TIMOTIUS 2 4:5 - Alkitab Singog In Mongondow Masa In Tanaa

⁵ Manangka intua uḻe kawasaai in ginamu, onukabí in mobaḻí. Mokoposabar aka koantugan in yoyiga, umurai aidai in oaidanmu saḷaku intau inta mopopotaau in Habar Mopia tatua. Kopirabí totok in mogaid kon oaidan inta ain inogoi i Tuhan kon inimu.

TIMOTIUS 2 4:5 ပူးပေါင်းရင်းမြစ်များ

YESAYA 62:6

Kon dinding in Yerusalem Akuoi monampat kon moḷoḷukad; singgai doḷom mosia in diábí motaau in tongá kibio-biómai, táe mustibí umuran moponorop kon i Allah kon dandi inta ain pinomia-Nea.

YEREMIA 6:17

Bo ki Tuhan in nopobui-buimaidon in noduí kon moḷoḷukad mita sin mopotoingat kon i monia sinbá mokidongog kon singog in torompet saḷaku tomponuot. Táe umat in noguman, “Kami in doíbí mokidongog.”

YEHEZKIEL 3:17

“Ei intau ilo-ilow, iko in duíon-Ku mobaḻí moḷoḷukad in bangusa in Israel. Poyaputdon kon i monia in tompoingat inta inogoi-Ku tanaa.

YEHEZKIEL 33:2

“Ei intau ilo-ilow, pogumandon kon bangusamu kon aka Akuoi in mopoangoidon in parang kon ḻipú tobatú, naa in inta mobaḻí. Intau mita inta nogutun kon butá tatua in momiḻíbí kon intau tobatú kon sigad monia mobaḻí moḷoḷukad.

YEHEZKIEL 33:7

Ei intau ilo-ilow, iko in dinuí-Ku moḷoḷukad in bangusa Israel. Potaaudon kon i monia in tompoingat tanaa:

MATIUS 25:16

Simpaḷ inta notarima kon ḻima noribu tua minayá, bo nopobaraguna in doit inta inogoi tatua dá nokouḻí in sia kon ḻima doman noribu bui.

MARKUS 13:34

Kaadaannea in ibarat tobatú intau inta nonaḷámai kon baḷoinea bo minayá in tampat moyayú. Sia nopotabá in bobantungnea mita noḷukad kon baḷoinea bodongka nosilai kon oaidan kon i monia kon batúannea. Bo sia in nongoyow kon intau inta pinoki ḷukadan in ngara sinbá umuran moḷukad mokopopia.

MARKUS 13:37

Onu in poguman-Ku kon i monimu tanaa, poguman-Ku doman kon bayongan intau: umuran kiḷuka-ḷukadmai!”

LUKAS 12:37

Momujur totok in bobantung mita inta kinotambakanmai i tuangnea umuran mogoḷat mako kon koangoian i tuangnea tatua. Pirisayabí: ki tuang tatua in baḷúbí mobasadia bo moguman kon bobantungnea mita tatua ḻimitú, bo siapa tontaní in mobantung kon i monia.

OUMAN IN RASUL MITA 21:8

Nopoikoḷomai kon singgai kami in nobuat nongkon tua bo minayá in Kaisarea. Kami minayá in baḷoi i Pilipus. Ki Pilipus naa in intau inta mopopoyaput doman in Habar Mopia. Sia in noidugang kon dumodudui pitu inta piniḻí kon Yerusalem. Kami in nogutunpa kon baḷoinea.

SURAT I PAULUS KON JAMAAT RUM 15:19

inta mokoherang totok kon intau bo diá in poporupaan. Tua mita in nobaḻí sin kawasa in Roho i Allah. Habar Mopia soaḷ ki Kristus aindon pinohabarku komintan kon intau mita, pinangkoipamai kon Yerusalem nodapot in Ilirikum.

EPESUS 4:11

Sia doman tua inta nobogoi in rasul, nabi bo intau mita inta mopoyaput in Habar Mopia, gombala bo guru mita.

EPESUS 4:12

Mosia naa in inogoi i Allah sinbá umat i Allah tokotompiaan sinbá mosia in motaau mogaid kon oaidan i Tuhan bo moduḷu moposindog in awak i Kristus.

KOLOSE 1:25

Akuoi in binaḻí i Allah mogogaid-Nea sin kopontingan monimu saḷaku jamaat-Nea. Akuoi in mustibí mopoyaput in bayongan habar nongkon i Allah,

KOLOSE 4:17

Bo potaaudon kon i Arkhipus in naa, “Iḷapataidon kopiraan in oaidan inta pinoki aid i Tuhan kon inimu sin mobantung kon i Tuhan.”

TESALONIKA 1 5:6

Tuamai kita in donaai tongá umuran mosiug mako ná intau mita ibanea, táe umuran koratakon in raian bo tantú kiḷuka-ḷukadmai.

TIMOTIUS 1 4:12

Mokopoingat sinbá diá in tobatúmai intau in mopandang enteng kon inimu popisí in iko noguodpa. Táe poramujidon sinbá iko in umuran mobaḻí contoh bo doduduianmai kon soaḷ inta mopia i intau mita inta mopirisaya, pinangkoi kon pososingog, oaid bo kon soaḷ kototabimu kon tumpaḷa intau bo kopopirisayamu kon i Kristus Yesus takin kobobiagmu inta motompia.

TIMOTIUS 1 4:15

Tarukira intua komintan bo totu-totuu aidan intua sinbá koontongandon intau in komajuan oaidanmu.

TIMOTIUS 2 1:8

Manangka intua dikabí moondok in mopotaau bo moguman kon onu inta inaidan i Tuhan naton. Dika doman mooyá, sin akuoi in pinobonu kon ponjara popisíbí in mopirisaya kon i-Nia, táe pakébí in ropot inta inogoi i Allah motanggung moyotakin kon roriga sin mopoyaput in Habar Mopia tatua.

TIMOTIUS 2 2:10

Tuamai akuoi in notababí in notanggung kon tua komintan lantaran kopontingan in intau mita inta ain piniḻí i Allah, sinbá mosia in mokouḻí doman kon kasaḷamatan inta inaidan i Kristus Yesus bo takin kamuliaan inta mononoi.

TIMOTIUS 2 2:3

Iko in musti moyotakin rumoriga saḷaku tontara i Kristus inta motoindudui.

TIMOTIUS 2 4:17

Táe akuoi in umuranbí iḷukadan i Tuhan; bo inogoian-Neadon in ropot in akuoi sahingga in nokosanggupdon nopoyaput in Habar Mopia tatua, sinbá kodongogan domandon in bayongan intau inta deeman Yahudi, sahingga in akuoi noipilatdon nongkon onu inta mokobodito kon inakó.

IBRANI 13:17

Duduiaibí onu in pinarenta in itoi mita monimu bo kodu-kodudui doman kon i monia. Sin mosia in umuran monarukira mako kon kobiaganmu bo mustibí in mosia motanggung jawab kon i Allah. Aka moiko bo motoindudui kon i monia, dá mosanangbí in gina monia in mogaid, táe aka diá yo monakit in gina monia in mogaid, bo tua in diábí mobogoi in kauntungan kon i monimu.

PETRUS 1 1:13

Tuamai moiko in musti umuran mobasadia. Pokoingat bo totu-totuu poharap kon barakat inta bain ogoi kon i monimu kon wakutu in ki Yesus Kristus mamangoi bui.

WAHYU 3:2

Manangka intua pobangondon bo irigonai onu inta oyúonpa kon i monimu kon dodai in tua komintan diápa matoi. Sin diápa tobatúmai nouḻí-Ku in inaidan monimu inta nosompurna kon tayowon i Allah.