ULANGAN 1:3 - Alkitab Singog In Mongondow Masa In Tanaa

³ Kon singgai noginmitá kon buḷan mopuḷú bo mita kon taong noginggopat nopuḷú naonda in mosia nonaḷámai kon Mesir, ki Musa nopotaau kon bangusa tatua in bayongan inta pinoki potaau i Tuhan kon monia.

ULANGAN 1:3 ပူးပေါင်းရင်းမြစ်များ

IMAMAT 27:34

Tuata in parenta mita inta inogoi i Tuhan kon tudu in Buḷud Sinai kon i Musa sin ogoi kon bangusa Israel.

PINOGIAPAN 1:1

Kon singgai imitánea buḷan nogindua kon taong nogindua naonda in bangusa Israel nonaḷámai kon Mesir, ki Tuhan noguman kon i Musa kon bonu in Ḷoḷaigan i Tuhan kon padang gurun Sinai. Kai-Nia,

PINOGIAPAN 20:1

Kon buḷan imitánea bayongan umat Israel nodapot kon padang gurun Zin bo nogutun notantú kon Kades. Ki Miryam minatoi bo iḷobong kon tua.

PINOGIAPAN 33:38

Podudui in parenta i Tuhan, ki Imang Harun notakod kon Buḷud in Hor. Kon tua minatoi in sia kon singgai imitánea buḷan noginḻima kon taong noginggopat nopuḷú naonda in umat Israel nonaḷámai kon Mesir. Umur i Harun kon dodai in minatoi in 123 notaong.

YOSUA 4:19

Umat in Israel nodapot kon ḷoḷan Ongkag in Yordan bo kon singgai noginpuḷú buḷan imitánea, bo mosia nononḷoḷaigan kon Gilgal kon dotá in pomukaan kon Yerikho.