ULANGAN 1:6 - Alkitab Singog In Mongondow Masa In Tanaa

⁶ “Kon dodai in kita kon Buḷud in Sinai, ki Tuhan Allah naton in noguman, ‘Noonggotdon in moiko nogutun kon buḷud tanaa.

ULANGAN 1:6 ပူးပေါင်းရင်းမြစ်များ

IḶUAIAN 17:6

Akuoi in simindog kon tayowonmu kon tudu in batu moḷoben tobatú kon Buḷud in Sinai. Porotdon in batu tatua, dá tubig in ḷumuai bo intau mita motaaudon monginum.” Inaidan i Musa in natua koonto-ontong in itoi mita Israel.

IḶUAIAN 3:1

Kon dodai intua ki Musa noḷukadmai kon domba bo bembé mita i Yitro, ki nunutonnea, inta imang kon butá in Midian. Kon dodai in sia koyogot nodia kon bobiagon mita tatua minayá kon ḻimako in padang gurun, nodapotdon in sia kon Buḷud in Sinai, buḷud inta motusi.

PINOGIAPAN 9:22

Kon bonu in goḷom tatua kon tombutungpa in Ḷoḷaigan i Tuhan, pinomayá doyowa nosinggai, tobuḷan, totaong, andeka moiḻiu, dá natua doman in koonggotnea in mosia mogutun kon tampat tatua. Aka goḷom tatua mamonik, bain tua mosia bo mobuat.

ULANGAN 1:5

Dá, kon dotá in pomukaan kon Yordan kon butá in Moab, ki Musa nomangkoi muna noginsilang kon hukum bo parenta mita i Tuhan. Guman i Musa,

ULANGAN 18:16

Kon singgai moiko noyosipun kon Buḷud in Sinai, moiko mopoigum sinbá moiko dikadon mokodongog kon i Tuhan Allahmu mosingog bo diádon mokoontong kon koangoian-Nea kon bonu in tuḷú inta kodoko-dokot, sin moiko moondok in matoi.

ULANGAN 5:2

Kon Buḷud in Sinai ki Tuhan Allah naton in nomia kon dodandian tobatú,

ULANGAN 9:8

Ondapa doman inta kon Buḷud in Sinai pinoyaat totok monimu in gina i Tuhan, nodapot in Sia moyopúdon kon i monimu.