TIMOTIUS 2 2:20 - Alkitab Singog In Mongondow Masa In Tanaa

²⁰ Kon bonu in baḷoi moḷoben norupa-rupamaidon in pakakat, oyúon in nongkon saḷaka, nongkon buḷawan, oyúon doman in nongkon kayu bo nongkon butá. Oyúon in pinogaid kon oaidan inta mopia totok, táe oyúon doman in pinogaid kon oaidan inta diá totok in moponting.

TIMOTIUS 2 2:20 ပူးပေါင်းရင်းမြစ်များ

EZRA 1:6

Bayongan in topodiug monia notuḷung doman kon i monia poḷat nobogoi in pakakat mita, ná pakakat mita saḷaka bo buḷawan, tongkaaḷ kon daḷan, biag pododatogan, kapunyaan ibanea bo sosumba mita inta ogoi kon Baḷoi Tuhan.

EZRA 6:5

Bo pakakat doman mita in buḷawan bo saḷaka inta pinaké kon Baḷoi Tuhan bo inta ain ginamá nongkon Yerusalem i Datu Nebukadnezar bo dinia pinobayá in Babel, musti pobuion kon tampatnea inta muna.”

IḶUAIAN 27:3

Pomiaaidon kon rumping mita, sikop, palo mita, porok bo doḷuong. Komintan touḷut tatua musti pomiaan nongkon porunggu.

OMBAḶ 4:2

Dungkuḷmai ede mita in tayowmobiag in Kotá in Sion naonda bo buḷawan inta koboḻi, táe tanaa in pinomiadon mako naonda bo kuyon butá.

DANIEL 5:2

Koyogot in mosia nonginumai, ki Belsyazar in nokigamá in palo mita buḷawan bo saḷaka, inta ain inagow i Nebukadnezar, ki amánea, nongkon Baḷoi i Tuhan kon Yerusalem. Makusud i Datu Belsyazar in bá intau mita moḷoben, ki buḷoinea mita, bo pahangnea mita bo sia doman tontaní, in monginum kon palo mita tatua.

YOHANES 8:49

Ki Yesus in notubag, “Akuoi in diábí kinotoḷangan in dimbuḷó. Akuoi in totokbí mohoromat kon i Amá-Ku, táe moiko in moningkuḻe kon i-Nakó.

SURAT I PAULUS KON JAMAAT RUM 9:20

Táe, Utat! Iko in tongábí intau ilo-ilow, bo iko in diábí mokobaḻí momayow kon i Allah! Pot in bungang motaau degá in moḻibó kon intau inta nomia kon inia, “Nongonu sin inaidanmubí nanaa in akuoi?”

KORINTUS 1 3:9

Kami naa in tongábí tumpaḷa mogaid kon onu in pinoki aid i Allah; bo moiko nion naonda bo gobá i Allah. Moiko naonda doman bo baḷoi i Allah.

KORINTUS 2 4:7

Táe kaoyúonan inta mopia nongkon soroga tua in ná bí kon bonu in awak nami inta inaidan nongkon butá ḷamentong, sinbá moniatadon kon ropot moḷoben kon inami naa in nongkon i Allahbí, deemanbí nongkon inami tontaní.

EPESUS 2:22

Popisí in nobiag notobatú i Kristus, dá moiko doman in koyogot posindogon moyotakin in intau mita ibanea, mobaḻí tobatú baḷoi kon i Allah; inta pogutunan in Roho-Nea.

TIMOTIUS 1 3:15

sinbá aka akuoi diápa ḷagi moiangoi, yo kotaauanmudon naonda in kobobiag naton saḷaku ki adí mita i Allah, mangaḻenea kon naa jamaat i Allah inta nobiag. Jamaat tanaa inta nobaḻí oigi pinonuḻid bo dumodudui kon totundú inta totuu nongkon i Allah.

PETRUS 1 2:5

Moiko nion in batu mita inta nobiag. Tuamai moiko in musti moibog pakéon pobaḷoi kon baḷoi i Allah inta kon soroga. Takin natua moiko in mobaḻí imang mita inta nobiag tongádon kon i Allah, bo inta pinongin i Yesus Kristus noposumba kon i Allah in kuruban inta mokosanang kon gina-Nea.