TIMOTIUS 2 4:10 - Alkitab Singog In Mongondow Masa In Tanaa

¹⁰ sin ki Demas ain nonaḷámai kon inakó sin moḷobe-ḷobenbí in tabinea kon in dunia. Sia ain minayá in Tesalonika, ki Krekes minayá in Galatia, yo ki Titus in minayádon in Dalmatia.

TIMOTIUS 2 4:10 ပူးပေါင်းရင်းမြစ်များ

MATIUS 12:32

Bo aka intau mosingog kon pomaḷawang kon Adí Intau, sia in ampunganpabí, táe aka sia bo momaḷawang kon Roho i Allah, yo sia in diábí motaau ampungan in tanaa mako andeka kon aherat!”

MATIUS 26:56

Táe totuu kon tua in mustibí mobaḻí sinbá motompodon onu inta aindon pinais kon bonu in buk nabi mita.” Kon tua dumodudui-Nea noḷagui komintan nonaḷámai kon i-Nia.

LUKAS 14:33

Natua doman in moiko komintan. Diábí tobatúmai in kon sigad monimu inta motaau mobaḻí dumodudui-Ku aka moiko bo diá mokotaḷá kon kapunyaanmu.”

LUKAS 16:13

Simpaḷ tobatú in diábí motaau in monontuang kon doyowa. Sin aka natua, tobatú in saturuonnea yo tobatú in kotabinea. Andeka tongábí tobatú in duduiannea, yo tobatú in diábí indongogannea. Natua doman in moiko. Aka moiko bo mopirisayadon kon i Allah yo donaai bidon moibog mokidongog kon onu inta indunia naa.”

LUKAS 17:32

Toropdon onu inta ain nobaḻí kon i buḷoi Lot!

OUMAN IN RASUL MITA 13:13

Ki Paulus bo yobayatnea mita, nongkon Papos sinumakoi kon uangga bo minayá in Perga inta kon Pampilia. Kon tua ki Yohanes Markus nonaḷámaidon kon i monia bo nobui kon Yerusalem.

OUMAN IN RASUL MITA 15:38

táe irasa i Paulus kon diá mopia in modia kon i Markus inta doí mogaid moyotakin bo nonaḷámai kon i monia kon Pampilia.

OUMAN IN RASUL MITA 16:6

Ki Paulus bo ki Silas in diá inogoi in Roho i Allah mopoyaput in Habar Mopia kon propinsi Asia. Dá mosia in nopobayádon kon daerah in Prigia bo Galatia.

OUMAN IN RASUL MITA 17:1

Ki Paulus bo ki Silas nopobayá in Tesalonika nogingguput kon bobayáan monia. Mosia in nongin Ampipolis bo Apolonia. Kon tua oyúon in baḷoi pososambayangan intau Yahudi.

OUMAN IN RASUL MITA 17:11

Intau mita in Yahudi kon Berea mopia-pia nongkon intau mita in Yahudi kon Tesalonika. Takin sanang gina mosia in mokidongog kon habar soaḷ ki Yesus, bo pomuḷoi in singgai mosia inumuran mobaca kon Buk Motusi sin monarukira mongo totuu in sinundú i Paulus kon i monia tua.

OUMAN IN RASUL MITA 17:13

Dá naonda in dinongog in bayongan intau Yahudi inta nogutun kon Tesalonika kon ki Paulus in nopoyaput domandon in Habar Mopia kon Berea, intau mita in Yahudi tatua namangoi domandon intua, nohasut bo nopoyaying in gina in bayongan intau kon tua.

OUMAN IN RASUL MITA 18:23

Naonda in nogutun tongonumai nosinggai kon tua, sia in minayá doman in bayongan ḻipú kon Galatia bo Prigia noginrigon kon pirisaya in intau mita inta mopirisaya kon i Tuhan kon tua.

KORINTUS 2 2:13

Táe mogagawang totok in ginaku sin diápa noyodungkuḷ i utat naton ki Titus in akuoi. Tuamai akuoi nogumandon kon intau mita kon tua bo akuoi nopobayádon in Makedonia.

KORINTUS 2 7:6

Tongá sukur mako, sin ki Allah in tantú nobogoi in gina moropot kon intau inta moompá in dodia; bo pinopoangoi-Nea in ki Kristus, sinbá mosanang totok in gina nami.

KORINTUS 2 8:16

Sukurdon mako kon i Allah, sin ki Titus in pinoporajing-Neapa naonda bo kami inta umuran noibog notuḷung kon i monimu!

KORINTUS 2 8:23

Aka ki Titus, yo sia in yobayat topogaidanku inta notuḷung kon i monimu. Bo soaḷ ki utat naton taya dua tua, inta minayá noyotakinnea, mosia tua in intaubí inta piniḻí bo sinantú in jamaat sin kinosanang in gina monia.

KORINTUS 2 8:6

Tuamai kami in umuran moguman kon i Titus – inta ain nomangkoi kon oaidan tanaa – sinbá ingguputannea in oaidan mopia tanaa kon sigad monimu doman.

PILIPI 2:21

Sin ibanea mako in tongábí morai kon kopontingan monia tontaní, deemanbí morai kon kopontingan i Kristus Yesus.

TIMOTIUS 1 6:10

Sin pomangkoian in bayongan inta moraat naa in ibogbí kon doit. Aindon tongonumai degá in intau inta umuran moramuji motayak kon doit, sahingga in diádon dinumudui kon totundú in agama Keresten, dá tongádon roriga in moiantug kon i monia bo inta mokoajar doman kon gina in kodungkuḷan monia tua.

TIMOTIUS 1 6:17

Ponoropdon kon intau mita inta nobiag nooyúon, bá mosia in diá dumodia bo diá mopodoyon in kobiagan monia kon barang mita inta modai-daitbí, ná kaoyúonan in dunia naa. Mosia in mustibí mopodoyon in kobiagan monia kon i Allah inta ain nobogoi in bayongan yagi-yagi kon i naton inta diádon koiapan in kobayongnea, inta pakéonmai naton muḷoi in singgai.

TIMOTIUS 2 1:15

Bá kotaauanmu kon bayongan intau inta kon Asia Kecil ain nonaḷámai kon inakó. Umpaka ki Pigelus bo ki Hermogenes.

TIMOTIUS 2 4:16

Kon wakutu in sinidang dungkuḷ totok kon inakó, diá in tobatúmai intau naton in noyotakinku, komintandon nonaḷámai kon inakó. Táe poigumonku mako sinbá diá potaḷáan i Allah in mosia sin nogaid kon soaḷ natua!

TITUS 1:4

Titus, iko uḻe in totu-totuu bidon nobaḻí ki adíku, sin kitada in tumpaḷadon nopirisaya kon i Kristus. Manangka intua umuranku poigumon mako sinbá ki Allah, ki Amá naton bo ki Kristus Yesus Datu Mopoposaḷamat naton, umuran mobogoi in barakat bo kobiagan mopia kon inimu.

PILEMON 1:24

Bo tarimadon doman in salam nongkon yobayat mita topogaidanku, ki Markus, ki Aristarkhus, ki Demas bo ki Lukas.

PETRUS 2 2:15

Popisí in mosia bo doí dumudui kon onu inta noitutui, dá noiḷangkamdon in mosia. Mosia in dinumuduidon kon i Bileam ki adí Beor tungkuḷ intua. Ki Bileam naa in moibog totok tondanan sinbá mogaid kon inta moraat.