TIMOTIUS 2 2:6 - Alkitab Singog In Mongondow Masa In Tanaa

⁶ Tobatú monononggobá inta umuran moramuji totok, tantú siabí in muna-munamai mokaan kon bungai in pinomuḷanea tatua.

TIMOTIUS 2 2:6 ပူးပေါင်းရင်းမြစ်များ

AMSAL 27:18

Ki ine in monompia kon pinomuḷa, yo mokaanbí kon bungainea. Bobantung in kotabibí doman aka motabi kon i tuangnea.

MATIUS 20:1

“Pomomarenta i Allah naonda bo poumpamaan tanaa: Oyúon ki togi gobá, subupa sia aindon iḷumuai bo notayak kon intau mita inta pokiaidan kon gobá in anggurnea.

MATIUS 25:16

Simpaḷ inta notarima kon ḻima noribu tua minayá, bo nopobaraguna in doit inta inogoi tatua dá nokouḻí in sia kon ḻima doman noribu bui.

LUKAS 10:2

Ki Yesus in noguman nanaa, “Bungainea in mobayong totok, táe mononoḻisí kon bungainea in tongá topiḻik. Manangka intua poigumdon kon i togi gobá sinbá potabánea mangoi in intau inta mogogaid sinbá mosia in monoinut kon bungainea mita tatua.

KORINTUS 1 9:23

Tongábí bá moiyaput in Habar Mopia nongkon i Allah kon bayongan intau, dá inaidanku intua komintan, sinbá moitakin doman mokouḻí kon barakat in akuoi.

TIMOTIUS 2 2:7

Raibí kopira onu in pinogumanku tanaa, sin ogoianbí i Tuhan in raian mopandoi in iko sahingga in komangaḻeanmudon in bayongan yagi-yagi.

IBRANI 10:36

Mokoposabarbí in moiko, sinbá motaaupa mogaid kon onu inta kinoibog i Allah, sahingga in tarimaanbí monimu in onu inta pinodandi i Allah tua.

IBRANI 6:7

Butá inta umuran kouyanan bo mobogoi in hasil kon bayongan in pinomuḷa inta baraguna kon intau monononggobá, barakatanbí i Allah in butá tatua.