TIMOTIUS 2 3:16 - Alkitab Singog In Mongondow Masa In Tanaa

¹⁶ Komintan inta pinais kon Buk Motusi inta ain pinoporoho i Allah in baragunabí totok pakéon motundú kon inta mobanar, bo mopoyotutui doman kon onu inta noitaḷá, pakéon doman motundú kon intau, sinbá mobiag moiduduidon kon inta kinoibog i Allah.

TIMOTIUS 2 3:16 ပူးပေါင်းရင်းမြစ်များ

SAMUEL 2 23:2

Roho i Tuhan ain nosingog pinongin inakó; koyow bo parenta-Nea in naa kon bibigku.

NEHEMIA 9:20

Pinongin kawasa-Mu inta mopia sinundú-Mu in mosia. Mosia in nokaan kon Manna bo nonginum kon tubig inta tugat kon i monia.

MAZMUR 119:11

Totundú in sinagúku kon bonu in ginaku, sinbá akuoi diá baradosaan kon ini-Mu.

MAZMUR 119:130

Aka insilangan, totundú-Mu in mobogoi in bayag, mobogoi in pomomangaḻe kon intau moompá in gina.

MAZMUR 119:9

Intau moguodpa in mokoḷukadbí kon kobiagannea diá in bogit aka mobiag in sia podudui in parenta-Mu.

AMSAL 15:10

Intau inta mogaid kon inta moraat in rorigaanbí; intau inta doí toboḷowon in matoi.

AMSAL 15:31

Intau inta mokidongog kon toboḷow in moyotakinbí in intau mobijaksana.

AMSAL 6:23

Topotundú mita in guyangamu naonda bo togá inta mobayag; toboḷow monia mopoontong kon inimu in kobobiag inta mopia.

MIKHA 2:7

Dika morai kon umat in Israel in kinutukdon i Tuhan! Ki Tuhan in diábí mogaid kon natua mita. Sia in diábí mokoimontanmai in koinggamáan in sabar-Nea. Sia in mosingogbí takin pia-pia mako kon intau mita inta mogaid kon inta moitutui?”

ZEPANYA 3:2

Moboditodon in kotá inta doí motarima kon tompoingat i Tuhan, bo doí doman mopandungmai kon toboḷow-Nea mita, bo inta diá moposarakan in ukurnea kon i Tuhan, bo dia mokituḷung kon i-Nia!

MATIUS 13:52

Dá ki Yesus in noguman kon i monia, “Pomuḷoi in intau inta monotaau totok kon atorang i Musa bo notarima kon totundú kon naonda in ki Allah momarenta tua, yo sia in naonda bo ki togi baḷoi inta nopoḷuai in pakakatnea nobagu bo inta nokoyongan nongkon tampat inta pinotagúannea.”

MATIUS 21:42

Ki Yesus in noḻibó kon i monia, “Diápa kon dodai in onda degá in moiko nokobaca kon bonu in Buk Motusi inta pinais nanaa? ‘Batu inta iḷumbú in mogogaid mita kon bangunan ain nobaḻí batu inta baraguna totok. Oaidan mita inta mokoherang kon mata naton tatua; aindon inaidan i Tuhan!’ ”

MATIUS 22:43

Dá Sia in noguman, “Aka natua, yo nongonu sin ki Daud inta kinawasaan in Roho i Allah monangoi kon i-Nia, ‘Ki Tuangnea,’ kon wakutu in sia nosingog,

MATIUS 26:54

Aka natua, yo naonda degá in mogintompod kon inta pinais kon bonu in Buk Motusi, inta ain noguman, kon tua in mustibí mobaḻí?”

MATIUS 26:56

Táe totuu kon tua in mustibí mobaḻí sinbá motompodon onu inta aindon pinais kon bonu in buk nabi mita.” Kon tua dumodudui-Nea noḷagui komintan nonaḷámai kon i-Nia.

MARKUS 12:24

Ki Yesus in noguman, “Noitaḷádon totok in raian monimu. Diá komangaḻean monimu in Buk Motusi andeka kawasa i Allah.

MARKUS 12:36

Bokaka ki Daud tontaní kon dodai in kinawasa in Roho i Allah – noguman, ‘Ki Tuhan nogumandon kon i Tuhanku: ḻitúdon kon dotá in koḷanan-Ku modapot in potungkud-Ku in bayongan saturu-Mu.’

YOHANES 10:35

Kinotaauanbí naton kon onu inta ain pinais kon bonu in Buk Motusi umuranbí pakéon, diábí in goga-gogainea. Dá aka ki Allah monangoi ‘ilah’ kon intau mita inta nopirisayadon kon singog-Nea.

YOHANES 3:20

Sin intau inta momia kon moraat, moyaat in ginanea kon bayag, sin dikabo koontongan in oaidnea inta moraat tua.

OUMAN IN RASUL MITA 1:16

“Utatku mita! Onu inta pinais kon bonu in Buk Motusi in mustibí mobaḻí. Tungkuḷ intua Roho i Allah in nomaké kon i Daud bo noguman muna kon ki Yudas in mobaḻí itoi mita in intau inta modomok kon i Yesus tua.

OUMAN IN RASUL MITA 18:25

bo nonotaau domandon kon soaḷ totundú i Yesus, umpaka bagu binaptis i Yohanes. Táe moḷoben domandon totok in ibognea nopotaau in Habar Mopia soaḷ ki Yesus.

OUMAN IN RASUL MITA 20:20

Táe umpakabí natua yo diábí kon dodai in onda in akuoi nogogai nopotaau kon onu inta mokobaraguna kon i monimu. Tua komintan ain pinotaauku kon i monimu bo ain doman sinundúku kon i monimu kon tayowon in intau mobarong andeka kon baḷo-baḷoiannea.

OUMAN IN RASUL MITA 20:27

Sin diábí kon dodai in onda in akuoi moḷagui mopohabar in bayongan tomayá i Allah kon i monimu komintan, sin tuabí in oaidanku.

OUMAN IN RASUL MITA 28:25

Dá mosia posi-posimaidon minayá nonaḷámai kon tampat tatua takin diábí notantúmai in raian monia. Dá ki Paulus in nosingog kon i monia, “Totuubí in onu inta ain pinoguman in Roho i Allah inta ain pinoyaput i Nabi Yesaya kon mogoguyang monimu!

SURAT I PAULUS KON JAMAAT RUM 15:4

Bayongan inta pinais kon Buk Motusi, tua in makusudnea motundúbí kon inaton. Sin totundú inta sinarima naton nongkon Buk Motusi nokodugang kon kototahang bo kororopot in gina naton, dá kita in umuran moharap kon i Allah.

SURAT I PAULUS KON JAMAAT RUM 2:20

bo nobaḻí doman guru kon i monia inta nobodokpa, bo kon i monia inta nobogápa. Yo iko in noyakin bidon kon bonu in hukum agama Yahudi, mokouḻí bidon in iko kon bayongan pongotahuan bo totundú inta nobanar.

SURAT I PAULUS KON JAMAAT RUM 3:2

Mobayongbí totok in baragunanea! Muna-munamai, lantaranbí kon intaubí in Yahudi naa in pinopopirisayaan i Allah in singog-Nea mita.

SURAT I PAULUS KON JAMAAT RUM 4:23

Singog “sinarima saḷaku intau inta mokosanang kon gina i Allah”. pinais deemanbí tongá kon i Abraham tontaní;

KORINTUS 1 12:7

Tongá pomuḷoi in intau inogoian bidon i Tuhan in totabi sin pakéon moyotakin.

GALATIA 3:8

Bo kon Buk Motusi aindon pinais muna kon ki Allah in moposaḷamatbí kon intau mita inta deeman Yahudi, sin pirisaya monia kon i-Nia. Habar Mopia tatua aindon pinotaau muna kon i Abraham, tua inta mangaḻe in singog tanaa, “Barakat i Allah kon bayongan intau kon dunia naa in moponag mongin inimu.”

ULANGAN 29:29

Tongonu nopasaḷ in binuni i Tuhan Allah naton; táe hukum-Nea in pinoniata-Nea kon i naton, bo kita takin buí naton in musti umuran dumudui modapot in adí bo ompu.”

ULANGAN 4:36

Nongkon ḷangit in Sia mopodongog in singog-Nea kon inimu sin motundú kon i monimu; kon dunia naa Sia nopoontongdon kon inimu in tuḷú-nea inta motoyang, bo nongkon tuḷú tatua nosingog in Sia kon inimu.

TIMOTIUS 2 2:25

Sia in musti mokopoḷukó kon bahasa aka motundú kon intau mita inta moibog momaḷawang; bo tantú mopoigum mako bá ogoian i Allah in kasampatan in intau mita tatua sinbá mogogaidon in mogaid kon dosa bo monotaaudon kon totundú inta noitutui.

TIMOTIUS 2 4:2

Sinbá iko in umuran moibog in mopotaau in Habar Mopia inta nongkon i Allah, bo poigum kon i monia sinbá moibog mokidongog, mopia andeka diá mopia in wakutunea. Popoyakindon in intau, bo poguman onu inta noitaḷá, bo umuraibí iropotai in mosia. Mokoposabar in motundú kon i monia.

IBRANI 11:1

Mopirisaya naa mangaḻenea in totok moyakin kon onu inta iharap mako naton, mangaḻenea oyúon in kotantúan kon soaḷ mita inta diá inontong.

IBRANI 3:7

Tuamai, ná inta ain pinoguman in Roho i Allah nanaa: “Aka singgai naa moiko mokodongog kon singog i Allah,

IBRANI 4:12

Sin pirman i Allah tatua in singogbí inta nobiag bo moropot bo Siabí in moḷani-ḷanit nongkon pitow inta doyowa in matanea. Singog tatua in tumurak nodapot in nopoyotondí in jiwa bo roho; boḻikatog bo tuḷan bobubuton, sahingga in kotaauanneadon totok in raian bo niat in intau.