TIMOTIUS 2 1:4 - Alkitab Singog In Mongondow Masa In Tanaa

⁴ Tantúku kotoropan koajar in ginamu, tuamai in moibogdon totok in akuoi mokipodungkuḷ kon inimu bá mosanangdon in ginaku.

TIMOTIUS 2 1:4 ပူးပေါင်းရင်းမြစ်များ

MAZMUR 126:5

Igumon mako in intau inta noponimboi sindaḷan mongombaḷ, in mokoyut takin ḷunganga in gina.

YESAYA 61:3

sin mobogoi in pia in gina bo ḷunganga in gina kon intau inta morobonoḷ in gina bo nonogumatoi; sin momaḷui kon inta mokoajar kon gina monia mobaḻí dondong dodayow. Mosia in nádon pangkoi in kayu tobatú inta pinomuḷa tontaní i Tuhan. Mosia in mogaidbí kon onu inta mopia bo mobanar, dá ki Tuhan in poḷantudon.

YEREMIA 31:13

Kon dodai intua mongodeaga mita in motayok takin kinoibog in gina. Guyanga bo tayow mobiag tumpaḷa moḷunganga in gina, sin Akuoi in moḻipoibí kon i monia. Kuyang in gina monia baḷuian-Ku in pia in gina, robonoḷ in gina baḷuaian-Ku in ḷunganga in gina.

YOHANES 16:22

Natuabí doman in moiko: Tanaa mako mosusapabí in gina monimu, táe buipabí in Akuoi moyodungkuḷ monimu, dá moḷunganga in gina monimu; bo diábí tobatúmai intau in motaau mogamá kon ḷunganga in ginamu tatua.

YOHANES 16:24

Umaai in tanaa mako, moiko in diápa kon dodai onda in noigum kon onu bo onu pinongin tangoi-Ku. Poigumdon, dá motarimabí in moiko, sinbá ḷunganga in ginamu motompodon.”

OUMAN IN RASUL MITA 20:19

Akuoi in notuḷung kon i monia takin sanang in gina takin nokopoompá kon dodia, poḷat doman noḷabú in ḷuá in mogaid kon oaidan inta pinoki aid i Tuhan. Akuoi in nogaid umuran doman mokorasa kon roriga sin tantú moyogintayow mako in tomayá moraat in intau mita in Yahudi.

OUMAN IN RASUL MITA 20:31

Tuamai umuran kiḷuka-ḷukadmai bo toropdon saḷaḷu kon akuoi in toḷu notaong, doḷom bo singgai in diábí dodai onda in nogogai nononggina kon i monimu komintan takin koomba-ombaḷ doman.

SURAT I PAULUS KON JAMAAT RUM 1:11

Akuoi in moibogdon totok in moyodungkuḷ monimu sinbá motaaupa mosilai kon i monimu kon onu inta ain pinonotabi in Roho i Allah sinbá modugangdon moropot in pirisaya monimu.

PILIPI 1:8

Kinotaauanbí i Allah kon nongkon i Kristusbí tontaní in tanob bo tabiku kon i monimu.

PILIPI 2:26

Mokotanobdon totok in sia kon i monimu komintan, bo moajar domandon totok in ginanea sin kinotaauandon monimu kon notakit in sia.

TESALONIKA 1 2:17

Bayongan ginaḷum jamaat i Allah, wakutu in kita noyotanga diá noonggot – noyayú kon mata táe nodiugbí kon gina – totokbí in kinotanoban nami in moiko bo tantú ramujion nami sinbá buipa moyodungkuḷ monimu in kami!

TIMOTIUS 2 4:21

Poramujidon in mamangoi kon dodai in diápa sempo in tumping. Yobayat naton ki Ebulus, ki Pudes, ki Linus bo ki Klaudia, nokipoyaput doman in salam monia kon inimu bo kon i monia inta tumpaḷa mopirisaya kon i Tuhan.

TIMOTIUS 2 4:9

Poramuji ḷagi mamangoi kon inakó,

YOHANES 1 1:4

Naa komintan in pinaisdon nami, sinbá gina naton totu-totuudon moḷunganga.

WAHYU 21:4

Paḻitandon i Allah in bayongan ḷuá kon mata monia. Diá bidon in popatoi. Diá bidon in mokoajar kon gina. Amui ande ombaḷ onu inta mokonakitpa kon gina in diá bidon. Soaḷ mita inta nokoyongandon ain noinggamá.”

WAHYU 7:17

Sin ki Adí in Domba inta iḻimitú kon tampat pomomarentaan tatua in mobaḻí gombala monia, bo diaan-Nea in mosia mayá kon bokaká in tubig inta mokobiag. Bo inggamáandon i Allah in bayongan ḷuá kon mata monia.”