TIMOTIUS 2 1:7 - Alkitab Singog In Mongondow Masa In Tanaa

⁷ Sin Roho inta inogoi i Allah kon i naton in deemanbí bá moondok in kita, táe Rohobí inta mobogoi in ropot bo mopuḻing in tabi bo mokotahang kon gina in kita.

TIMOTIUS 2 1:7 ပူးပေါင်းရင်းမြစ်များ

MAZMUR 119:80

Igumon mako in ginaku diá tumabat nongkon atorang-Mu, sinbá diá mooyá in akuoi.

AMSAL 2:7

Intau inta motuḻid in gina bo inta diá in bogit, tuḷungan-Nea poḷat ḷukadan.

AMSAL 8:14

Akuoibí inta nopogonú in raian. Bo akuoi doman in nomaḻí kon inia. Akuoi in mopandoi bo moropot doman.

YESAYA 11:2

Kawasa i Tuhan in mokapit kon inia, mopobaḻí kon inia mopia bo mobijaksana, mopandoi monimpod kon tosingogon bo mopoaid intua; monotaau kon ibog i Allah bo mopirisaya kon i-Nia.

MIKHA 3:8

Táe soaḷ akuoi naa, ki Tuhan in nopogonúdon in Roho bo kawasa-Nea. Akuoi in inogoian-Nea in pomomangaḻe soaḷ kooadil, bo kabaranian doman moponiata kon intau in Israel kon soaḷ dosa mita inta ain inaidannea.

ZAKHARIA 4:6

Malaekat tatua in nopotabá kon inakó mopotaau kon i Zerubabel in koyow i Tuhan tanaa, “Deemanbí pinodoyon kon ropot in tontara bo deemanbí doman pinodoyon kon ropotmu tontaní iko in mountung, táe noidoyonbí kon roho-Ku.

LUKAS 10:19

Pokotaau! Moiko aindon inogoian-Ku in kawasa poritak kon uḷag bo bambau, bo kawasa pomutoḷ kon ropot in saturu, dá diá bidon in mokobodito kon i monimu.

LUKAS 15:17

Pangabisannea sia in nosadar bo nosingog nanaa, ‘Intau mita inta nogaid kon i papaku mobayong totok in kaanon kon i monia, táe akuoi in kon naa gogióbí bo matoi in gogoy!

LUKAS 24:49

Sin onu inta ain pinodandi i Amá kon i monimu, Akuoibí in mobogoi. Táe moiko in musti umuran mogoḷat kon kotá tanaa modapot ogoiandon i Allah in kawasa in moiko.”

LUKAS 8:35

Dá iḷumuaidon in intau mita kon tua sin moindoi kon onu inta ain nobaḻí kon tua. Mosia namangoi kon i Yesus bo inontong monia in intau inta sinaḷaandon in dimukud moraat. Intau tatua iḻimitúdon mako kon diug in sioḷ i Yesus, aindon noratak bo nogiḷambungdon. Mosia inta kon tua, komintan inangoian ondok in nokoontong kon onu inta nobaḻí tatua.

YOHANES 14:27

Kobiagan moonow bo motompia taḷaan-Ku kon i monimu. Dodamean-Kubí tontaní in ogoi-Ku kon inimu. Onu in ogoi-Ku tua deemanbí ná inta inogoi in dunia naa kon i monimu. Dika moḻia-ḻiaw in gina bo dika moondok.

OUMAN IN RASUL MITA 1:8

Tongá moiko in mokouḻíbí kon kawasa, aka Roho i Allah mamangoidon kon i monimu bo moikodon nion in mobaḻí sakusi-Ku kon Yerusalem, kon bayongan butá in Yudea, kon Samaria, bo modapot in popod in dunia.”

OUMAN IN RASUL MITA 10:38

Bo kinotaauanbí domandon monimu kon ki Allah ain nomiḻí kon i Yesus intau in Nazaret tua bo nobogoi kon i-Nia in Roho i Allah bo kawasa. Kinotaauan domandon monimu kon ki Yesus tuata inta minayá in ḻipu-ḻipúannea bo nogaid kon inta mopia poḷat nongundam kon bayongan in intau inta kinawasa in Ibilis, sin ki Allah in umuran kotaki-takin-Nea.

OUMAN IN RASUL MITA 20:24

Táe tua in diábí hirauonkumai matoi kabí asaḷ bo oaidan inta pinoki aid i Tuhan Yesus kon i nakó in moḷapatku aidan bo ginaku in umuran motantú modapot in kopaḷutan kobiaganku naa kon akuoi in mustibí mopoyaput in Habar Mopia inta ain pinonotabi i Allah kon i naton.

OUMAN IN RASUL MITA 21:13

Táe ki Paulus in noguman kon i monia, “Nongonu sin mongombaḷbí in moiko naníon, bá kotaauan monimu kon ombaḷ monimu nion totokbí in mokororiga kon ginaku! Akuoi in diá bidon moondok, deemanbí tongá togoton, umpakabí modapot in matoi kon Yerusalem sin mopotaau in Habar Mopia nongkon i Tuhan.”

OUMAN IN RASUL MITA 26:11

Moantó in pinogutúku in mosia kon baḷoi mita pososambayangan, pakisaanku sinbá diádon mopirisaya in mosia kon i Yesus. Totokbí moyaat in ginaku kon i monia tungkuḷ intua, noidapot in aḷowanku in mosia kon ḻipu-ḻipúannea.”

OUMAN IN RASUL MITA 26:25

Táe ki Paulus in noguman, “Akuoi in noratakbí, uḻe Datu Agripa. Onu in pogumanku naa in komintanbí totuu, raianku in nopiapabí.

OUMAN IN RASUL MITA 6:8

Ki Stepanus naa in intaubí inta totok in binarakatan i Allah. Moantó totok in soaḷ inta mokoherang in inaidannea kon sigad in intau moantó.

OUMAN IN RASUL MITA 9:22

Táe moḷobendon totok in pongaru i Saulus kon i monia. Onu inta nobaḻí kon inia soaḷ ki Tuhan Yesus, nodaitnea inouman kon i monia, sahingga in nopirisayadon totok in mosia kon ki Yesus tuata in Datubí Mopoposaḷamat, dapot intau mita in Yahudi kon Damsyik diádon mokobayow.

SURAT I PAULUS KON JAMAAT RUM 5:5

Bo harapan ná tanaa in diábí mokokecewa kon i naton, sin gina naton ain notarima kon totabi i Allah. Tua in inaidan i Allah pinongin Roho-Nea, inta ain inogoi kon i naton.

SURAT I PAULUS KON JAMAAT RUM 8:15

Sin Roho, inta inogoi i Allah kon i monimu, diábí mopobaḻí kon i monimu ata, sahingga moiko in mobiagdon kon bonu in porasaan moondok. Táe Roho i Allah in mopobaḻíbí kon i monimu ki adí mita i Allah. Bo takin kawasa in Roho tatua kita komintan in monangoi kon i Allah, “Amá, o Amáku!”

KORINTUS 1 2:4

Bo habar inta pinoyaputku kon i monimu tua in deemanbí tongá pinotaauku takin tosingogon inta mokosanang kon gina pinodudui in kabijaksanaan in intau, táe noidoyonbí kon koyakinan kon Rohobí i Allah in nongawasa.

GALATIA 5:22

Tongá intau mita inta kinawasa in Roho i Allah, yo nanaabí in aidan monimu: Oyúon totabian, umuran mosanang in gina bo moonow in gina, oyúon kasabaran, mopia in gina, umuran mopia kon tumpaḷa intau, motoindudui,

KOLOSE 1:8

Sia doman tua inta nopoyaput in habar kon inami kon moiko ain kinawasa in Roho i Allah sahingga in nobiagdon mototabian.

IBRANI 2:15

Tua in cara-Nea moposaḷamat kon intau mita inta umuran kinawasaan in ondok kon soaḷ popatoi.

PETRUS 1 1:22

Popisí in moiko bo umuran dinumudui kon onu inta sinundú i Allah, dá tabidon in nondarit kon i monimu sahingga in totu-totuudon in moiko motabi kon intau mita inta tumpaḷa mopirisaya kon i Kristus. Pogumanku bui, totu-totuudon positabian in moiko kon tobatú bo tobatú takin gina motuḻid.

YOHANES 1 4:18

Intau inta nobiag kon bonu in totabi i Allah, diábí angoian ondok, sin tabi inta mosompurna in monginggamádon kon bayongan ondok. Dá kotaauan bidon, aka intau bo moondokpa in tumayow kon Singgai Ponantúan yo intau tatua in diápa notarima kon tabi inta nosompurna nongkon i Allah.