TIMOTIUS 2 4:20 - Alkitab Singog In Mongondow Masa In Tanaa

²⁰ Masai naa ki Erastus in nogutundon kon Korintus, bo ki Tropimus in sinaḷáankudon kon Miletus sin notakit.

TIMOTIUS 2 4:20 ပူးပေါင်းရင်းမြစ်များ

OUMAN IN RASUL MITA 18:1

Onda intua ki Paulus in nonaḷámaidon kon Atena bo minayá in Korintus.

OUMAN IN RASUL MITA 18:8

Táe ki Krispus, itoi in baḷoi pososambayangan bo takin bayongan ginaḷumnea mita, komintan nopirisaya kon i Tuhan Yesus. Bo nobayong doman in intau mita in Korintus ibanea in nokodongog kon habar inta pinotaau i Paulus in nobaḻí nopirisaya kon i Yesus poḷat binaptis.

OUMAN IN RASUL MITA 19:22

Dá muna in sia nopotabá kon simpaḷnea doyowa, ki Timotius bo ki Erastus umuna kon inia mayá in Makedonia, sin sia in mogutunpa tongonumai nosinggai kon Asia.

OUMAN IN RASUL MITA 20:15

Nongkon tua in kami iḷumeagdon bui, bo nopoikoḷomai kon singgai kami in noiyaputdon in tampat inta noyogintayowanmai in pulau Khios. Nopotoumámai kon singgai kami in noidapotdon in Samos bo singgai noiduduimai kami in noiyaputdon kon Miletus.

OUMAN IN RASUL MITA 20:17

Wakutu in sia kon Miletuspa, sia in nopotabádon in intau tobatú minayá in Epesus moguman sinbá bayongan in intau inta ain binaḻí itoi kon jamaat tatua mamangoi in Miletus mokipodungkuḷ kon inia.

OUMAN IN RASUL MITA 20:4

Sia in sinakinan i Sopater, ki adí i Pirus intau in Berea, bo i Aristarkhus, bo i Sekundus intau in Tesalonika, bo i Gayus intau in Derbe. Ki Timotius, ki Tikhikus bo ki Tropimus doman takin intau mita inta nongkon Asia.

OUMAN IN RASUL MITA 21:29

Mosia in nosingog natua sin mosia ain nokoontong kon i Tropimus intau in Epesus tatua kon kotá noyotakin i Paulus, bo kai monia kamai in diniabí i Paulus in intau tatua sinumuot kon Baḷoi Tuhan tatua.)

SURAT I PAULUS KON JAMAAT RUM 16:23

Ki Gayus nopoyaput doman in salam kon i monimu. Akuoi in nongandupa kon baḷoinea, bo jamaat nami nongandupa doman noibada kon tua. Ki Erastus, tobatú itoi in mokokadai kon doit kon kotá nokipoyaput doman in salamnea kon i monimu. Ná doman tua in ki Kwartus, ki utat naton. [