TIMOTIUS 2 2:12 - Alkitab Singog In Mongondow Masa In Tanaa

¹² Aka kita bo motaba, yo kita in moyotakin-Neabí doman momarenta. Aka diá akuon naton in Sia, yo diábí doman akúon-Nea in kita.

TIMOTIUS 2 2:12 ပူးပေါင်းရင်းမြစ်များ

AMSAL 30:9

Sin, aka akuoi in mooyúon, yo dika-dika bo akuoi in moguman kon akuoi in diábí moparaḷu kon ini-Mu. Bo aka akuoi mobiag bogá, yo dika-dika bo monakow in akuoi dá mokopooyámai kon tangoi-Mu.”

MATIUS 10:33

Táe ki ine in momayow kon tayowon intau mobarong kon sia in dumodudui-Ku, yo sia in bayowan-Ku doman kon tayowon i Amá-Ku inta kon soroga.”

MATIUS 26:35

Ki Petrus in bui noguman kon i-Nia, “Pakabí Akuoi matoi moyotakin-Mu, yo akuoi in diábí moguman kon deeman murí-Mu!” Murí-Nea doman mita ibanea in noguman doman natua.

MATIUS 26:75

Bo kinotoropandon i Petrus onu inta ain pinoguman i Yesus kon inia, “Wakutu in manuk diápa mokukú iko in kotoḷudon nomayow kon deeman murí-Ku.” Bo iḷumuai in sia, bo nongombaḷ sin norobonoḷ totok in ginanea.

MARKUS 10:33

Ki Yesus in noguman, “Indongogai in naa, tanaa kita mopobayádon in Yerusalem. Kon tua Adí Intau posarakandon kon imang mita itoi bo kon mototundú mita kon agama. Sia in hukumon matoi, onda intua posarakan kon intau mita deeman Yahudi.

MARKUS 8:38

Sin ki inekabí in mooyá popisí Akuoi bo popisí in singog-Ku kon yua-yuak in intau mita inta diá mosatia bo binaradosa naa, yo ki Adí intau mooyá doman popisí in intau tatua aka Sia mamangoidon bui kon bonu in kamuliaan i Amá-Nea takin malaekat mita mokudus.”

LUKAS 12:9

Táe ki ine in momayow kon tayowon intau moantó kon sia in dumodudui-Ku, yo sia in bayowan doman in Adí Intau kon tayowon in malaekat mita i Allah.

LUKAS 22:29

Ná ki Amá ain nobogoi kon i-Nakó in hak momarenta, dá Akuoi in mobogoi in hak tatua kon i monimu.

LUKAS 22:30

Takin natua dá moiko in motaau doman mobarasanang takin-Ku kon wakutu in Akuoi in mobaḻí Datu. Bo moiko in ḻimitú kon ḻimonik in mopuḷú bodoyowá in tampat pomomarentaan sin momarenta kon mopuḷú bodoyowá nosuku in bangusa Israel.”

LUKAS 9:26

Sin intau inta mooyá in mongaku kon sia tua in dumodudui-Ku bo mooyá in mogaid kon onu inta ain sinundú-Ku, yo ki Adí Intau mooyá doman in mongaku kon sia in dumodudui-Ku kon wakutu in moiangoi in Sia takin kawasa-Nea bo kawasa i Amá bo in malaekat mita inta motusi!

OUMAN IN RASUL MITA 14:22

Kon kotá mita tatua mosia in minayá noginrigon kon gina in intau mita inta mopirisaya kon i Yesus bo nononggina sinbá umuran mopirisaya kon i Yesus. Nanaa in tonggina monia tua, “Munapabí moantó in roriga mouḻí naton, bain tua bo mokorasa kon kopiaan kon Dunia Mobagu i Allah.”

SURAT I PAULUS KON JAMAAT RUM 5:17

Popisí in taḷá in intau tobatú dá bayongan in intau kinawasa domandon in popatoi inta nongin intau tobatú tua. Táe moiḻiubí domandon nongkon tua in akibat nongkon onu inaidan in intau tobatú ibanea, tuata in ki Kristus. Pinongin i-Nia tua, ki Allah in nobogoi in totabi-Nea inta totok in moḷoben kon intau mobayong, bo tongábí pinonotabi-Nea kon i monia, sahingga in mosia in noyodamedon bui takin i Allah; mosia in mongawasa kon dunia naa pinongin i Kristus.

SURAT I PAULUS KON JAMAAT RUM 8:17

Dá, aka kita ki adí mita i Allah, yo kita naa in intaubí mita inta mogogabat-Nea bo inta motarima kon barakat mita inta ain sinadia i Allah kon i adí-Nea mita. Kita in noyotakin i Kristus motarima kon onu inta ain sinadia i Allah kon i-Nia; sin aka kita bo mokorasa kon roriga takin i Kristus, yo kita in pomuliaanbí doman moyotakin-Nea.

PILIPI 1:28

Bo topiḻikmai dikabí moondok kon saturumu mita; sin aka diá moondok in moiko, yo tua in mopoontong kon mosia in taḷowonbí bo moiko in mountung, sin ki Allahbí tontaní in mobogoi intua kon i monimu.

TIMOTIUS 1 5:8

Táe aka oyúon in intau inta doí monarukiramai kon i utatnea, ginaḷumnea, apadoman intau inta kon bonu in baḷoinea, yo intau tatua in doí mogaid kon onu inta sinuntut in pinirisayanea tatua, dá intau tatua in moraa-raatdon nongkon intau inta diá mopirisaya kon i Kristus.

YUDAS 1:4

Sin diá kinotaa-taauanmai, naanta oyúon bidon in intau mita ibanea inta umuni-uni mako bo sinumuot kon yua-yuak naton. Mosia tua in intau mita moraat inta mopoyotuuy in habar soaḷ totabi i Allah naton. Makusud monia tua in motayakbí kon kasampatan mopoaid in onu inta kinoibog in awak monia. Mosia tua in diá mopirisaya kon ki Yesus Kristus tua in mongongawasa bo Tuhan naton. Nongkon tungkuḷpabímai hukuman kon i monia tua aindon pinotaau muna kon bonu in Buk Motusi.

WAHYU 1:6

bo baḻíon-Nea tobatú bangusa in imang mita in kita, inta mogaid kon oaidan i Allah, ki Amá-Nea. Ki Yesus Kristus tuata inta momulia bo inta mongawasa modapot in kopaḷutannea. Amin!

WAHYU 1:9

Akuoi ki Yohanes, ki utatmu inta kinoantugan doman in roriga inta ná noiantug kon intau mita inta mopirisaya kon i Kristus. Mustibí mokoposabar in monahang kon roriga in kita saḷaku kapunyaan-Nea. Akuoi in iḷumbú kon Pulau Patmos popisí in nopotaau in koyow inta nongkon i Allah, inta inirigonan i Yesus pinongin onu inta inouman-Nea.

WAHYU 2:13

Kinotaauan-Kubí in pinogutunan monimu. Moiko in nogutun kon tampat inta pinomarentaan in Ibilis, táe moiko in motoinduduibí kon i-Nakó. Sedang bo wakutu in ki Antipas, sakusi-Ku inta motoindudui tua iḻimod kon tayowonmu kon tampat poyoyosipunan in Ibilis, yo moiko in umuranbí doman nongaku saḷaku intau mita inta mopirisaya kon i-Nakó.

WAHYU 20:4

Bo akuoi in nokoontong kon ḷoḻitúan mita pomomarentaan tatua inogoian in kawasa monantú kon hukuman. Inontongku doman in dimukud in intau mita inta sinokoratá popisí in nopotaau in habar soaḷ ki Yesus, bo lantaran nopoyaput in koyow i Allah. Mosia tua in diábí nosumba kon mahaḷuk tatua andeka patongnea bo doí doman sinandaan kon pogot bo kon ḻima monia; dá mosia in nobiag bui bo nomarenta saḷaku datu moyotakin i Kristus toribu notaong in koonggotnea.

WAHYU 20:6

Kosanangdon totok in intau mita inta noitakin biniag bui dungkuḷ tua. Mosia tua in patusbí mobaḻí kapunyaan i Allah. Sin popatoi induanea in diá bidon mongawasa kon i monia. Mosia tua in mobaḻí imang mita i Allah bo i Kristus, bo mosia in momarenta moyotakin i Kristus toribu notaong in koonggotnea.

WAHYU 3:10

Lantaran moiko ain dinumudui kon parenta-Ku kon bá umuran mosabar mogoḷat mako kon i-Nakó. Dá umuran-Ku doman ḷukadan mako in moiko nongkon kasusahan inta moiantug kon dunia naa. Soaḷ tatua in mobaḻíbí sin monungkuḷ kon bayongan in intau kon dunia naa.

WAHYU 3:21

Mosia inta mountung, ogoi-Ku ḻimitú takin-Ku kon tampat pomomarentaan-Ku, notongkai doman ná Akuoi inta ain nountung bo tanaa mako in iḻimitú noyotakin i Amá-Ku kon tampat pomomarentaan-Nea.

WAHYU 3:8

Kinotaauan-Kubí in onu inta inaidan monimu. Kinotaauan-Kubí kon ropot monimu in diábí tongonu; moiko ain dinumudui kon totundú-Ku bo motoindudui kon i-Nakó. Moiko in pinobukatan-Kudon kon tobatú ḷoḻingkop, inta diábí koḻingkopan i inekabí.

WAHYU 5:10

Binaḻí-Mudon in mosia tobatú dodatuan inta nobaḻí imang mita, sinbá mosia in mogaid kon oaidan i Allah naton, bo momarenta kon dunia naa.”