TIMOTIUS 2 2:2 - Alkitab Singog In Mongondow Masa In Tanaa

² Onu inta ain dinongogmu sinundúku kon tayowon intau moantó, yo pokiaid intua kon intau mita inta motaau pirisayaan bo inta mongopandoi motundú kon intau ibanea.

TIMOTIUS 2 2:2 ပူးပေါင်းရင်းမြစ်များ

EZRA 7:10

Ki Ezra in totokdon in nonaridi kon Hukum i Tuhan, sin aidan bo motundú kon bayongan in inta sinantú bo atorangnea kon bangusa in Israel.

EZRA 7:25

Ki Utat ki Ezra, pakédon in pandoi inta ain inogoi i Allah kon i Utat, bo duídon in itoi mita bo hakim mita sin momarenta kon bayongan in intau kon propinsi Eprat Toyopan inta nobiag podudui in Hukum i Allah i Utat. Ki Utat in mustibí motundú kon Hukum tatua kon bayongan in intau inta diápa nonotaau kon tua.

NEHEMIA 7:2

Pomarentaan kon kotá in Yerusalem inogoiku kon i utatku ki Hanani bo kon i Hananya, Tongguḷu totok in tontara inta moḷukad kon benteng, sin sia in noiḻiu kon intau ibanea, moondok kon i Allah bo motaau pirisayaan.

MAZMUR 101:6

Koibogku in intau inta motoḷutui kon i Allah; mosia in motaaubí in mogutun kon baḷoiku. Intau inta mobiag diá in bogit in motaau mobantung kon inakó.

AMSAL 13:17

Totabá inta diá mobanar mokopoangoi kon bodito; totabá inta motaau pirisayaan in modia kon inta mopia.

YEREMIA 23:28

Nabi inta sinumogoindop mustibí moguman, ‘Naa in tongábí togoindop.’ Táe nabi inta nokouḻí kon koyow nongkon i-Nakó mustibí mopotaau in koyow tatua podudui in koyow inta mobanar tua. Gandum in diábí motaau potongkaion in wawa.

IMAMAT 14:42

Bo batu mita inta pinoḷuai tatua musti toḻiuan in batu mita inta mobagu. Bayongan dinding in baḷoi tatua musti bui pelesteron toimbaguon.

MALEAKHI 2:7

Totuu kon nobaḻí oaidan in imang mita in motundú kon inta mobanar soaḷ Akuoi, ki Tuhan Inta Totok in moḷantud. Kon i monia tuata in poḻibóan in rayat mongo onu in koibog-Ku, sin mosia tua in totabá-Ku mita.

PINOGIAPAN 12:7

Táe diábí natua in kon i Musa mogogundoi-Ku tua. Sia tuata in intau inta motoindudui totok kon sigad in bayongan umat-Ku.

MATIUS 13:52

Dá ki Yesus in noguman kon i monia, “Pomuḷoi in intau inta monotaau totok kon atorang i Musa bo notarima kon totundú kon naonda in ki Allah momarenta tua, yo sia in naonda bo ki togi baḷoi inta nopoḷuai in pakakatnea nobagu bo inta nokoyongan nongkon tampat inta pinotagúannea.”

MATIUS 24:25

Tarukira inta pinoguman-Ku muna kon i monimu.

LUKAS 12:42

Ki Tuhan in notubag, “Ki ine in bobantung inta mosatia bo mopandoi, sahingga pomiaan i tuangnea itoi kon sigad in bobantungnea mita ibanea, sinbá sia mobogoi in kaanon kon i monia aka wakutuneadon?

KORINTUS 1 4:2

Inta muna-munamai igumon kon intau mita inta mogogaid kon oaidan natua in kototoinduduibí monia kon i tuangnea.

KORINTUS 2 2:14

Táe sukur mako kon i Allah! Sin tantú-Neabí dinia in kami dinumudui kon daḷan inta mokosaḷamat, sin notobatúdon i Kristus in kami. Pinaké-Nea in kami sinbá habar soaḷ ki Kristus moibaya-bayádon mako ná bó inta mobondu inta kobóan kon bayongan in tampat.

KORINTUS 2 3:5

Diábí in dodoyonan singog nami in mosingog kon kami in mokosanggupbí mogaid kon oaidan tanaa, sin tongábí ki Allah in nobogoi komampuan tanaa kon i nami.

KOLOSE 1:7

Habar tatua in dinongogdon monimu nongkon i Epapras, yobayat topogaidan inta kinotabi nami. Sia tua in mogogaid kon oaidan i Kristus inta mosatia in mogaid kon kopontingan naton.

TIMOTIUS 1 1:12

Akuoi in mosukur kon i Kristus Yesus Tuhan naton, sin akuoi in inogoian-Neadon in ropot mogaid kon oaidan-Nea, bo inanggap-Neadon in akuoi patus pokiaidan in oaidan tatua,

TIMOTIUS 1 1:18

Timotius, adíku! Oaidan tanaa in inogoiku kon inimu pinodudui kon koyow i Allah inta ain pinoyaput in nabi mita kon jamaat soaḷ iko. Baḻídon baḷunmu in koyow i Allah tatua in mogaid kon bayongan oaidan inta mopia. Poramuji totu-totuu takin umuran kumadai kon inta moitutui bo paké in gina motuḻid bo modarit.

TIMOTIUS 1 4:14

Dika angoian maḷat iko in mopomaké in totabi inta ain pinonotabi i Tuhan kon inimu wakutu in iko binarakatan in itoi mita in jamaat. Umuran torop in koyow i Allah inta pinoguman in nabi mita soaḷ iko.

TIMOTIUS 1 4:6

Aka tundúonmu intua komintan kon bayongan in ginaḷum naton, yo iko in mobaḻí bidon mogogaid i Kristus inta nogaid nopira. Bo iko in umurandon moginropot kon ginamu takin pirman i Allah inta pinirisaya naton bo takin totundú mita totuu inta ain dinuduianmumai naa in kino oonggotnea.

TIMOTIUS 1 5:22

Dikabí gumampanganmai in monantú poḷat momarakat kon intau sin baḻíon mogogaid kon oaidan i Tuhan. Bo aka oyúon in intau nogaid kon inta diá mopia yo donaaibí dumayan in iko. Tantúbí ḷukadai in awakmu bá umuran modarit.

TIMOTIUS 1 6:12

Poramujidon totu-totuu mobiag saḷaku intau inta mopirisaya kon i Kristus. Mobiag mobanar bá mouḻímu in kobiagan mononoi. Sin tuabí in mangaḻe in pinogoinían i Allah kon inimu bo tua doman komintan inta umuran inakumu kon tayowon in intau moantó.

TIMOTIUS 2 3:10

Iko aindon dinumudui kon onu inta sinundúku, kon onu inta ain pinomiaku, bo kon tujuan kinobiaganku. Bo ain inontongmu tontaní naonda in kopopirisayaku kon i Yesus Kristus bo tabiku kon tumpaḷa intau. Kinotaauanmu bidon in kososabarku bo kototahang in ginaku.

TIMOTIUS 2 3:14

Táe iko uḻe Timotius, tantúbí kadai kon totundú inta mobanar inta ain sinundúku kon inimu bo inta totu-totuumudon pinirisaya. Sin kinotaauanmubí in gurumu mita.

IBRANI 2:17

Mangaḻenea kon naa kon bayongan in yagi-yagi Sia in musti mobaḻí naonda bo ki utat-Nea mita, sahingga notaau in Sia nobaḻí Imang Moḷoben inta motoindudui kon i Allah bo kototabi. Tua in pomiaan-Nea sinbá ampungandon dosa in intau.

SAMUEL 1 2:35

Onda intua Akuoi in momiḻídon kon imang inta mosatia kon i-Nakó bo mogaid kon onu inta pinoki aid-Ku kon inia. Kon inia tua in ogoian-Ku in buí inta umuran mopobayá in oaidan imang kon tayowon in datu mita inta piniḻí-Ku.