TIMOTIUS 2 2:24 - Alkitab Singog In Mongondow Masa In Tanaa

²⁴ Intau inta nogaid kon oaidan i Tuhan in diábí mopia aka moyogenggeng. Mustibí mokopoaḷus kon pososingog bo mokopoompá kon dodia kon tumpaḷa intau, bo kopira doman in motundú kon intau bo mosabar.

TIMOTIUS 2 2:24 ပူးပေါင်းရင်းမြစ်များ

TAWARIKH 2 24:6

Tuamai nogoiní in sia kon i Imang Yoyada, itoi monia, bo noguman, “Ki Musa mogogundoi i Tuhan in nopotabádon kon rayat moguboḻi kon pajak sin ponompia kon Ḷoḷaigan i Tuhan, dá tanaa in nongonu sin intau mita in Lewi tatua in diábí dodakan i Amá mosipun kon pajak nongkon rayat kon Yohuda bo Yerusalem?” (

YESAYA 40:11

Naonda bo gombala Sia in noḷukad kon paanan-Nea; Sia tontaní in mosipun kon i monia. Ki adí mita in domba koyotan-Nea, takin moḷukó in tosingogon Sia in modia kon i indenea mita.

DANIEL 6:20

Kon tungkuḷ in modiugpa mobayag nobangondon in ki datu bo iḻimikat minayá in angob in singa.

MATIUS 12:19

Sia in diábí mobobayowan bo diábí doman kumarak, bo diábí dongogon in intau in singog-Nea kon daḷan mita.

YOHANES 6:52

Nokodongogmai kon tua, intau mita in Yahudi nobobayowan. Mosia in nosingog: “Umpaka intau tanion mokobaḻí mobogoi in awak-Nea sin kaanon naton?”

OUMAN IN RASUL MITA 15:2

Dá totok in binayowan i Paulus bo i Barnabas in guman in intau mita tatua. Pangabisannea sinantúdon sinbá ki Paulus bo ki Petrus takin tongonumai in intau nongkon Antiokhia mayá in Yerusalem mopoyosingog in soaḷ tatua takin rasul bo itoi mita kon tua.

OUMAN IN RASUL MITA 23:9

Dá nobobayowandon totok in mosia. Tongonumai in intau inta mototundú kon agama takin intau mita in Parisi, sinimindog kon muna bo nomayow totok. Mosia in noguman nanaa, “Intau tanaa in topiḻikmai yo diábí kinouḻían nami kon taḷá. Degá totuubí kon oyúon in roho andeka malaekat inta ain nosingog kon inia!”

OUMAN IN RASUL MITA 7:26

Nopoikoḷomai kon singgai sia in nokoontong doman kon intau in Israel doyowa noropatoi, táe sinongginaannea, kainia, ‘Moiko nion in ginaḷumbí, yo nongonu sin moropatoibí?’

KORINTUS 2 10:1

Akuoi ki Paulus, inta kain intau in diá mobarani moyogintayow mako, tongá mobarani aka moyogiyayúan monimu. Tanaa mako pinodoyon kon koaḷus bo kopopia in gina i Kristus,

KORINTUS 2 10:4

Sin ḷoḷutam mita inta pinaké nami kon usaha tanaa in deemanbí ḷoḷutam in dunia naa, táe ḷoḷutambí mita inta inogoi i Allah inta mokosanggup momoguyaat kon onu inta mokooḻingoi

KORINTUS 2 6:4

Táe naabí in popoontong nami kon bayongan in intau, onukabí in aidan nami, yo pinoniatabí nami kon kami in totu-totuubí mogogaid mita kon oaidan i Allah. Sin bayongan in yoyiga ain bidon nodait nami sinarima takin gina moonow:

GALATIA 5:22

Tongá intau mita inta kinawasa in Roho i Allah, yo nanaabí in aidan monimu: Oyúon totabian, umuran mosanang in gina bo moonow in gina, oyúon kasabaran, mopia in gina, umuran mopia kon tumpaḷa intau, motoindudui,

EPESUS 4:2

Umuranbí pokopoompá kon dodia, mokopoaḷus kon pososingog bo umuran domandon mokoposabar. Popoontongbí in tabimu kon oaid inta moibog mosituḷungan.

ULANGAN 34:5

Bo minatoidon in ki Musa inta mogogundoi i Tuhan tua kon butá in Moab, ná inta munadon pinoguman i Tuhan.

PILIPI 2:14

Aidaibí in oaidan tatua takin pia in gina bo dika mosirogian andeka mobobayowan.

PILIPI 2:3

Dika motayak kon kauntungan tontaní andeka dumodia kon intau. Táe pokopoompábí kon dodia bo anggapdon kon intau ibaneabí in mopia-pia nongkon inaton.

KOLOSE 3:13

Mokoposabar kon tumpaḷa intau, mosiampungan aka oyúon intau in motagú kon yaat in ginanea kon intau ibanea. Nosanangbí in gina i Tuhan nongampung kon i monimu, tuamai in musti doman mosiampungan in moiko.

TESALONIKA 1 2:7

Táe kami in tongábí umuran mokopopia kon oaid wakutu in kon yua-yuakpa monimu, naonda bo guyanga bobay monompia kon i adínea.

TIMOTIUS 1 6:11

Táe iko inta ain piniḻí i Allah, mokopoyayúdon kon tua komintan. Tayakdon in onu inta mopia kon tayowon i Tuhan, aidai in onu inta moitutui, posambayang bo mokopotantú kon pirisaya kon i Kristus, kotabibí in tumpaḷa intau, mobalajar mosabar bo aidai in onu inta mokosanang kon gina in intau.

TITUS 1:1

Titus adíku! Akuoi, ki Paulus in nomais kon surat tanaa saḷaku mogogaid kon oaidan i Allah bo rasul i Yesus Kristus. Akuoi in piniḻí bo pinotabá sinbá motuḷung kon intau mita inta ain piniḻí i Allah sinbá umuran morigon in pirisaya monia kon i Tuhan Yesus. Bo mustibí umuranku tundúon in mosia sinbá totokdon in monotaau kon onu inta moitutui podudui in agama naton.

TITUS 1:7

Sin itoi kon jamaat tua in mogaidbí kon oaidan i Allah, manangka intua mustibí intau inta mopia, diá mododia bo diá morogi, deemanbí intau inta umuran moḷoḷangu, deeman doman intau inta moibog-ibog motayak kon mokorogenggeng bo diá doman dinoit.

TITUS 1:9

Sia in musti umuran kumadai moropot kon totundú inta mobanar, ná inta ain sinundú kon inia. Takin natua in sia motaau mononggina kon intau podudui kon totundú inta nobanar, bo mopoontong kon onu inta noitaḷá kon intau mita inta moḷawang kon inia.

TITUS 3:2

Tongginaai sinbá mosia in diá umuran moibog moponapud in uboḷ kon intau ibanea andeka moibo-ibog mobobayowan i inekadon, sin maníka umuran mokopopia kon dodia kon tumpaḷa intau bo mokopoaḷus doman kon pososingog takin bayongan in intau.

YAKOBUS 1:1

Utatku mita, bayongan in umat i Allah inta noibaya-bayá mako kon dunia! Akuoi ki Yakobus, mogogaid kon oaidan i Allah bo i Tuhan Yesus Kristus, mopoyaput in salam kon i monimu.

YAKOBUS 3:17

Táe intau inta nokouḻí kon kabijaksanaan nongkon i Allah, yo sia in muna-munamai totok modarit, onda intua moibog in sia kon dodamean, mobahasa mako, bo motoindudui. Moḷoben in tabinea bo oaidnea mongopia. Diábí in sia momiḻí kon intau bo diábí tongá ki ubo-uboḷmai mopia.

YAKOBUS 4:2

Moibog in moiko, táe diá mokouḻí, dá moibog in moiko moḻimod! Totok moḷoben in ibog monimu, táe diá kodapotan monimu onu inta sinayak monimu tua, dá mobobayowan bo moropatoi in moiko. Moiko in diábí mokouḻí kon onu bo onu, sin moiko in diá noigum kon i Allah.

YOSUA 1:1

Naonda in ki Musa, mogogundoi i Tuhan tua minatoi, ki Tuhan noguman kon i Yosua adí i Nun inta bobantung i Musa.

PETRUS 1 3:8

Naa in kasimpulannea: utat mita poramuji mobiag motobatú kon tosingogon bo porasaan. Moiko in musti umuran mositabian ná doyowa mogutat. Moiko in musti doman mosituḷungan bo mokopoompá kon dodia.

YUDAS 1:3

Utat mita inta kinotabiku! Totuu kon oyúonbí in makusudku in nomais kon surat tanaa kon i monimu, tuata in soaḷ kasaḷamatan inta ain tumpaḷa kinorasaan naton. Kon soaḷ tanaa totokdon kon ginaku in momais kon surat kon i monimu bo mononggina sinbá moiko in umuran mokoporoton in kumadai kon onu inta ain pinirisaya monimu inta ain pinoyaput kon intau mita inta ain inoiní i Allah.