ULANGAN 10:9 ပူးပေါင်းရင်းမြစ်များ

YEHEZKIEL 44:28

Imang mita in nogabat kon oaidan in imang tatua nobaḻí tonsilai kon i monia nongkon onu inta ogoi-Ku kon Israel modapot in adí bo ompu. Mosia in diábí motaau monongkapunyaan onuka kon Israel: Akuoibí naa in kapunyaan monia.

PINOGIAPAN 26:62

Ḷoḷaki mita inta nongkon suku i Lewi inta umur tobuḷan bo namonik kobayongnea in 23.000. Mosia iniap pinoyotontaní nongkon intau mita inta tobangusanea, sin mosia in diá nokouḻí kon butá tonsilai kon Israel.

OUMAN IN RASUL MITA 8:21

Diá motaau iko in dumudui mogaid takin nami, sin diá motuḻid in ginamu kon i Allah.

ULANGAN 12:12

Kosanangdon in gina kon tayowon i Tuhan Allahmu, takin adímu mita, bobantungmu mita bo intau mita in Lewi inta nogutun kon kotámu mita, sin intau mita in Lewi diá nokouḻí kon tonsilai kon butámu.

ULANGAN 14:27

Dika pomayá mako monimu in kobobiag in intau in Lewi inta nogutun kon kotámu mita; toropdon kon mosia tua in diábí kobutá tontaní.

ULANGAN 14:29

Kaanon tatua in ogoibí kon intau in Lewi sin mosia in diá kobutá, bo kon intau ango-angoi, adí uno-unon bo inta dongka boba-bobay inta nobiag kon kotámu mita. Mosia in motaaubí in mamangoi mogamá kon bayongan inta paraḷuon monia. Aka aidan monimu in natua, dá ki Tuhan Allahmu in momarakatbí kon bayongan onu inta inaidanmu.”

YOSUA 14:3

Butá kon dotá in pomukaan kon Ongkag in Yordan ain inogoi i Musa kon doyowa bo tongobotak in suku bangusa ibanea tua. (Paraḷu paison kon naa kon buí i Yusup nosilai doyowa nosuku: Suku Manasye bo Suku Epraim.) Aka soaḷ suku in Lewi, diábí in butá in inogoi i Musa kon i monia. Mosia in tongábí inogoian in kotá mita sin pogutunan, takin doman tampat popokaanan kon bayongan bobiagon sapi bo domba monia.