TIMOTIUS 2 4:11 - Alkitab Singog In Mongondow Masa In Tanaa

¹¹ Dongkadon ki Lukas in kotaki-takinku naa. Tuamai andupdon in ki Markus bo dia mangoi kon naa sin sia in motaau pokituḷunganku pokiaidan in oaidanku tanaa.

TIMOTIUS 2 4:11 ပူးပေါင်းရင်းမြစ်များ

HOSEA 14:4

Asyur in diábí mokoposaḷamat kon inami, bo kabaḷo in parang diábí mokotuḷung kon inami. Kami in diá bidon moguman kon patong mita inta pinomia nami tontaní kon mosia in ki Allah nami. O Tuhan, Iko in notabi kon intau mita inta diá in ibanea mako inta motaau pongata monia.”

MATIUS 19:30

Táe moantó in intau inta noiuna in mobaḻí moitontumi, bo inta noitontumi mobaḻí moiuna.”

MATIUS 20:16

Bo ki Yesus in noguman, “Natuabí in mobaḻí, intau inta noitontumi mobaḻí moiuna bo intau inta noiuna in mobaḻí moitontumi.”

LUKAS 13:30

Bo totuubí kon oyúon intau inta noitontumi, mobaḻí moiuna totok, bo intau inta noiuna totok mobaḻí moitontumi.”

OUMAN IN RASUL MITA 12:12

Bo naonda in kinomangaḻeanneadon intua komintan, sia in minayá in baḷoi Maria, ki iná i Yohanes inta dinonoi ki Markus. Kon tua mobarong totok intau in noyosipun bo mosambayang.

OUMAN IN RASUL MITA 12:25

Naonda in nopaḷutdon in oaidan i Barnabas bo i Saulus, mosia in nobuidon nongkon Yerusalem bo nodia kon i Yohanes Markus noyotakin i monia.

OUMAN IN RASUL MITA 15:37

Ki Barnabas in moibog doman modia kon i Yohanes inta donoionmai ki Markus,

OUMAN IN RASUL MITA 15:39

Dá taya dua noginggabatanmai in singog, sahingga noyotangadon taya dua tua: Ki Yohanes inta dinonoi ki Markus tantúbí dinia i Barnabas sinumakoi kon uangga bo minayá in Siprus.

OUMAN IN RASUL MITA 16:10

Naonda in nokouḻí kon oontongon tatua, baya-bayá nobasadia in kami sin mayá in Makedonia. Sin nopirisayabí totok in kami kon ki Allahbí in nopotabá kon inami mayá intua mopoyaput in Habar Mopia kon bayongan in intau kon tua.

KOLOSE 4:10

Ki Aristarkhus inta noyotakinku kon bonu in ponjara nokipoyaput in salam kon i monimu. Ná doman tua in ki Markus inta pokuadíon i Barnabas. Soaḷ ki Markus naa, aindon pinongoyow kon i monimu kon tarimadon in sia aka mamangoi kon i monimu.

KOLOSE 4:14

Ki dokter Lukas inta kinotabi naton, bo ki Demas nokipoyaput doman in salam kon i monimu.

TIMOTIUS 2 1:15

Bá kotaauanmu kon bayongan intau inta kon Asia Kecil ain nonaḷámai kon inakó. Umpaka ki Pigelus bo ki Hermogenes.

TIMOTIUS 2 2:21

Intau inta monaḷámaidon kon bayongan inta moraat kon inia, yo sia tua in pakéon pogaid kon oaidan inta mopia totok. Dongkadon ki tuangnea in ki togi kon inia bo mobaraguna domandon in sia kon i tuangnea. Sia in sinadiadon sin pakéon kon bayongan oaidan inta mopia.

PILEMON 1:24

Bo tarimadon doman in salam nongkon yobayat mita topogaidanku, ki Markus, ki Aristarkhus, ki Demas bo ki Lukas.

PETRUS 1 5:13

Yobayat mita tojamaatan takinku kon Babilon, inta ain piniḻí doman i Allah, nokipoyaput in salam kon i monimu; natua doman in ki Markus ki adíku inta kinotabiku.