TIMOTIUS 2 4:13 - Alkitab Singog In Mongondow Masa In Tanaa

¹³ Aka iko in mamangoi yo diápa in mantelku inta sinaḷáanku kon baḷoi i Karpus kon Troas, poyodiapa doman in buk mita, muna-munamai in buk mita inta pinomia nongkon karatas kuḻit.

TIMOTIUS 2 4:13 ပူးပေါင်းရင်းမြစ်များ

MATIUS 5:40

Bo kon intau inta moibog mopongadu kon inimu kon hakim, sin sia moibog in ḷambungmu, yo ogoidon doman in jubahmu.

OUMAN IN RASUL MITA 16:11

Dá kami in sinumakoidon kon uangga nongkon Troas minayá in Samotrake, bain nopoikoḷomai kon singgai bo minayá in Neapolis.

OUMAN IN RASUL MITA 16:8

Dá sinumurus kon Misia bo baya-bayá in Troas.

OUMAN IN RASUL MITA 20:38

Nokuyang totok in gina monia sin mosia ain nokodongog kon singog i Paulus kon diá bidon bui moyodungkuḷnea in mosia komintan. Bo inatodon monia in sia nodapot in kapaḷ inta takoiannea.

KORINTUS 1 4:11

Umaai in naa umuranpabí in kami gogoyon bo moyogang in bayongan yagi-yagi; ḷambung dongkadon kon awak bo rorigaanpa doman in intau; bo diá doman kotampat pogutunan;

KORINTUS 2 11:27

Rumopot totok in akuoi in mogaid, dá mokakit in diádon mokoposiug, diádon mokopongaan, diádon mokoponginum, bo mokakit domandon in monahang tonow sin diádon koḷambu-ḷambung pakéon bo diá domandon in baḷoi pogutunan.