ULANGAN 1:2 - Alkitab Singog In Mongondow Masa In Tanaa

² Nongkon Buḷud in Sinai nodapot in Kades-Barnea noitaḻib in butá inta kon buḷud in Edom, mopuḷú bomitá nosinggai in bayáan.)

ULANGAN 1:2 ပူးပေါင်းရင်းမြစ်များ

KINOBAḺIAN 32:3

Nopaḷut mako kon tua ki Yakub nopotabá kon tongonumai in totabá minayá inumuna kon inia minayá in butá Edom sin mokipodungkuḷ kon i Esau, ki guya-guyangnea.

IḶUAIAN 17:6

Akuoi in simindog kon tayowonmu kon tudu in batu moḷoben tobatú kon Buḷud in Sinai. Porotdon in batu tatua, dá tubig in ḷumuai bo intau mita motaaudon monginum.” Inaidan i Musa in natua koonto-ontong in itoi mita Israel.

IḶUAIAN 3:1

Kon dodai intua ki Musa noḷukadmai kon domba bo bembé mita i Yitro, ki nunutonnea, inta imang kon butá in Midian. Kon dodai in sia koyogot nodia kon bobiagon mita tatua minayá kon ḻimako in padang gurun, nodapotdon in sia kon Buḷud in Sinai, buḷud inta motusi.

IMAMAT 2:14

Aka moiko moposumba kon i Tuhan in gandum inta muna kinoyut monimu, yo diádon in gandum nobagu inta ain dinodok kino aḷus ande inta ain inangag.

IMAMAT 9:23

Onda intua ki Musa bo ki Harun sinumuot kon bonu in Ḷoḷaigan i Tuhan. Nopaḷut mako kon tua mosia iḻumuai bo nomarakat kon umat. Bo bayongan umat Israel nokoontong kon sindar kinoangoian i Tuhan.

PINOGIAPAN 13:26

bo nopotaau kon i Musa, kon i Harun bo kon bayongan umat in Israel inta noyosipunmai kon Kades, kon padang gurun Paran. Inouman monia onu inta inontong bo pinoontong doman monia in bungai mita in kayu inta dinia monia.

PINOGIAPAN 32:8

Ki amá mita monimu nomia doman naníon, kon tungkuḷ in mosia pinotabáku nongkon Kades-Barnea sin mayá moḻibu kon butá tatua.

ULANGAN 1:19

“Bo pinodudui kon parenta i Tuhan Allah naton, kita in monaḷámai kon Buḷud in Sinai bo mayá mongin padang gurun inta mobendar bo motoyang mopobayá ná buḷud mita in intau Amori. Kon dodai in kita modapot kon Kades-Barnea,

ULANGAN 1:44

Bo intau in Amori inta nogutun kon buḷud tatua iḻumuai bo nomarang kon i monimu. Nobarong totok in mosia, naonda bo paanan in pasukan. Mosia nondudur kon i monimu nodapot in Horma, bo sinaḷow monia in moiko kon buḷud in Edom.

ULANGAN 2:1

Pangabisannea kita in nobui kon padang gurun nongin daḷan inta nopobayá ná Teluk in Akaba, ná inta pinarenta i Tuhan. Noonggot in kita nodondaḷoi kon buḷud in Edom.

ULANGAN 2:4

Onda intua ki Tuhan nopotabá kon inakó mobogoi in totundú mita tanaa kon inimu, ‘Diádon moonggot bo moiko in tumuot kon butá in Edom, butá i utatmu mita, buí i Esau. Mosia in motoguondokbí kon inimu,

ULANGAN 2:8

Onda intua kita nongingguputdon kon binayáan, nonaḷámai kon daḷan inta moitaḻib kon kotá mita in Elat bo Ezion-Geber nopobayá ná Laut Mati, bo nomurow nopobayá ná timur laut mopobayá in Gurun Moab.

ULANGAN 9:23

Bo kon dodai in moiko pinotabá i Tuhan monaḷámai kon Kades-Barnea sin mayá bo ḻimitú kon butá inta bain ogoi-Nea kon inimu, moiko noḷawang kon parenta i Tuhan Allahmu; moiko doí mopirisaya ande motoindudui kon i-Nia.

YOSUA 14:6

Kon singgai tobatú intau mita nongkon suku Yohuda namangoi kon i Yosua kon Gilgal. Intau tobatú nongkon sigad monia inta ki Kaleb adí i Yepune intau in Kenas, in noguman, “Yosua! Iko in nonotaaubí kon onu in pinoguman i Tuhan kon i Musa, totabá i Allah tua, kon Kades-Barnea soaḷ iko bo akuoi.