ULANGAN 1:1 - Alkitab Singog In Mongondow Masa In Tanaa

¹ Buk in tanaa tombonunea in tosingogon mita inta pinotaau i Musa kon bangusa Israel kon dodai in mosia kon padang gurun kon Ḷopá in Yordan. Ḷopá tatua in kon dotá in pomukaan kon Ongkag in Yordan, kon diug in kotá in Sup, kon sigad in kotá in Paran kon pihak tobatú, bo kon kotá mita in Topel, Laban, Hazerot bo Di-Zahab kon pihak ibanea. (

ULANGAN 1:1 ပူးပေါင်းရင်းမြစ်များ

KINOBAḺIAN 21:21

Sia in pinopobuḷoi i inánea takin bobay in Mesir.

DATU MITA IMITÁNEA 11:18

Mosia in nobuat nongkon Midian, bo minayá kon Paran. Kon tua tongonumai in intau ibanea dinumugang kon i monia, bo noyotakin minayá in Mesir nokipodungkuḷ kon i datu in Mesir. Ki datu tatua nobogoi kon i Hadad in baḷoi bo butá sin pogutunannea bo jaminan in kobiagan.

HABAKUK 3:3

Iko in ki Allah Inta Totok in motusi namangoi nongkon Téman, Iko in namangoi nongkon buḷud in Paran. Ḷangit kinokoḷoban in koagung-Mu; butá nopuḻing in dodayow kon ini-Mu.

PINOGIAPAN 10:12

Bo intau Israel moyo-moyodudui in mayá monaḷámai kon padang gurun Sinai, bo goḷom tatua nogogai kon dodai in mosia modapotdon kon padang gurun Paran.

PINOGIAPAN 11:35

Nongkon tua in bangusa tatua nomamping kon butá in Hazerot, bo nononḷoḷaigan kon tampat tatua.

PINOGIAPAN 12:16

Onda intua mosia nonaḷámai kon Hazerot bo nogaid kon ḷoḷaigan kon padang gurun Paran.

PINOGIAPAN 13:26

bo nopotaau kon i Musa, kon i Harun bo kon bayongan umat in Israel inta noyosipunmai kon Kades, kon padang gurun Paran. Inouman monia onu inta inontong bo pinoontong doman monia in bungai mita in kayu inta dinia monia.

PINOGIAPAN 13:3

Podudui in parenta i Allah tatua, ki Musa nopotabá kon i monia nongkon padang gurun Paran. Bayongan intau inta pinotabá tua in itoi mita kon sigad intau Israel: Suku Itoi Ruben Syamua adí i Zakur Simeon Sapat adí i Hori Yohuda Kaleb adí i Yepune Isakhar Yigal adí i Yusup Epraim Hosea adí i Nun Benyamin Palti adí i Rapu Zebulon Gadiel adí i Sodi Manasye Gadi adí i Susi Dan Amiel adí i Gemali Asyer Setur adí i Mikhael Naptali Nahbi adí i Wopsi Gad Guel adí i Makhi

PINOGIAPAN 32:19

Kami in doíbí motarima kon topiḻikmai nongkon butá monia inta kon ḷoḷan Ongkag in Yordan, sin kami ain notarima kon tonsilai nami kon naa, kon dotá in pomukaan kon Ongkag in Yordan.”

PINOGIAPAN 32:32

Kon bonu in tongganut i Tuhan kami in ḷumoḷanbí mayá in butá in Kanaan bo mayá moparang, táe igumondon nami in butá kon dotá in pomukaan kon Ongkag in Yordan naa umuran mobaḻí kapunyaan nami.”

PINOGIAPAN 32:5

dá kami mopoigum sinbá kon inamidon in butá tanaa mobaḻí tonsilai nami. Donaaidon kaasí potabá in kami mayá in ḷoḷan Ongkag in Yordan.”

PINOGIAPAN 34:15

Butá tonsilai monia tatua kon dotá in pomukaan kon Ongkag in Yordan, kon diug in kotá in Yerikho.”

PINOGIAPAN 35:14

toḷu in kon dotá in pomukaan kon Ongkag in Yordan bo toḷu doman in kon butá in Kanaan.

ULANGAN 2:8

Onda intua kita nongingguputdon kon binayáan, nonaḷámai kon daḷan inta moitaḻib kon kotá mita in Elat bo Ezion-Geber nopobayá ná Laut Mati, bo nomurow nopobayá ná timur laut mopobayá in Gurun Moab.

ULANGAN 27:1

Onda intua moyotakin in itoi mita in Israel, ki Musa nopotaau in koyow tanaa kon bangusa tatua, “Duduiaidon bayongan in parenta inta pinotaauku kon inimu singgai naa.

ULANGAN 29:1

Naadon in tosingogon mita in dodandian inta pinodoyon kon parenta i Tuhan pinomia i Musa takin bangusa Israel kon dodai in mosia kon butá in Moab. Dodandian tatua in nobaḻí indugang in dodandian inta pinomia i Tuhan takin i monia kon Buḷud in Sinai.

ULANGAN 31:1

Ki Musa buipa doman nosingog kon bangusa Israel,

ULANGAN 33:2

“Ki Tuhan namangoi nongkon Buḷud in Sinai; Sia nomuká kon tudu in Edom naonda bo mata in singgai bo nongkon Buḷud in Paran sia nonimbayag kon umat-Nea. Sia sinakinan in mopuḷú noribu in malaekat; tuḷú nodokot kon dotá in koḷanan-Nea.

ULANGAN 5:1

Ki Musa in nosipun kon bayongan bangusa Israel, bo noguman kon i monia, “Utat mita, indongogai in hukum mita inta pinotaauku kon inimu singgai in naa. Balajardon in hukum mita tatua, bo duduiai koposatia.

YOSUA 22:4

Dá podudui in dandi-Nea, ki Tuhan Allahmu ain nobogoi in kobiagan notompia kon i utatmu mita, intau in Israel ibanea. Dá, pobuidon in tanaa mako kon butámu tontaní kon dotá in pomukaan kon Ongkag in Yordan tatua inta inogoi i Musa kon inimu koḻipod.

YOSUA 3:16

dá kon dodaipa doman tuata torú in tubig tatua nobontow. Nongkon uḷuan in tubig noyayú in kinosipunan tubig, tubig nosipun kon Adam, kon kotá tobatú inta kon ḻimako in kotá in Sartan. Tubig inta kon sioḷan inta noiḻig ná Laut Mati nobontowdon, dá umat in Israel iḷumoḷandon kon butá noingkag noyogintayowan in kotá in Yerikho. Imang mita inta nomotaan kon Poti Dodandian tatua umuranpabí sinimindog mako kon yua-yuak in ongkag tatua nodapot in bayongan umat in Israel noiḷoḷandon komintan.

YOSUA 9:1

Habar kinountungan in Israel noihabardon magí-mako noidapot kon bayongan in datu inta kon dotá in toyopan kon Ongkag in Yordan – kon buḷud, kon sipangkoion in buḷud, bo kon rata inta kinoouput in pintad in Dagat Toyuak nodapot in kinoyoyayú in Buḷud in Libanon kon dotá in Utuan; tuata in datu mita in Het, Amori, Kanaan, Peris, Hewi, bo Yebus.

YOSUA 9:10

bo onu inta pinomia-Nea kon i datu in intau in Amori doyowa kon dotá in pomukaan kon Yordan, inta ki Sihon datu in Hesybon bo ki Og datu in Basan inta nogutun kon Asytarot.

SAMUEL 1 25:1

Diá noonggot kon tua minatoi in ki Samuel. Bayongan intau in Israel noyosipun sin tumakin kon upacara pinonogumatoian. Onda intua iḷobongdon in sia kon baḷoinea kon Rama. Nopaḷut mako kon tua ki Daud minayá in padang gurun Paran.